ਅਮਿਤ ਸ਼ਾਹ ਦਾ ਐਲਾਨ- ਹਰਿਆਣਾ 'ਚ ਭਾਜਪਾ ਜੇ.ਜੇ.ਪੀ. ਨਾਲ ਮਿਲ ਕੇ ਕਰੇਗੀ ਕੰਮ

ਨਵੀਂ ਦਿੱਲੀ (ਏਜੰਸੀ)-  ਭਾਜਪਾ ਦੇ ਗ੍ਰਹਿ ਮੰਤਰੀ ਨੇ ਸ਼ੁੱਕਰਵਾਰ ਸ਼ਾਮ ਨੂੰ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਹਰਿਆਣਾ ਵਿਚ ਭਾਜਪਾ ਤੇ ਜੇ.ਜੇ.ਪੀ. ਮਿਲ ਕੇ ਕੰਮ ਕਰੇਗੀ। ਇਸ ਦੌਰਾਨ ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਹਰਿਆਣਾ ਦਾ ਡਿਪਟੀ ਸੀ.ਐਮ. ਜੇ.ਜੇ.ਪੀ. ਤੋਂ ਲਿਆ ਜਾਵੇਗਾ। ਅਮਿਤ ਸ਼ਾਹ ਨੇ ਕਿਹਾ ਕਿ ਸ਼ਨੀਵਾਰ ਨੂੰ ਭਾਜਪਾ ਵਿਚ ਰਸਮੀ ਤੌਰ 'ਤੇ ਨੇਤਾ ਚੁਣਨ ਤੋਂ ਬਾਅਦ ਸਰਕਾਰ ਬਣਾਉਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਜਾਵੇਗੀ। ਅਗਲੇ ਪੰਜ ਸਾਲ ਤੱਕ ਮੋਦੀ ਜੀ ਦੀ ਅਗਵਾਈ ਵਿਚ ਇਥੇ ਵਿਕਾਸ ਲਈ ਕੰਮ ਕੀਤਾ ਜਾਵੇਗਾ।

BJP-JJP alliance for Haryana sealed. CM will be from Bharatiya Janata Party (BJP) and Deputy CM from Jannayak Janta Party (JJP). Leaders of both the parties will meet the Governor tomorrow and stake their claim to form the govt in the state. #HaryanaAssemblyPolls pic.twitter.com/euvuQVtwJB

— ANI (@ANI) October 25, 2019

ਉਥੇ ਹੀ ਦੁਸ਼ਯੰਤ ਚੌਟਾਲਾ ਨੇ ਕਿਹਾ ਕਿ ਹਰਿਆਣਾ ਵਿਚ ਸਥਾਈ ਸਰਕਾਰ ਬਣਾਉਣ ਲਈ ਉਹ ਭਾਜਪਾ ਦੇ ਨਾਲ ਆਏ ਹਨ। ਉਥੇ ਹੀ ਮਨੋਹਰ ਲਾਲ ਖੱਟਰ ਨੇ ਕਿਹਾ ਕਿ ਭਲਾਈ ਲਈ ਅਸੀਂ ਜੇ.ਜੇ.ਪੀ. ਨਾਲ ਮਿਲ ਕੇ ਸਰਕਾਰ ਬਣਾਉਣ ਦਾ ਫੈਸਲਾ ਲਿਆ ਹੈ। ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਜੇ.ਜੇ.ਪੀ. ਨੂੰ ਇਕ ਕੈਬਨਿਟ ਅਤੇ ਸੂਬਾ ਮੰਤਰੀ ਦਾ ਅਹੁਦਾ ਵੀ ਮਿਲੇਗਾ। ਇਸ ਤੋਂ ਪਹਿਲਾਂ ਅੱਜ ਅਮਿਤ ਸ਼ਾਹ ਆਪਣਾ ਅਹਿਮਦਾਬਾਦ ਦੌਰਾ ਵਿਚਾਲੇ ਹੀ ਛੱਡ ਕੇ ਪਰਤ ਆਏ। ਉਨ੍ਹਾਂ ਨਾਲ ਜੇ.ਪੀ. ਨੱਡਾ ਅਤੇ ਹਰਿਆਣਾ ਭਾਜਪਾ ਪ੍ਰਧਾਨ ਸੁਭਾਸ਼ ਬਰਾਲਾ ਨੇ ਮੁਲਾਕਾਤ ਕੀਤੀ। ਇਸ ਤੋਂ ਬਾਅਦ ਅਨੁਰਾਗ ਠਾਕੁਰ, ਦੁਸ਼ਯੰਤ ਚੌਟਾਲਾ ਨੂੰ ਲੈ ਕੇ ਅਮਿਤ ਸ਼ਾਹ ਦੇ ਘਰ ਪਹੁੰਚੇ। ਇਥੇ ਗਠਜੋੜ 'ਤੇ ਮੋਹਰ ਲੱਗ ਗਈ।