25 ਉਂਗਲਾਂ ਨਾਲ ਜੰਮਿਆ ਬੱਚਾ, ਪਰਿਵਾਰ ਵਾਲਿਆਂ ਨੇ ਕਿਹਾ ''ਦੇਵੀ ਦਾ ਆਸ਼ੀਰਵਾਦ''

ਬਾਗਲਕੋਟ : ਕਰਨਾਟਕ ਦੇ ਬਾਗਲਕੋਟ ਜ਼ਿਲ੍ਹੇ ਵਿੱਚ ਇੱਕ ਬੱਚੇ ਨੇ ਜਨਮ ਲਿਆ ਹੈ, ਜਿਸ ਦੀਆਂ ਕੁੱਲ 25 ਉਂਗਲਾਂ ਹਨ। ਇਸ ਬੱਚੇ ਦੇ ਜਨਮ ਤੋਂ ਬਾਅਦ ਇਸ ਨੂੰ ਦੇਖਣ ਲਈ ਲੋਕਾਂ ਦੀ ਭਾਰੀ ਭੀੜ ਹੈ ਅਤੇ ਲੋਕ ਇਸ ਬਾਰੇ ਜਾਣ ਕੇ ਕਾਫੀ ਹੈਰਾਨ ਵੀ ਹਨ। ਬੱਚੇ ਦੇ ਜਨਮ ਤੋਂ ਬਾਅਦ ਪਰਿਵਾਰਕ ਮੈਂਬਰਾਂ 'ਚ ਖੁਸ਼ੀ ਦਾ ਮਾਹੌਲ ਹੈ। ਪਰਿਵਾਰ ਵਾਲਿਆਂ ਦੀ ਮੰਨੀਏ ਤਾਂ ਉਹ ਇਸ ਬੱਚੇ ਨੂੰ ਦੇਵੀ ਦਾ ਵਰਦਾਨ ਕਹਿ ਰਹੇ ਹਨ। ਬੱਚੇ ਦੇ ਸੱਜੇ ਹੱਥ ਦੀਆਂ 6 ਉਂਗਲਾਂ ਅਤੇ ਖੱਬੇ ਹੱਥ ਦੀਆਂ 7 ਉਂਗਲਾਂ ਹਨ। ਦੋਹਾਂ ਪੈਰਾਂ ਦੀਆਂ 6-6 ਉਂਗਲਾਂ ਹਨ। ਪਰਿਵਾਰਕ ਮੈਂਬਰਾਂ ਨੇ ਬੱਚੇ ਨੂੰ ਦੇਵੀ ਦਾ ਵਰਦਾਨ ਦੱਸਿਆ ਹੈ।

ਇਹ ਵੀ ਪੜ੍ਹੋ- ਇਸ ਸੂਬੇ ਦੇ ਕਈ ਜ਼ਿਲ੍ਹਿਆਂ 'ਚ ਭਾਰੀ ਮੀਂਹ ਦਾ ਅਲਰਟ, 12ਵੀਂ ਤੱਕ ਦੇ ਸਕੂਲਾਂ 'ਚ ਛੁੱਟੀ ਦਾ ਐਲਾਨ

ਹੱਥਾਂ ਅਤੇ ਪੈਰਾਂ ਨੂੰ ਮਿਲਾ ਕੇ 25 ਉਂਗਲਾਂ
ਦਰਅਸਲ, ਇੱਥੇ ਬਨਹੱਟੀ ਤਾਲੁਕਾ ਦੇ ਸਨਸ਼ਾਈਨ ਮਲਟੀਸਪੈਸ਼ਲਿਟੀ ਹਸਪਤਾਲ ਵਿੱਚ ਇੱਕ ਬੱਚੇ ਦਾ ਜਨਮ ਹੋਇਆ ਹੈ। ਬੱਚੇ ਦੇ ਦੋਵੇਂ ਹੱਥਾਂ ਅਤੇ ਪੈਰਾਂ 'ਤੇ ਕੁੱਲ 25 ਉਂਗਲਾਂ ਹਨ। ਆਮ ਤੌਰ 'ਤੇ ਮਨੁੱਖੀ ਸਰੀਰ 'ਚ ਸਿਰਫ 20 ਉਂਗਲਾਂ ਹੁੰਦੀਆਂ ਹਨ, ਅਜਿਹੇ 'ਚ ਨਵਜੰਮੇ ਬੱਚੇ ਦੇ ਸਰੀਰ 'ਚ 25 ਉਂਗਲਾਂ ਹੋਣ ਕਾਰਨ ਇਹ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਬੱਚੇ ਦੇ ਦੋਵੇਂ ਪੈਰਾਂ 'ਤੇ ਕੁੱਲ 12 ਉਂਗਲਾਂ ਹਨ, ਜਦੋਂ ਕਿ ਉਸ ਦੇ ਦੋਵੇਂ ਹੱਥਾਂ 'ਤੇ 13 ਉਂਗਲਾਂ ਹਨ। ਬੱਚੇ ਦੇ ਸੱਜੇ ਹੱਥ ਦੀਆਂ 6 ਉਂਗਲਾਂ ਅਤੇ ਖੱਬੇ ਹੱਥ ਦੀਆਂ 7 ਉਂਗਲਾਂ ਹਨ। ਦੋਹਾਂ ਪੈਰਾਂ ਦੀਆਂ 6-6 ਉਂਗਲਾਂ ਹਨ। ਇਸ ਦੁਰਲੱਭ ਹਾਲਤ ਨੂੰ ਦੇਖ ਕੇ ਡਾਕਟਰ ਵੀ ਹੈਰਾਨ ਹਨ।

ਇਹ ਵੀ ਪੜ੍ਹੋ- ਪਿੰਡ 'ਚ ਵੜਿਆ ਚੀਤਾ, ਘਰ 'ਚ ਖੇਡ ਰਹੀ 9 ਸਾਲਾ ਬੱਚੀ 'ਤੇ  ਕਰ 'ਤਾ ਹਮਲਾ, ਦਿੱਤੀ ਦਰਦਨਾਕ ਮੌਤ

ਇਹ ਪਰਿਵਾਰ ਭੁਵਨੇਸ਼ਵਰੀ ਦੇਵੀ ਦਾ ਸ਼ਰਧਾਲੂ ਹੈ
ਡਾਕਟਰਾਂ ਦੇ ਅਨੁਸਾਰ, ਇਹ ਇੱਕ ਦੁਰਲੱਭ ਮਾਮਲਾ ਹੈ ਅਤੇ ਇਹ ਕ੍ਰੋਮੋਸੋਮ ਵਿੱਚ ਤਬਦੀਲੀਆਂ ਕਾਰਨ ਹੁੰਦਾ ਹੈ। ਡਾਕਟਰਾਂ ਨੇ ਕਿਹਾ ਕਿ ਚੰਗੀ ਗੱਲ ਇਹ ਹੈ ਕਿ ਇਸ ਵਿਲੱਖਣ ਡਿਲੀਵਰੀ ਤੋਂ ਬਾਅਦ ਬੱਚਾ ਅਤੇ ਉਸ ਦੀ 35 ਸਾਲਾ ਮਾਂ ਭਾਰਤੀ ਬਿਲਕੁਲ ਤੰਦਰੁਸਤ ਹਨ। ਪਰਿਵਾਰ ਵਾਲੇ ਇਸ ਨੂੰ ਦੇਵੀ ਦਾ ਵਰਦਾਨ ਮੰਨ ਰਹੇ ਹਨ। ਬੱਚੇ ਦੇ ਪਿਤਾ ਗੁਰੱਪਾ ਕੋਨੂਰ ਅਨੁਸਾਰ ਪਰਿਵਾਰ ਦੇ ਸਾਰੇ ਮੈਂਬਰ ਪਿੰਡ ਦੀ ਦੇਵੀ ਭੁਵਨੇਸ਼ਵਰੀ ਦੇਵੀ ਦੇ ਸ਼ਰਧਾਲੂ ਹਨ। ਅਜਿਹੇ 'ਚ ਪਰਿਵਾਰ ਦਾ ਕਹਿਣਾ ਹੈ ਕਿ ਦੇਵੀ ਦੀ ਕ੍ਰਿਪਾ ਸਦਕਾ ਹੀ ਉਨ੍ਹਾਂ ਦੇ ਘਰ ਅਜਿਹੀ ਦੁਰਲੱਭ ਬੱਚੀ ਨੇ ਜਨਮ ਲਿਆ ਹੈ। ਇਸ ਦੁਰਲੱਭ ਬੱਚੇ ਨੂੰ ਦੇਖਣ ਲਈ ਵੱਡੀ ਗਿਣਤੀ 'ਚ ਲੋਕ ਇਕੱਠੇ ਹੋ ਰਹੇ ਹਨ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇                             

https://whatsapp.com/channel/0029Va94hsaHAdNVur4L170e