ਇੱਕੋ ਰਾਤ 4 ਟਿਊਬਵੈੱਲਾਂ ਤੋਂ ਮੋਟਰਾਂ ਅਤੇ 6 ਟਿਊਬਵੈੱਲਾਂ ਦੇ ਚੈਕਵਾਲਾਂ ''ਤੇ ਚੋਰਾਂ ਕੀਤੇ ਹੱਥ ਸਾਫ਼

ਦੀਨਾਨਗਰ (ਹਰਜਿੰਦਰ ਗੋਰਾਇਆ) : ਵਿਧਾਨ ਸਭਾ ਹਲਕਾ ਦੀਨਾਨਗਰ ਅਧੀਨ ਆਉਂਦੇ ਪੁਲਸ ਸ਼ਟੇਸਨ ਬਹਿਰਾਮਪੁਰ ਦੇ ਇਲਾਕੇ ਅੰਦਰ ਪੁਲਸ ਸੁਸਤ ਅਤੇ ਚੋਰ ਚੁਸਤ ਵਾਲੀ ਕਹਾਵਤ ਉਸ ਸਮੇਂ ਸਿੱਧ ਹੁੰਦੀ ਦਿਖਾਈ ਦਿੱਤੀ ਜਦੋਂ ਇੱਕੋ ਰਾਤ ਪਿੰਡ ਬਾਠਵਾਲ ਵਿਚ 4 ਟਿਉੂਬਵਲਾਂ ਤੋਂ ਮੋਟਰਾਂ ਅਤੇ 6 ਟਿਉੂਬਵਲਾਂ ਦੇ ਬੋਰਾਂ ਤੋਂ ਚੋਰ ਚੈਕਵਾਲ ਚੋਰੀ ਕਰਕੇ ਲੈ ਗਏ। 

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਕਿਸਾਨ ਵਜ਼ੀਰ ਸਿੰਘ ਨੇ ਦੱਸਿਆ ਕਿ ਹਰਦੀਪ ਸਿੰਘ, ਭੋਲਾ ਅਤੇ ਦਿਆਲ ਸਿੰਘ ਵਾਸੀ ਬਾਠਵਾਲ ਅਤੇ ਰਾਜੇਸ਼ ਕੁਮਾਰ ਵਾਸੀ ਰਾਮਪੁਰ ਦੇ ਟਿਉੂਬਵਲਾਂ ਦੇ ਕਮਰਿਆਂ ਦੀਆਂ ਕੰਧਾਂ ਤੋੜ ਕੇ ਚੋਰਾਂ ਵੱਲੋਂ ਅੰਦਰੋਂ ਮੋਟਰਾਂ ਤੋੜ ਕੇ ਤਾਂਬਾ ਚੋਰੀ ਕਰ ਲਿਆ ਗਿਆ।

ਇਹ ਵੀ ਪੜ੍ਹੋ : ਮਹਾਕੁੰਭ ਦੀ 'ਵਾਇਰਲ ਗਰਲ' ਮੋਨਾਲੀਸਾ ਦੀ ਚਮਕੀ ਕਿਸਮਤ, ਬਾਲੀਵੁੱਡ ਦੀ ਇਸ ਫਿਲਮ 'ਚ ਕਰੇਗੀ ਡੈਬਿਊ

ਇਸੇ ਤਰ੍ਹਾਂ ਹੀ ਕਿਸਾਨ ਨਾਨਕ ਚੰਦ, ਰਲਦੂ ਰਾਮ, ਰਜਿੰਦਰ ਸਿੰਘ, ਸੁਖਦੇਵ ਸਿੰਘ ਅਤੇ ਕਿਰਪਾਲ ਸਿੰਘ ਤੇ ਜੋਗਿੰਦਰ ਸਿੰਘ ਪਿੰਡ ਬਾਠਵਾਲ ਦੇ ਟਿਉੂਬਵਲਾਂ ਦੇ ਬੋਰਾਂ ਦੇ ਚੈਕਵਾਲ ਤੋੜ ਕੇ ਚੋਰੀ ਕਰ ਲਏ ਗਏ ਹਨ। ਇਲਾਕੇ ਦੇ ਕਿਸਾਨਾਂ ਨੇ ਦੱਸਿਆ ਕਿ ਇਨ੍ਹਾਂ ਚੋਰੀ ਦੀਆਂ ਘਟਨਾਵਾਂ ਨਾਲ ਕਿਸਾਨਾਂ ਨੂੰ ਦੋਹਰੀ ਮਾਰ ਝੱਲਣੀ ਪੈ ਰਹੀ ਹੈ। ਉਨ੍ਹਾਂ ਪੁਲਸ ਪ੍ਰਸ਼ਾਸਨ ਦੇ ਉੱਚ ਅਧਿਕਾਰੀਆਂ ਕੋਲੋਂ ਨਿੱਤ ਦਿਨ ਹੋ ਰਹੀਆਂ ਚੋਰੀ ਦੀਆਂ ਘਟਨਾਵਾਂ ਨੂੰ ਨੱਥ ਪਾਉਣ ਲਈ ਇਲਾਕੇ ਅੰਦਰ ਗਸ਼ਤ ਤੇਜ਼ ਕਰਨ ਦੀ ਮੰਗ ਕੀਤੀ ਹੈ ਤਾਂ ਕਿ ਚੋਰੀ ਦੀਆਂ ਘਟਨਾਵਾਂ ਨੂੰ ਨੱਥ ਪੈ ਸਕੇ।

ਇਹ ਵੀ ਪੜ੍ਹੋ : ਮਹਾਕੁੰਭ ਭਾਜੜ ਬਾਰੇ ਗੱਲ ਕਰਦਿਆਂ ਰੋ ਪਏ CM ਯੋਗੀ, ਕਰ'ਤਾ 25-25 ਲੱਖ ਦਾ ਐਲਾਨ 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8