ਕੀ ਸੱਚਮੁੱਚ ਰਾਜਾ ਵੜਿੰਗ ਦੀ ਹਾਰ ਲਈ ਮਨਪ੍ਰੀਤ ਬਾਦਲ ਹੈ ਜ਼ਿੰਮੇਵਾਰ? (ਵੀਡੀਓ)
Saturday, May 25, 2019 - 05:21 PM (IST)
ਬਠਿੰਡਾ (ਅਮਿਤ ਸ਼ਰਮਾ) : ਬਠਿੰਡਾ ਦੇ ਥਰਮਲ ਪਲਾਂਟ ਮੁਲਾਜ਼ਮਾਂ ਨੇ ਰਾਜਾ ਵੜਿੰਗ ਦੀ ਹਾਰ ਲਈ ਮਨਪ੍ਰੀਤ ਬਾਦਲ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ। ਮੁਲਾਜ਼ਮਾਂ ਦਾ ਕਹਿਣਾ ਹੈ ਕਿ ਬਠਿੰਡਾ ਵਿਚ ਥਰਮਲ ਪਲਾਂਟ ਮੁੱਖ ਮੁੱਦਾ ਸੀ, ਜਿਸ ਨੂੰ ਮਨਪ੍ਰੀਤ ਬਾਦਲ ਨੇ 2017 ਵਿਚ ਹੋਈਆਂ ਵਿਧਾਨ ਸਭਾ ਚੋਣਾਂ ਦੌਰਾਨ ਚਾਲੂ ਕਰਨ ਦਾ ਵਾਅਦਾ ਤਾਂ ਕੀਤਾ ਸੀ ਪਰ ਅਜੇ ਤੱਕ ਉਸ ਨੂੰ ਪੂਰਾ ਨਹੀਂ ਕੀਤਾ। ਇਸ ਵਾਅਦਾਖਿਲਾਫੀ ਨੂੰ ਹੀ ਕਾਂਗਰਸ ਦੀ ਹਾਰ ਮੰਨਿਆ ਜਾ ਰਿਹਾ ਹੈ, ਕਿਉਂਕਿ ਇਸ ਵਾਰ ਹੋਈਆਂ ਲੋਕ ਸਭਾ ਚੋਣਾਂ ਵਿਚ ਵੀ ਇਸ ਥਰਮਲ ਪਲਾਂਟ ਨੂੰ ਚਲਾਉਣ ਦੀ ਗੱਲ ਕੀਤੀ ਗਈ ਸੀ ਪਰ ਓਹੀ ਵਾਅਦੇ ਇਸ ਵਾਰ ਕਾਂਗਰਸ 'ਤੇ ਭਾਰੀ ਪੈ ਗਏ ਅਤੇ ਬਠਿੰਡਾ ਵਿਚੋਂ ਕਾਂਗਰਸ ਦੀ ਵੋਟ ਘੱਟ ਗਈ।
ਮੁਲਾਜ਼ਮਾਂ ਨੇ ਸਰਕਾਰ ਤੋਂ ਇਸ ਥਰਮਲ ਪਲਾਂਟ ਨੂੰ ਚਲਾਉਣ ਦੀ ਮੰਗ ਕੀਤੀ ਹੈ ਅਤੇ ਮਨਪ੍ਰੀਤ ਬਾਦਲ ਤੋਂ ਅਸਤੀਫਾ ਲੈਣ ਲਈ ਵੀ ਕਿਹਾ ਹੈ।
