ਰੇਪਾਂ ਦਾ ਰੌਲ਼ਾ...

ਰੇਪਾਂ ਦਾ ਰੌਲਾ ਪੈ ਗਿਆ,
ਮਾਨਵਤਾ ਖੋਹ ਕੌਣ ਲੈ ਗਿਆ,
ਪੱਗ ਰੁਲ ਰਹੀ ਮੇਰੇ ਮੁਲਕ ਵਿੱਚ,
ਬਾਬਲ ਨੂੰ ਰੋਣਾ ਪੈ ਗਿਆ।
ਪਿਓ ਧੀ ਦਾ ਵੈਰੀ ਹੋ ਗਿਆ,
ਨੀਰ ਅੱਖੀਓਂ ਧੀ ਦੇ ਚੋ ਗਿਆ,
ਸਭ ਸੰਗਾਂ-ਸ਼ਰਮਾਂ ਲੱਥੀਆਂ,
ਕਾਮ ਕੀੜਾ ਅੰਦਰ ਬਹਿ ਗਿਆ।
ਦਰਿੰਦਿਆਂ ਦਾ ਚੱਲਦਾ ਜ਼ੋਰ ਜੀ,
ਪੈਂਦਾ ਬਲਾਤਕਾਰਾਂ ਦਾ ਸ਼ੋਰ ਜੀ,
ਬੰਦਾ ਪੰਜ ਵਿਕਾਰੀਂ ਜ਼ਕੜਿਆ,
ਨਾ ਕਾਸੇ ਯੋਗ ਵੀ ਰਹਿ ਗਿਆ।
ਅੱਗ ਰੇਪ ਦੀ ਭਾਂਬੜ ਮਚਿਆ,
ਪਰਸ਼ੋਤਮ ਨੂੰ ਨਾ ਇਹ ਜਚਿਆ,
ਰਾਜਨੇਤਾ ਇਹ ਚਾਲਾਂ ਖੇਡਦੇ,
ਸਰੋਏ ਬੇਝਿਜਕ ਗੱਲ ਕਹਿ ਗਿਆ।
(ਨੋਟ : ਰੇਪ - ਬਲਾਤਕਾਰ
ਪਰਸ਼ੋਤਮ ਲਾਲ ਸਰੋਏ, ਮੋਬਾ: 91-92175-44348