88 ਸਾਲਾ ਬਜ਼ੁਰਗ 'ਚ ਨੌਜਵਾਨਾਂ ਵਰਗਾ ਹੌਂਸਲਾ, ਦਿਲ ਲੁਟ ਲੈਣਗੀਆਂ ਭਾਰਤ ਜੋੜੋ ਯਾਤਰਾ ਦੀਆਂ ਇਹ ਤਸਵੀਰਾਂ
Monday, Dec 19, 2022 - 02:23 PM (IST)
ਦੌਸਾ (ਰਾਜਸਥਾਨ), (ਭਾਸ਼ਾ)- ਭਾਰਤ ਜੋੜੋ ਯਾਤਰਾ ਦੌਰਾਨ ਇਕ ਹੱਥ ’ਚ ਸੋਟੀ ਅਤੇ ਦੂਜੇ ’ਚ ਤਿਰੰਗਾ ਲੈ ਕੇ ਕਈ ਮੀਲ ਦੀ ਪੈਦਲ ਯਾਤਰਾ ਕਰਕੇ 88 ਸਾਲਾ ਕਾਂਗਰਸੀ ਵਰਕਰ ਕਰੁਣ ਪ੍ਰਸਾਦ ਮਿਸ਼ਰਾ ਨੇ ਪੁਰਾਣੇ ਜ਼ਮਾਨੇ ਦੇ ਆਦਰਸ਼ਵਾਦ ਨੂੰ ਅੱਜ ਦੇ ਭਾਰਤ ਦੀ ਮਜ਼ਬੂਤ ਵਿਵਹਾਰਕਤਾ ਨਾਲ ਜੋੜ ਦਿੱਤਾ ਹੈ। ਉਹ ਉੱਜੈਨ ਤੋਂ ਰਾਹੁਲ ਗਾਂਧੀ ਦੀ ਅਗਵਾਈ ਵਾਲੀ ਪੈਦਲ ਯਾਤਰਾ ’ਚ ਸ਼ਾਮਲ ਹੋਏ ਸੀ ਅਤੇ ਉਮਰ ਦੀਆਂ ਹੱਦਾਂ ਨੂੰ ਲੰਘ ਕੇ ਉਨ੍ਹਾਂ ਦਾ ਇਰਾਦਾ ਸ਼੍ਰੀਨਗਰ ਦੇ ਲਾਲ ਚੌਕ ’ਤੇ ਤਿਰੰਗਾ (ਰਾਸ਼ਟਰੀ ਝੰਡਾ) ਲਹਿਰਾਉਣ ਦਾ ਹੈ।
ਇਹ ਵੀ ਪੜ੍ਹੋ– ਪਿਛਲੇ 6 ਸਾਲਾਂ ’ਚ ਨਕਲੀ ਸ਼ਰਾਬ ਨੇ ਦੇਸ਼ ’ਚ 7,000 ਲੋਕਾਂ ਦੀ ਲਈ ਜਾਨ, ਪੰਜਾਬ ਦੀ ਰਿਪੋਰਟ ਕਰੇਗੀ ਹੈਰਾਨ
ਮਿਸ਼ਰਾ ਨੇ ਕਿਹਾ, ‘ਮੈਂ ਉੱਜੈਨ ਦੇ ਮਹਾਕਾਲੇਸ਼ਵਰ ਮੰਦਰ ’ਚ ਪ੍ਰਣ ਲਿਆ ਸੀ ਕਿ ਮੈਂ ਕਸ਼ਮੀਰ ਤੱਕ ਯਾਤਰਾ ਕਰਾਂਗਾ...ਕਾਂਗਰਸੀ ਵਰਕਰਾਂ ਨੇ ਮੈਨੂੰ ਕਾਰ ’ਚ ਬੈਠਣ ਲਈ ਕਿਹਾ ਪਰ ਮੈਂ ਇਨਕਾਰ ਕਰ ਦਿੱਤਾ। ਮੈਂ ਸ਼੍ਰੀਨਗਰ ਦੇ ਲਾਲ ਚੌਕ 'ਤੇ ਤਿਰੰਗਾ ਲਹਿਰਾਉਣ ਤੋਂ ਬਾਅਦ ਇਕ ਹੋਰ ਸੰਕਲਪ ਲਵਾਂਗਾ ਅਤੇ ਮੈਂ ਪੂਰਬ ਤੋਂ ਪੱਛਮ ਤੱਕ ਦੀ ਯਾਤਰਾ ਕਰਾਂਗਾ।
ਇਹ ਵੀ ਪੜ੍ਹੋ– ਵਾਇਰਲ ਹੋ ਰਹੀ ਅਨੋਖੀ ਜੋੜੀ, 21 ਸਾਲ ਦੇ ਮੁੰਡੇ ਨੇ ਮਾਂ ਦੀ ਉਮਰ ਦੀ ਜਨਾਨੀ ਨਾਲ ਕਰਵਾਇਆ ਵਿਆਹ
ਇਹ ਵੀ ਪੜ੍ਹੋ– ਪੇਟ ’ਚ ਲੱਤ ਮਾਰੋ ਤੇ ਕਾਰੋਬਾਰ ਉਜਾੜ ਦਿਓ...‘ਪਠਾਨ’ ਵਿਵਾਦ ’ਤੇ ਬੋਲੀ ਭਾਜਪਾ ਸੰਸਦ ਮੈਂਬਰ ਸਾਧਵੀ ਪ੍ਰਗਿਆ
ਮਿਸ਼ਰਾ ਦਾ ਪਰਿਵਾਰ ਰਾਜਸਥਾਨ ਦੇ ਕੋਟਾ ਵੀ ਆਇਆ ਅਤੇ ਉਨ੍ਹਾਂ ਨੂੰ ਮੱਧ ਪ੍ਰਦੇਸ਼ ਦੇ ਸਿੱਧੀ ਸਥਿਤ ਆਪਣੇ ਘਰ ਵਾਪਸ ਜਾਣ ਦੀ ਬੇਨਤੀ ਕੀਤੀ ਪਰ ਉਨ੍ਹਾਂ ਨੇ ਇਨਕਾਰ ਕਰ ਦਿੱਤਾ ਅਤੇ ਉਨ੍ਹਾਂ ਨੂੰ ਯਾਦ ਦਿਵਾਇਆ ਕਿ ਉਹ ਕਾਂਗਰਸ ਦੇ ਪੁਰਾਣੇ ਯੋਧੇ ਹਨ, ਜੋ 60 ਸਾਲਾਂ ਤੋਂ ਵੱਧ ਸਮੇਂ ਤੋਂ ਪਾਰਟੀ ਨਾਲ ਹਨ। ਉਨ੍ਹਾਂ ਨੇ ਆਪਣੀ ਸਿਹਤ ਬਾਰੇ ਚਿੰਤਾਵਾਂ ਨੂੰ ਖਾਰਜ ਕਰਦਿਆਂ ਕਿਹਾ,"ਮੈਨੂੰ ਇਸ ਦੀ ਆਦਤ ਹੈ। ਮੈਂ ਮਹਾਤਮਾ ਗਾਂਧੀ ਨਾਲ 1935-36 ਵਿਚ ਜਬਲਪੁਰ ਤੋਂ ਇਲਾਹਾਬਾਦ ਤੱਕ ਦੀ ਪੈਦਲ ਯਾਤਰਾ ਕੀਤੀ ਸੀ। ਮੈਂ ਨਹਿਰੂ ਜੀ ਅਤੇ ਵਿਨੋਬਾ ਭਾਵੇ ਜੀ ਦੇ ਨਾਲ ਵੀ ਸੀ। ਮੈਂ ਪੈਦਲ ਸਫ਼ਰ ਕਰਨ ਦਾ ਆਦੀ ਹਾਂ।”
ਇਹ ਵੀ ਪੜ੍ਹੋ– ਹੋਂਡਾ ਦੇ ਇਸ ਮੋਟਰਸਾਈਕਲ 'ਤੇ ਮਿਲ ਰਹੀ 50 ਹਜ਼ਾਰ ਰੁਪਏ ਤਕ ਦੀ ਭਾਰੀ ਛੋਟ
ਗਾਂਧੀ ਟੋਪੀ ਪਹਿਨ ਕੇ ਅਤੇ ਬੁਢਾਪੇ ਕਾਰਨ ਥੋੜ੍ਹਾ ਜਿਹਾ ਝੁਕ ਕੇ ਤੁਰਨਾ, ਉਹ ਕਾਂਗਰਸ ਦੇ ਨੌਜਵਾਨ ਪੀੜ੍ਹੀ ਲਈ ਪ੍ਰੇਰਨਾ ਸਰੋਤ ਬਣ ਰਿਹਾ ਹੈ। ਕਾਂਗਰਸ ਨੇ ਮਿਸ਼ਰਾ ਨੂੰ ਲੈ ਕੇ ਟਵਿੱਟਰ 'ਤੇ ਕਈ ਪੋਸਟਾਂ ਕੀਤੀਆਂ, ਜਿਸ 'ਚ ਜੈਪੁਰ 'ਚ ਇਕ ਪ੍ਰੋਗਰਾਮ ਦੌਰਾਨ ਰਾਹੁਲ ਗਾਂਧੀ ਦੀ ਮਿਸ਼ਰਾ ਨੂੰ ਖਿੱਚਣ ਦੀ ਵੀਡੀਓ ਵੀ ਸ਼ਾਮਲ ਹੈ।
ਇਹ ਵੀ ਪੜ੍ਹੋ– Airtel ਦੇ ਜ਼ਬਰਦਸਤ ਪਲਾਨ, ਇਕ ਰੀਚਾਰਜ 'ਚ ਚੱਲੇਗਾ 4 ਲੋਕਾਂ ਦਾ ਸਿਮ, ਨਾਲ ਮਿਲਣਗੇ ਇਹ ਫਾਇਦੇ
