ਇਸ ਬੈਂਕ ’ਚ ਨੌਕਰੀ ਦਾ ਸੁਨਹਿਰੀ ਮੌਕਾ, ਸਿਰਫ ਇੰਟਰਵਿਊ ਨਾਲ ਹੀ ਹੋਵੇਗੀ ਚੋਣ

ਨਵੀਂ ਦਿੱਲੀ— ਬੈਂਕ ਆਫ਼ ਬੜੌਦਾ ’ਚ ਨੌਕਰੀ ਕਰਨ ਦਾ ਸੁਨਹਿਰੀ ਮੌਕਾ ਹੈ।  ਬੈਂਕ ਆਫ਼ ਬੜੌਦਾ ਨੇ ਸੁਪਰਵਾਈਜ਼ਰ ਦੇ ਅਹੁਦਿਆਂ ’ਤੇ ਭਰਤੀ ਲਈ ਅਰਜ਼ੀਆਂ ਦੀ ਮੰਗ ਕੀਤੀ ਹੈ। ਭਰਤੀ ਲਈ ਬੇਨਤੀ ਪ੍ਰਕਿਰਿਆ ਜਾਰੀ ਹੈ। ਚਾਹਵਾਨ ਉਮੀਦਵਾਰ ਬੈਂਕ ਆਫ਼ ਬੜੌਦਾ ’ਚ ਭਰਤੀ ਲਈ 31 ਜੁਲਾਈ 2020 ਤੱਕ ਆਨਲਾਈਨ ਅਪਲਾਈ ਕਰ ਸਕਦੇ ਹਨ। ਬੈਂਕ ਆਫ ਬੜੌਦਾ ਨੇ ਆਪਣੀ ਅਧਿਕਾਰਤ ਵੈੱਬਸਾਈਟ ’ਤੇ ਸੁਪਰਵਾਈਜ਼ਰ ਦੇ ਅਹੁਦੇ ਲਈ 49 ਖਾਲੀ ਅਸਾਮੀਆਂ ਨੂੰ ਭਰਨ ਲਈ ਇਕ ਨੋਟੀਫ਼ਿਕੇਸ਼ਨ ਜਾਰੀ ਕੀਤੀ ਹੈ। ਬੜੌਦਾ ਬੈਂਕ ’ਚ ਸੁਪਰਵਾਈਜ਼ਰ ਦੀ ਭਰਤੀ ਸਾਬਕਾ ਬੈਂਕਰਾਂ ਦੇ ਨਾਲ-ਨਾਲ ਹੋਰਨਾਂ ਉਮੀਦਵਾਰਾਂ ਲਈ ਕੀਤੀ ਜਾ ਰਹੀ ਹੈ। 

ਅਹੁਦਿਆਂ ਦੀ ਗਿਣਤੀ—
ਬੈਂਕ ਆਫ਼ ਬੜੌਦਾ ’ਚ ਸੁਪਰਵਾਈਜ਼ਰ ਦੇ 49 ਅਹੁਦਿਆਂ ’ਤੇ ਭਰਤੀਆਂ ਕੱਢੀਆਂ ਹਨ।

ਸਿੱਖਿਅਕ ਯੋਗਤਾ—
ਬੈਂਕ ਆਫ਼ ਬੜੌਦਾ ’ਚ ਸੁਪਰਵਾਈਜ਼ਰ ਦੇ ਅਹੁਦਿਆਂ ’ਤੇ ਨਿਕਲੀਆਂ ਇਸ ਭਰਤੀ ਪ੍ਰਕਿਰਿਆ ਲਈ ਉਮੀਦਵਾਰਾਂ ਨੂੰ ਕੰਪਿਊਟਰ ਦੇ ਗਿਆਨ (ਐੱਮ. ਐੱਸ. ਦਫ਼ਤਰ, ਈਮੇਲ, ਇੰਟਰਨੈੱਟ ਆਦਿ) ਦੇ ਨਾਲ ਗਰੈਜੂਏਟ ਹੋਣਾ ਲਾਜ਼ਮੀ ਹੈ। ਹਾਲਾਂਕਿ ਕਿ ਯੋਗਤਾ ਜਿਵੇਂ ਐੱਮ. ਐੱਸ. ਸੀ. (ਆਈ. ਟੀ.)/ ਐੱਮ. ਸੀ. ਏ./ਐੱਮ. ਬੀ. ਏ. ਹੈ। 

ਉਮਰ ਹੱਦ—
ਬੈਂਕ ਆਫ਼ ਬੜੌਦਾ ਦੇ ਤਹਿਤ ਸੁਪਰਵਾਈਜ਼ਰ ਦੇ ਅਹੁਦਿਆਂ ’ਤੇ ਬੇਨਤੀ ਕਰਨ ਲਈ ਉਮੀਦਵਾਰਾਂ ਦੀ ਘੱਟ ਤੋਂ ਘੱਟ ਉਮਰ 21 ਸਾਲ ਅਤੇ ਵੱਧ ਤੋਂ ਵੱਧ ਉਮਰ 45 ਸਾਲ ਤੈਅ ਕੀਤੀ ਗਈ ਹੈ।

ਕਿਵੇਂ ਹੋਵੇਗੀ ਚੋਣ?
ਇਨ੍ਹਾਂ ਅਹੁਦਿਆਂ ’ਤੇ ਉਮੀਦਵਾਰਾਂ ਦੀ ਚੋਣ ਇੰਟਰਵਿਊ ਦੇ ਆਧਾਰ ’ਤੇ ਕੀਤੀ ਜਾਵੇਗੀ। ਭਰਤੀ ਲਈ ਕੋਈ ਲਿਖਤੀ ਪ੍ਰੀਖਿਆ ਨਹੀਂ ਦੇਣੀ ਹੋਵੇਗੀ।

ਇੰਝ ਕਰੋ ਅਪਲਾਈ—
ਬੈਂਕ ਆਫ਼ ਬੜੌਦਾ ’ਚ ਸੁਪਰਵਾਈਜ਼ਰ ਦੇ ਅਹੁਦਿਆਂ ’ਤੇ ਨਿਕਲੀਆਂ ਭਰਤੀ ਲਈ ਯੋਗ ਉਮੀਦਵਾਰ ਆਨਲਾਈਨ ਬੇਨਤੀ ਕਰ ਸਕਦੇ ਹਨ। ਬੇਨਤੀ ਦੀ ਆਖਰੀ ਤਰੀਕ 31 ਜੁਲਾਈ 2020 ਤੈਅ ਹੈ। ਉਮੀਦਵਾਰ ਨੂੰ ਅਧਿਕਾਰਤ ਵੈੱਬਸਾਈਟ https://www.bankofbaroda.in/ ’ਤੇ ਜਾ ਕੇ ਆਨਲਾਈਨ ਅਪਲਾਈ ਕਰ ਸਕਦੇ ਹਨ।