ਕਾਕਾ ਕੌਣੀ ਲੈ ਕੇ ਹਾਜ਼ਰ ਐ ਅਟਾਰੀ ਵਾਲਾ ਗੇਟ

ਕਾਕਾ ਕੌਣੀ ਅਜਿਹਾ ਗਾਇਕ ਹੈ ਜੋ ਅੱਜਕਲ ਦੀ ਗਾਇਕੀ ਤੋਂ ਹਟ ਕੇ ਗਾਉਂਦਾ ਹੈ। ਇਸ ਦੀ ਪਹਿਲੀ ਐਲਬੰਬ ਨਿਰੋਲ ਲੋਕ ਤੱਥਾਂ ਦੀ ਸੀ ਜਿਸ ਨੂੰ ਸੁਝਵਾਨ ਸਰੋਤਿਆਂ ਨੇ ਬਹੁਤ ਪਿਆਰ ਦਿੱਤਾ। ਉਸ ਦਾ ਟਾਈਟਲ ਗੀਤ,“ਜੇ ਭਰੀ ਟਰਾਲੀ ਕੱਚੇ ਲਹਿ ਜੇ ਔਖੀ ਰੋਡ ਤੇ ਚੜਦੀ ਐ।'' ਬਹੁਤ ਮਕਬੂਲ ਹੋਇਆ। ਕਾਕਾ ਇਕ ਸਹਿਤਕ ਗਾਇਕ ਹੈ ਇਸੇ ਕਰਕੇ ਉਸ ਨੇ ਆਪਣਾ ਨਾਂਅ ਵੀ ਸਾਹਿਤਕਾਰਾਂ ਵਾਂਗ ਪਿੰਡ ਨਾਲ ਜੋੜ ਕੇ ਰੱਖਿਆ ਹੈ ਵੈਸੇ ਕਾਕੇ ਦਾ ਨਾਂ ਸ਼ਮਿੰਦਰ ਸਿੰਘ ਕਾਕਾ ਹੈ।ਇਸ ਨੇ ਮੁੱਢਲੀ ਪੜ੍ਹਾਈ ਪਿੰਡ ਕੌਣੀ ਜ਼ਿਲਾ ਫਰੀਦਕੋਟ ਤੋਂ ਕੀਤੀ। ਜਿੱਥੇ ਇਸ ਨੇ ਸਕੂਲ ਪੱਧਰ ਦੇ ਗਾਇਕੀ ਮੁਕਾਬਲੇ ਵਿਚ ਪੂਰੇ ਪੰਜਾਬ ਵਿਚੋਂ ਦੂਜਾ ਸਥਾਨ ਪ੍ਰਾਪਤ ਕੀਤਾ ਫਿਰ ਬਾਰਵੀ ਗਾਂਧੀ ਸ.ਸ.ਸਕੂਲ ਫਰੀਦਕੋਟ ਵਿਚ ਪੜ੍ਹਦੇ ਨੇ ਰਾਜ ਪੱਧਰੀ ਮੁਕਾਬਲੇ ਵਿਚੋਂ ਤੀਜਾ ਸਥਾਨ ਪ੍ਰਾਪਤ ਕੀਤਾ।

ਇਲਾਕੇ ਵਿਚ ਦਰਬਾਰੇ ਮੈਂਬਰ ਦਾ ਪੋਤਾ 'ਕਾਕਾ' ਮਸ਼ਹੂਰ ਗਾਇਕ ਬਣ ਗਿਆ ਸੀ। ਉਸ ਤੋਂ ਬਾਅਦ ਕਾਕਾ ਲੁਧਿਆਣੇ ਆ ਕਿ ਵੱਖ-ਵੱਖ ਕਲਾਕਾਰਾਂ ਤੋਂ ਗਾਇਕੀ ਦੇ ਗੁਰ ਸਿੱਖਦਾ ਤੇ ਅਗਲੇਰੀ ਪੜ੍ਹਾਈ ਕਰਨ ਲੱਗਾ, ਗਾਇਕੀ ਦੇ ਨਾਲ ਨਾਲ ਕਾਕਾ ਲੁਧਿਆਣੇ ਪੰਜਾਬੀ ਭਵਨ ਵਿਖੇ ਸਾਹਿਤਕਾਰਾਂ ਦੀਆ ਮਹਿਫਲਾ ਦਾ ਨਿੱਘ ਮਾਨਣ ਲੱਗਾ। ਉਨ੍ਹਾਂ ਸਾਹਿਤਕਾਰਾਂ ਦਾ ਐਸਾ ਰੰਗ ਚੜਿਆ ਕਿ ਕਾਕਾ ਉਹਨਾਂ ਜੋਗਾ ਹੀ ਰਹਿ ਗਿਆ। ਉਸ ਦੀ ਗਾਇਕੀ ਵੀ ਸਾਹਿਤਕ ਗਾਇਕੀ ਹੀ ਹੋ ਗਈ, ਇਸੇ ਕਰਕੇ ਇਸ ਦੇ ਗੀਤ ਨੂੰ ਰਲੀਜ਼ ਵੀ ਪੰਜਾਬੀ ਦੇ ਸਿਰਮੋਰ ਗਜ਼ਲਗੋ ਸੁਰਜੀਤ ਪਾਤਰ ਜੀ ਕਰਨ ਆਏ ਜੋ ਕਾਕੇ ਲਈ ਮਾਣ ਵਾਲੀ ਗੱਲ ਹੈ। ਪਾਤਰ ਜੀ ਦਾ ਕਹਿਣਾ ਸੀ ਕਿ ਕਾਕਾ ਦੋ ਪੈਰ ਘੱਟ ਤੁਰਨਾ ਤੁਰਨਾ ਮੜਕ ਦੇ ਨਾਲ ਵਾਲਾ ਗਾਇਕ ਹੈ।

ਅੱਜ ਆਜਿਹੇ ਗਾਇਕਾਂ ਦੀ ਪੰਜਾਬੀ ਮਾਂ ਬੋਲੀ ਨੂੰ ਬਹੁਤ ਲੋੜ ਹੈ ਆਜਿਹੇ ਗਾਇਕ ਹੀ ਇਸ ਖੇਤਰ ਵਿਚ ਆਏ ਨਿਗਾਰ ਨੂੰ ਠੱਲ ਪਾਉਣ ਦੀ ਸਮਰੱਥਾ ਰੱਖਦੇ ਹਨ। ਕਾਕੇ ਦਾ ਇਹ ਗੀਤ,“ਕਿਹਨੇ ਜਿੰਦਾ ਲਾ ਤਾ ਅਟਾਰੀ ਵਾਲੇ ਗੇਟ ਨੂੰ'' ਸਾਹਿਤਕ ਗੀਤ ਹੈ ਜੋ ਸੰਤਾਲੀ ਦੇ ਦਰਦ ਨੂੰ ਬਿਆਨ ਕਰਦਾ ਹੈ ਤੇ ਇਸ ਦਰਦ ਲਈ ਕਾਕਾ ਉਸ ਵੇਲੇ ਦੇ ਲੀਡਰਾਂ ਨੂੰ ਜੁੰਮੇਵਾਰ ਦੱਸਦਾ ਹੈ। ਕਾਕੇ ਨੇ ਹੁਣ ਤੱਕ ਆਪਣੀ ਕਲਮ 'ਚੋ ਨਿਕਲੇ ਗੀਤ ਹੀ ਗਾਏ ਹਨ। ਇਸ ਦੀ ਕਲਮ ਇਸ ਦੀ ਗਾਇਕੀ ਤੋਂ ਵੀ ਜ਼ਿਆਦਾ ਤਾਕਤਵਰ ਹੈ।ਇਸੇ ਗੀਤ ਵਿਚ ਇਕ ਲਾਈਨ ਹੈ,“ਕਿਹੜੀ ਗੱਲ ਦਾ ਜੰਗ 'ਸ਼ਮਿੰਦਰਾ' ਕਰੇ ਨਿਬੇੜਾ'' ਦੇਖੋ ਇਕੋ ਲਾਇਨ ਕਿੰਨੇ ਡੂੰਘੇ ਅਰਥਾਂ ਨੂੰ ਸਮੋਈ ਬੈਠੀ ਹੈ। ਇਸ ਤੋਂ ਕਾਕੇ ਦੀ ਕਲਮ ਦੀ ਡੂੰਘਾਈ ਪਤਾ ਚਲਦੀ ਹੈ ਜੋ ਹਰ ਕਿਸੇ ਦੇ ਹਿੱਸੇ ਨਹੀ ਆਉਂਦੀ ।

ਇਸ ਗੀਤ ਨੂੰ ਸੰਗੀਤਕ ਲੜੀ ਵਿਚ ਪਰੋਇਆ ਹੈ ਸੁੱਖਪਾਲ ਸੁੱਖ ਨੇ ਤੇ ਇਸ ਦੀ ਵੀਡੀਓ ਬਣਾਈ ਹੈ ਦੀਪਕ ਕਨੋਜੀਆ ਨੇ ਇਸ ਨੂੰ ਫਾਈਨਟੋਨ ਕੰਪਨੀ ਵਾਲੇ ਰਜਿੰਦਰ ਭਾਜੀ ਨੇ ਪੂਰਾ ਦਿਲ ਲਾ ਕੇ ਤਿਆਰ ਕੀਤਾ ਹੈ ਉਨ੍ਹਾਂ ਦਾ ਕਹਿਣਾ ਹੈ,“ਕਿ ਪੰਜਾਬੀ ਮਾਂ ਬੋਲੀ ਨੂੰ ਪਿਆਰ ਕਰਨ ਵਾਲੇ ਹਰ ਸੁਹਿਰਦ ਸਰੋਤੇ ਦੀ ਇਹ ਗੀਤ ਰੂਹ ਦੀ ਖੁਰਾਕ ਬਣੇਗਾ। ਇਹ ਗੀਤ ਨਾਲ ਪੰਜਾਬੀ ਗਾਇਕੀ ਵਿਚ ਆਈ ਗਰਾਵਟ ਦੂਰ ਹੋਵੇਗੀ।'' ਕਾਕੇ ਦਾ ਕਹਿਣਾ ਹੈ ,“ਕਿ ਉਹ ਹਮੇਸ਼ਾ ਆਜਿਹੇ ਗੀਤ ਹੀ ਸਰੋਤਿਆ ਦੀ ਝੋਲੀ ਪਾਇਆ ਕਰੇਗਾ।'' ਉਹ ਸੁਰਿੰਦਰ ਸਰਤਾਜ, ਗੁਰਦਾਸ ਮਾਨ, ਧਰਮਿੰਦਰ ਮਸਾਣੀ, ਹਰਭਜਨ ਮਾਨ,ਵਾਂਗ ਹੀ ਗਾਉਣ ਦੀ ਕੋਸ਼ਿਸ਼ ਕਰਾਂਗਾ।
ਪਤਾ ਜਸਕਰਨ ਲੰਡੇ
ਪਿੰਡ ਤੇ ਡਾਕ ਲੰਡੇ
ਜ਼ਿਲਾ ਮੋਗਾ
ਫੋਨ-94171-03413