ਚੰਦਰਮਾ ’ਤੇ ਉਤਰੇਗਾ ਭਾਰਤੀ, ਪੁਲਾੜ ’ਚ ਜਲਦ ਹੋਵੇਗਾ ਆਪਣਾ ਸਟੇਸ਼ਨ : ਨਾਰਾਇਣਨ

ਨਵੀਂ ਦਿੱਲੀ (ਏਜੰਸੀ) : ਭਾਰਤ ਹੁਣ ਪੁਲਾੜ ਵਿਚ ਸਿਰਫ਼ ਆਪਣੀਆਂ ਲੋੜਾਂ ਪੂਰੀਆਂ ਕਰਨ ਤੱਕ ਸੀਮਤ ਨਹੀਂ ਹੈ ਸਗੋਂ ਦੁਨੀਆ ਦੀਆਂ ਮੁੱਖ ਪੁਲਾੜੀ ਤਾਕਤਾਂ ਨਾਲ ਕਦਮ ਮਿਲਾਉਣ ਦੀ ਤਿਆਰੀ ਵਿਚ ਹੈ। 2047 ਤੱਕ ਵਿਕਸਿਤ ਭਾਰਤ ਦੇ ਟੀਚੇ ਨਾਲ ਦੇਸ਼ ਮਨੁੱਖੀ ਪੁਲਾੜ ਉਡਾਣ, ਚੰਦਰਮਾ ਤੋਂ ਨਮੂਨੇ ਲਿਆਉਣ ਅਤੇ ਚੰਦਰਮਾ ’ਤੇ ਮਨੁੱਖ ਨੂੰ ਉਤਾਰਨ ਵਰਗੇ ਮਿਸ਼ਨਾਂ ’ਤੇ ਕੰਮ ਕਰ ਰਿਹਾ ਹੈ। ਇਹ ਗੱਲਾਂ ਇਸਰੋ ਮੁਖੀ ਡਾ. ਵੀ. ਨਾਰਾਇਣਨ ਨੇ ਕਹੀਆਂ।

ਉਹ ਆਈ. ਆਈ. ਟੀ. ਦਿੱਲੀ ਵਿਚ ‘ਇੰਡੀਆਜ਼ ਸਪੇਸ ਪ੍ਰੋਗਰਾਮ : ਦਿ ਚੈਲੇਂਜਿਜ਼ ਐਂਡ ਵੇ ਫਾਰਵਰਡ’ ਵਿਸ਼ੇ ’ਤੇ ਆਯੋਜਿਤ ਲੈਕਚਰ ਵਿਚ ਹਿੱਸਾ ਲੈਣ ਲਈ ਪਹੁੰਚੇ। ਇਸ ਦੌਰਾਨ ਉਨ੍ਹਾਂ ਨੇ ਭਾਰਤ ਦੀ ਪੁਲਾੜ ਯਾਤਰਾ ਅਤੇ ਭਵਿੱਖ ਦੀਆਂ ਯੋਜਨਾਵਾਂ ਨੂੰ ਸਾਹਮਣੇ ਰੱਖਿਆ। ਆਈ. ਆਈ. ਟੀ. ਦਿੱਲੀ ਨਾਲ ਸੂਰਜੀ ਪੈਨਲ ਤਕਨਾਲੋਜੀ ਅਤੇ ਬਾਇਓਮੈਕੇਨਿਕਸ ਸਮੇਤ ਨਵੇਂ ਖੇਤਰਾਂ ਵਿਚ ਇਸਰੋ ਅਤੇ ਸੰਸਥਾ ਵਿਚਾਲੇ ਸਹਿਯੋਗ ਵਧਾਉਣ ’ਤੇ ਚਰਚਾ ਕੀਤੀ ਗਈ। ਆਈ. ਆਈ. ਟੀ. ਦਿੱਲੀ ਦੇ ਡਾਇਰੈਕਟਰ ਪ੍ਰੋ. ਰੰਗਨ ਬੈਨਰਜੀ ਨੇ ਕਿਹਾ ਕਿ ਪੁਲਾੜ ਉਨ੍ਹਾਂ ਖੇਤਰਾਂ ਵਿਚੋਂ ਹੈ ਜਿੱਥੇ ਭਾਰਤ ਨੇ ਵਿਸ਼ਵ ਪੱਧਰ ਦੀ ਸਵਦੇਸ਼ੀ ਤਕਨਾਲੋਜੀ ਵਿਕਸਿਤ ਕੀਤੀ ਹੈ।

ਇਹ ਵੀ ਪੜ੍ਹੋ : J&K ਅਸੈਂਬਲੀ 'ਚ ਜ਼ਬਰਦਸਤ ਹੰਗਾਮਾ ! ਮਾਰਸ਼ਲਾਂ ਨੇ ਭਾਜਪਾ ਵਿਧਾਇਕ ਨੂੰ ਸਦਨ 'ਚੋਂ ਕੱਢਿਆ ਬਾਹਰ

ਉੱਥੇ ਹੀ ਇਸਰੋ ਮੁਖੀ ਡਾ. ਵੀ. ਨਾਰਾਇਣਨ ਨੇ ਦੱਸਿਆ ਕਿ ਗਗਨਯਾਨ ਦੇ ਪਹਿਲੇ ਮਨੁੱਖ-ਰਹਿਤ ਮਿਸ਼ਨ ਦੀ ਤਿਆਰੀ ਚੱਲ ਰਹੀ ਹੈ। ਭਾਰਤੀ ਪੁਲਾੜ ਸਟੇਸ਼ਨ ਦਾ ਪਹਿਲਾ ਮਾਡਿਊਲ 2028 ਤੱਕ ਭੇਜਣ ਦੀ ਯੋਜਨਾ ਹੈ, ਜਦਕਿ 2035 ਤੱਕ ਇਸ ਦੇ ਹੋਰ ਮਾਡਿਊਲ ਤਿਆਰ ਕਰਨ ਦਾ ਟੀਚਾ ਹੈ। ਚੰਦਰਯਾਨ-4 ਨਾਲ ਚੰਦਰਮਾ ਦੇ ਨਮੂਨੇ ਧਰਤੀ ’ਤੇ ਲਿਆਉਣ, ਸ਼ੁੱਕਰ ਮਿਸ਼ਨ ਅਤੇ 2040 ਤੱਕ ਮਨੁੱਖ ਨੂੰ ਚੰਦਰਮਾ ’ਤੇ ਉਤਾਰਨ ਦੀ ਦਿਸ਼ਾ ਵਿਚ ਵੀ ਕੰਮ ਚੱਲ ਰਿਹਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e