ਦਿਨ-ਦਿਹਾੜੇ ਘਰ ''ਚ ਵੜ ਕੇ ਚੋਰ ਸੋਨੇ ਦੇ ਗਹਿਣੇ ਲੈ ਹੋਏ ਫਰਾਰ

ਗੁਰਦਾਸਪੁਰ(ਵਿਨੋਦ)- ਸ਼ਹਿਰ ਦੇ ਮੁਹੱਲਾ ਇਸਲਾਮਾਬਾਦ ਵਿਚ ਇੱਕ ਘਰ ਵੜ ਕੇ ਦਿਨ-ਦਿਹਾੜੇ ਦੋ ਚੋਰ ਅਲਮਾਰੀ ਖੋਲ ਕੇ ਪੰਜ ਗ੍ਰਾਮ ਸੋਨੇ ਦੇ ਗਹਿਣੇ ਲੈ ਕੇ ਫਰਾਰ ਹੋ ਗਏ । ਪਰਿਵਾਰ ਦਾ ਮੁਖੀ ਕੁਝ ਦੇਰ ਲਈ ਘਰੋਂ ਬਾਹਰ ਗਿਆ ਸੀ, ਘਰ ਵਿੱਚ ਛੋਟਾ ਬੱਚਾ ਸੀ ਪਰ ਉਹ ਵੀ ਪਤੰਗ ਲੈਣ ਲਈ ਮੁਹੱਲੇ ਵਿੱਚ ਹੀ ਇੱਕ ਦੁਕਾਨ ’ਤੇ ਗਿਆ ਸੀ ।

ਇਹ ਵੀ ਪੜ੍ਹੋ- ਪੰਜਾਬ: 10 ਤੇ 20 ਰੁਪਏ ਦੇ ਨਵੇਂ ਨੋਟਾਂ ਦੀ ਹੋ ਰਹੀ ਬਲੈਕ, ਬੈਂਕ ਅਧਿਕਾਰੀ ਕਰ ਰਹੇ...

ਦੱਸਿਆ ਜਾ ਰਿਹਾ ਹੈ ਕਿ ਛੋਟੇ ਬੱਚੇ ਨੇ ਦੋਵੇਂ ਚੋਰ ਘਰੋਂ ਬਾਹਰ ਨਿਕਲਦੇ ਵੇਖੇ ਸਨ ,ਪਰ ਡਰ ਨਾਲ ਉਹ ਕੁਝ ਕਰ ਨਹੀਂ ਸਕਿਆ । ਘਰ ਦੇ ਮਾਲਕ ਰਵੀ ਕੁਮਾਰ ਨੇ ਦੱਸਿਆ ਕਿ ਚੋਰਾਂ ਨੇ ਅਲਮਾਰੀ ਖੋਲ ਕੇ ਦੋ ਗ੍ਰਾਮ ਦੀਆਂ ਬਾਲੀਆਂ, ਦੋ ਗ੍ਰਾਮ ਦੀ ਅੰਗੂਠੀ ਅਤੇ ਇਕ ਗ੍ਰਾਮ ਦੀ ਹੋਰ ਅੰਗੂਠੀ ਚੋਰੀ ਕੀਤੀ ਹੈ। ਉਨ੍ਹਾਂ ਵੱਲੋਂ ਬੈਡ ਖੋਲ ਕੇ ਫਰੋਲਾ ਫਰਾਲੀ ਵੀ ਕੀਤੀ ਗਈ , ਪਰ ਬੈਡ ਵਿੱਚ ਕੁਝ ਨਹੀਂ ਮਿਲਿਆ। ਉਨ੍ਹਾਂ ਦੱਸਿਆ ਕਿ ਪੁਲਸ ਨੂੰ ਸ਼ਿਕਾਇਤ ਕੀਤੀ ਗਈ ਹੈ।

ਇਹ ਵੀ ਪੜ੍ਹੋ- ਮੈਰਿਜ ਪੈਲੇਸਾਂ ਵਿਚ ਵਰਤਾਈ ਜਾਣ ਵਾਲੀ ਸ਼ਰਾਬ ਦੇ ਰੇਟ ਨੂੰ ਲੈ ਕੇ ਪੈ ਗਿਆ ਰੌਲਾ, ਪੜ੍ਹੋ ਕੀ ਹੈ ਮਾਮਲਾ

ਉੱਥੇ ਹੀ ਮੁਹੱਲੇ ਦੇ ਕੌਂਸਲਰ ਅਸ਼ੋਕ ਕੁਮਾਰ ਭੁੱਟੋ ਨੇ ਕਿਹਾ ਕਿ ਪਹਿਲਾਂ ਤਾਂ ਰਾਤ ਨੂੰ ਕਿਸੇ ਘਰ ਵਿੱਚ ਤਾਲੇ ਲੱਗੇ ਦੇਖ ਕੇ ਹੀ ਚੋਰ ਚੋਰੀ ਕਰਨ ਦੀ ਹਿੰਮਤ ਕਰਦੇ ਸਨ ਪਰ ਹੁਣ ਤਾਂ ਉਨ੍ਹਾਂ ਦੀ ਹਿੰਮਤ ਇੰਨੀ ਵੱਧ ਗਈ ਹੈ ਕਿ ਦਿਨ ਦੇ ਸਮੇਂ ਹਰੇਕ ਘਰਾਂ ਵਿੱਚ ਵੜ ਕੇ ਚੋਰੀਆਂ ਕਰਨ ਲੱਗ ਪਏ ਹਨ।

ਇਹ ਵੀ ਪੜ੍ਹੋ- ਹੋਟਲ ’ਚ ਔਰਤ ਦਾ ਕਤਲ ਕਰਨ ਦੇ ਮਾਮਲੇ 'ਚ ਵੱਡਾ ਖੁਲਾਸਾ, ਫੜੇ ਗਏ ਮੁਲਜ਼ਮ ਨੇ ਦੱਸੀ ਇਹ ਵਜ੍ਹਾ