ਸੁਸਾਇਟੀ ਦੀ ਲਿਫਟ ’ਚ ਲੱਗੀ ਅੱਗ ਨਾਲ ਮਚੀ ਭਾਜੜ, ਇਕ ਘੰਟੇ ਦੀ ਮੁਸ਼ੱਕਤ ਪਿੱਛੋਂ ਅੱਗ ''ਤੇ ਪਾਇਆ ਕਾਬੂ

ਖਰੜ (ਰਣਬੀਰ) : ਦੇਰ ਸ਼ਾਮ ਖਰੜ ਲਾਂਡਰਾਂ ਰੋਡ ਸੈਕਟਰ-116 ਸਥਿਤ ਪਿੰਡ ਸੰਤੇ ਮਾਜਰਾ ’ਚ ਸਥਿਤ ਰਿਹਾਇਸ਼ੀ ਸੁਸਾਇਟੀ ਸਿਟੀ ਆਫ ਡਰੀਮਜ਼ ਐਲੀਨਾ ਹਾਈਟਸ-4 ਦੀ ਲਿਫਟ ’ਚ ਸ਼ਾਰਟ ਸਰਕਟ ਹੋਣ ਕਾਰਨ ਅਚਾਨਕ ਅੱਗ ਲੱਗ ਗਈ। ਇਸ ਕਾਰਨ ਸਥਾਨਕ ਲੋਕਾਂ ’ਚ ਇਕਦਮ ਭਾਜੜ ਮਚ ਗਈ। ਸੁਸਾਇਟੀ 'ਚ ਸਥਿਤ 4 ਘਰਾਂ ਦੇ ਗੀਜ਼ਰਾਂ ’ਚ ਸ਼ਾਰਟ ਸਰਕਟ ਕਾਰਨ ਧਮਾਕਾ ਹੋ ਗਿਆ। ਪਿਛਲੇ 3 ਦਿਨਾਂ 'ਚ ਸੁਸਾਇਟੀ ਵਿਚ ਇਹ ਦੂਜੀ ਘਟਨਾ ਹੈ, ਜਿਸ ਵਿਚ ਬਿਜਲੀ ਸਿਸਟਮ ਦੇ ਓਵਰਲੋਡ ਹੋਣ ਕਾਰਨ ਇਕ ਜਗ੍ਹਾ ਤੋਂ ਅੱਗ ਲੱਗਣ ਦੀ ਘਟਨਾ ਸਾਹਮਣੇ ਆਈ ਹੈ। 

ਇਸ ਗੱਲ ਦਾ ਪਤਾ ਲੱਗਦਿਆਂ ਹੀ ਸੁਸਾਇਟੀ ਵਾਸੀਆਂ ਤੇ ਉੱਥੇ ਤਾਇਨਾਤ ਸੁਰੱਖਿਆ ਮੁਲਾਜ਼ਮਾਂ ਨੇ ਸਾਵਧਾਨੀ ਨਾਲ ਕਾਰਵਾਈ ਕਰਦਿਆਂ ਕਰੀਬ ਇਕ ਘੰਟੇ ਦੀ ਮੁਸ਼ੱਕਤ ਤੋਂ ਬਾਅਦ ਅੱਗ 'ਤੇ ਕਾਬੂ ਪਾਇਆ। ਅੱਗ ਦੀ ਇਸ ਪੂਰੀ ਘਟਨਾ ਸਮੇਂ ਮੌਜੂਦ ਸਥਾਨਕ ਲੋਕਾਂ ਨੇ ਦੱਸਿਆ ਕਿ ਦੋ ਦਿਨ ਪਹਿਲਾਂ ਐਤਵਾਰ ਨੂੰ ਲਿਫਟ ਨਾਲ ਸਥਿਤ ਡਕਟ ’ਚ ਪਾਵਰ ਦੀ ਮੇਨ ਸਪਲਾਈ ਤਾਰਾਂ ’ਚ ਸ਼ਾਰਟ ਸਰਕਟ ਹੋਣ ਕਾਰਨ ਅੱਗ ਲੱਗ ਗਈ ਸੀ, ਜਿਸ ’ਤੇ ਸਾਰੇ ਲੋਕਾਂ ਨੇ ਮਿਲ ਕੇ ਕਾਬੂ ਪਾਇਆ। ਇਸ ਤੋਂ ਬਾਅਦ ਤੀਜੇ ਦਿਨ ਬਿਜਲੀ ਬਹਾਲ ਕਰ ਦਿੱਤੀ ਗਈ ਪਰ ਕੁਝ ਘੰਟਿਆਂ ਬਾਅਦ ਫਿਰ ਸ਼ਾਰਟ ਸਰਕਟ ਹੋਣ ਕਾਰਨ ਲਿਫਟ ਡਕਟ ’ਚ ਅੱਗ ਲੱਗ ਗਈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8