ਜੰਮੂ-ਕਸ਼ਮੀਰ ''ਚ 5281.94 ਕਰੋੜ ਰੁਪਏ ਦੀ ਪਣ ਬਿਜਲੀ ਪ੍ਰਾਜੈਕਟ ਨੂੰ ਕੇਂਦਰ ਵਲੋਂ ਮਿਲੀ ਮਨਜ਼ੂਰੀ
Thursday, Jan 21, 2021 - 01:50 AM (IST)
ਸ਼੍ਰੀਨਗਰ - ਕੇਂਦਰੀ ਮੰਤਰੀ ਮੰਡਲ ਨੇ ਬੁੱਧਵਾਰ ਨੂੰ ਜੰਮੂ-ਕਸ਼ਮੀਰ ਦੇ ਕਿਸ਼ਤਵਾੜ ਜ਼ਿਲ੍ਹੇ ਵਿੱਚ ਚਿਨਾਬ ਨਦੀ 'ਤੇ 850 ਮੈਗਾਵਾਟ ਦੇ ਪਣ ਬਿਜਲੀ ਪ੍ਰਾਜੈਕਟ ਲਈ 5281.94 ਕਰੋੜ ਰੁਪਏ ਦੇ ਨਿਵੇਸ਼ ਨੂੰ ਮਨਜ਼ੂਰੀ ਦਿੱਤੀ ਹੈ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪ੍ਰਧਾਨਗੀ ਵਿੱਚ ਹੋਈ ਮੰਤਰੀ ਮੰਡਲ ਦੀ ਬੈਠਕ ਵਿੱਚ ਇਸ ਪ੍ਰਸਤਾਵ ਨੂੰ ਮਨਜ਼ੂਰੀ ਦਿੱਤੀ ਗਈ। ਸਰਕਾਰ ਦੇ ਇੱਕ ਬਿਆਨ ਦੇ ਅਨੁਸਾਰ, ਇਸ ਉਦੇਸ਼ ਲਈ ਨੈਸ਼ਨਲ ਹਾਈਡ੍ਰੋਇਲੈਕਟ੍ਰਿਕ ਪਾਵਰ ਕਾਰਪੋਰੇਸ਼ਨ (ਐੱਨ.ਐੱਚ.ਪੀ.ਸੀ.) ਅਤੇ ਜੰਮੂ-ਕਸ਼ਮੀਰ ਸਟੇਟ ਪਾਵਰ ਡਿਵੈਲਪਮੈਂਟ ਕਾਰਪੋਰੇਸ਼ਨ ਲਿਮਟਿਡ (ਜੇ.ਕੇ.ਐੱਸ.ਪੀ.ਡੀ.ਸੀ.) ਦੇ ਵਿੱਚ ਇੱਕ ਨਵੀਂ ਸੰਯੁਕਤ ਉੱਦਮ ਕੰਪਨੀ (ਜੇ.ਵੀ.ਸੀ.) ਬਣਾਈ ਜਾਵੇਗੀ। ਇਨ੍ਹਾਂ ਦੀ ਕ੍ਰਮਸ਼: 51 ਫ਼ੀਸਦੀ ਅਤੇ 49 ਫ਼ੀਸਦੀ ਦੀ ਹਿੱਸੇਦਾਰੀ ਹੋਵੇਗੀ।
ਇਸ ਵਿੱਚ ਕਿਹਾ ਗਿਆ ਹੈ ਕਿ ਭਾਰਤ ਸਰਕਾਰ ਇਸ ਨਵੇਂ ਸੰਯੁਕਤ ਉੱਦਮ ਵਿੱਚ ਜੇ.ਕੇ.ਐੱਸ.ਪੀ.ਡੀ.ਸੀ. ਦੀ ਹਿੱਸੇਦਾਰੀ ਦੇ ਯੋਗਦਾਨ ਲਈ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਜੰਮੂ-ਕਸ਼ਮੀਰ ਨੂੰ 776.44 ਕਰੋੜ ਰੁਪਏ ਦੇ ਗ੍ਰਾਂਟ ਦੇ ਜ਼ਰੀਏ ਸਹਿਯੋਗ ਕਰ ਰਹੀ ਹੈ।
ਐੱਨ.ਐੱਚ.ਪੀ.ਸੀ. ਆਪਣੇ ਅੰਦਰੂਨੀ ਸਰੋਤਾਂ ਦੇ ਜ਼ਰੀਏ 808.14 ਕਰੋੜ ਰੁਪਏ ਦੀ ਇਕਵਿਟੀ ਨਿਵੇਸ਼ ਕਰੇਗੀ। ਬਿਆਨ ਦੇ ਅਨੁਸਾਰ, ਰੈਟਲ ਹਾਈਡ੍ਰੋਇਲੈਕਟ੍ਰਿਕ ਪ੍ਰੋਜੈਕਟ 60 ਮਹੀਨੇ ਵਿੱਚ ਸੇਵਾ ਪ੍ਰਦਾਨ ਕਰਨਾ ਸ਼ੁਰੂ ਕਰ ਦੇਵੇਗੀ।
ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਬਾਕਸ ਵਿੱਚ ਦਿਓ ਜਵਾਬ।
