ਠੇਕੇ ’ਚ ਅੱਗ ਲੱਗਣ ਕਾਰਨ 2 ਵਿਅਕਤੀ ਜ਼ਿੰਦਾ ਸੜੇ

ਕਲਾਇਤ (ਕੁਲਦੀਪ)— ਸਬ-ਡਵੀਜ਼ਨ ਦੇ ਪਿੰਡ ਬਾਲੂ ’ਚ ਅੱਧੀ ਰਾਤ ਨੂੰ ਸ਼ਰਾਬ ਠੇਕੇ ’ਚ ਅੱਗ ਲੱਗਣ ਕਾਰਨ 2 ਵਿਅਕਤੀਆਂ ਦੀ ਲੱਗ ਲੱਗਣ ਕਾਰਨ ਮੌਤ ਹੋ ਗਈ। ਸ਼ਰਾਬ ਦੇ ਠੇਕੇ ’ਚ ਰਾਤ ਨੂੰ 3 ਲੋਕ ਮੌਜੂਦ ਸਨ। 2 ਵਿਅਕਤੀ ਸ਼ਰਾਬ ਦੇ ਠੇਕੇ ਦੇ ਨਾਲ ਲੱਗਦੇ ਕਮਰੇ ’ਚ ਜਦਕਿ ਇਕ ਵਿਅਕਤੀ ਸ਼ਰਾਬ ਦੇ ਠੇਕੇ ਵਾਲੇ ਕਮਰੇ ’ਚ ਸੁੱਤਾ ਹੋਇਆ ਸੀ। ਠੇਕੇ ’ਚ ਅੱਗ ਦੀ ਸੂਚਨਾ ਬਾਰੇ ਪਤਾ ਲੱਗਦੇ ਹੀ ਠੇਕਾ ਮਾਲਕ ਤੇ ਪਿੰਡ ਦੇ ਲੋਕ ਮੌਕੇ ’ਤੇ ਪਹੁੰਚ ਗਏ ਤੇ ਪੁਲਸ ਨੂੰ ਸੂਚਿਤ ਕੀਤਾ ਗਿਆ।
ਸੂਚਨਾ ਮਿਲਦੇ ਹੀ ਪੁਲਸ ਟੀਮ ਤੇ ਕੈਥਲ ਨਾਲ ਸੀ. ਆਈ. ਏ.-1 ਤੇ 2 ਤੇ ਸਬੂਤ ਇਕੱਠੇ ਕਰਨ ਦੇ ਲਈ ਫੋਰੈਂਸਿਕ ਟੀਮ ਮੌਕੇ ’ਤੇ ਪਹੁੰਚੀ ਤੇ ਲਾਸ਼ਾਂ ਨੂੰ ਜੇ. ਸੀ. ਬੀ. ਦੀ ਸਹਾਇਤਾ ਨਾਲ ਕਮਰੇ ਦੀ ਕੰਧ ਤੋੜ ਕੇ ਤੇ ਫਾਇਰ ਬਿ੍ਰਗੇਡ ਦੀ ਮਦਦ ਨਾਲ ਅੱਗ ’ਤੇ ਕਾਬੂ ਪਾ ਕੇ ਬਾਹਰ ਕੱਢਿਆ ਗਿਆ।