ਆਨਲਾਈਨ ਠੱਗੀ ਦਾ ਨਵਾਂ ਤਰੀਕਾ, ਬਿਨਾਂ OTP ਜਾਂ ਲਿੰਕ ਭੇਜੇ ਹੀ ਸਾਈਬਰ ਠੱਗਾਂ ਨੇ ਉਡਾ ਲਏ ਲੱਖਾਂ ਰੁਪਏ

ਗੁਰਦਾਸਪੁਰ (ਵਿਨੋਦ)- ਸਾਈਬਰ ਅਪਰਾਧੀਆਂ ਨੇ ਇਕ ਸੇਵਾਮੁਕਤ ਬੈਂਕ ਅਧਿਕਾਰੀ ਦੇ ਦੋ ਖਾਤਿਆਂ ਵਿਚੋਂ ਸਿਮ ਅਦਲਾ-ਬਦਲੀ ਕਰ ਕੇ 10.68 ਲੱਖ ਰੁਪਏ ਕਢਵਾ ਲਏ। ਪੰਜਾਬ ਨੈਸ਼ਨਲ ਬੈਂਕ ਦੇ ਸੇਵਾਮੁਕਤ ਅਧਿਕਾਰੀ ਹੀਰਾ ਲਾਲ ਅਗਰਵਾਲ ਨੇ ਦੱਸਿਆ ਕਿ 31 ਜੁਲਾਈ ਨੂੰ ਸ਼ਾਮ 4.40 ਵਜੇ ਉਨ੍ਹਾਂ ਨੂੰ ਕਿਸੇ ਅਣਪਛਾਤੇ ਮੋਬਾਈਲ ਨੰਬਰ ਤੋਂ ਕ੍ਰੈਡਿਟ ਕਾਰਡ ਰੱਦ ਕਰਨ ਦਾ ਵ੍ਹਟਸਐਪ ਮੈਸੇਜ ਮਿਲਿਆ, ਜਦਕਿ ਉਨ੍ਹਾਂ ਦੇ ਨਾਂ ’ਤੇ ਕੋਈ ਕ੍ਰੈਡਿਟ ਕਾਰਡ ਹੀ ਨਹੀਂ ਸੀ।

ਮੈਸੇਜ ਪੜ੍ਹਨ ਦੇ ਕੁਝ ਸਮੇਂ ਬਾਅਦ ਉਨ੍ਹਾਂ ਦਾ ਮੋਬਾਈਲ ਨੈੱਟਵਰਕ ਡਾਊਨ ਹੋ ਗਿਆ ਅਤੇ ਮੋਬਾਈਲ ਦੀ ਸਿਮ ਨੇ ਕੰਮ ਕਰਨਾ ਬੰਦ ਕਰ ਦਿੱਤਾ। ਉਨ੍ਹਾਂ ਦੀ ਸਿਮ 1 ਅਗਸਤ ਨੂੰ ਵੀ ਬੰਦ ਰਹੀ। ਨਿਰਾਸ਼ ਹੋ ਕੇ 2 ਅਗਸਤ ਨੂੰ ਉਹ ਗੁਰਦਾਸਪੁਰ ਸਥਿਤ ਕੰਪਨੀ ਦੇ ਦਫ਼ਤਰ ਗਏ ਅਤੇ ਉੱਥੇ ਉਨ੍ਹਾਂ ਨੂੰ ਦੱਸਿਆ ਗਿਆ ਕਿ ਉਨ੍ਹਾਂ ਦੀ ਸਿਮ ਬਲਾਕ ਹੋ ਗਈ ਹੈ। ਕਾਗਜ਼ੀ ਕਾਰਵਾਈ ਕਰਨ ਦੌਰਾਨ ਉਨ੍ਹਾਂ ਨੂੰ ਨਵੀਂ ਸਿਮ ਜਾਰੀ ਕੀਤੀ ਗਈ ਤੇ ਦੁਪਹਿਰ ਕਰੀਬ ਚਾਰ ਵਜੇ ਸਿਮ ਚਾਲੂ ਹੋ ਗਈ।

ਇਹ ਵੀ ਪੜ੍ਹੋ- ਜੈਜੋਂ ਹਾਦਸੇ 'ਚ ਪੀੜਤ ਪਰਿਵਾਰ ਲਈ CM ਮਾਨ ਦਾ ਵੱਡਾ ਐਲਾਨ, ਬਰਸਾਤੀ ਮੌਸਮ ਬਾਰੇ ਵੀ ਲੋਕਾਂ ਨੂੰ ਕੀਤੀ ਖ਼ਾਸ ਅਪੀਲ

3 ਅਗਸਤ ਨੂੰ ਉਨ੍ਹਾਂ ਐਪ ਨੂੰ ਦੁਬਾਰਾ ਡਾਊਨਲੋਡ ਕਰਨ ਤੋਂ ਆਪਣੇ ਖਾਤੇ ਦਾ ਬੈਲੇਂਸ ਚੈੱਕ ਕੀਤਾ ਤਾਂ ਜ਼ੀਰੋ ਬੈਲੇਂਸ ਦੇਖ ਕੇ ਹੈਰਾਨ ਰਹਿ ਗਏ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਆਪਣੇ ਨਾਲ ਸਾਈਬਰ ਠੱਗੀ ਹੋਣ ਦਾ ਅਹਿਸਾਸ ਹੋਇਆ ਅਤੇ ਉਨ੍ਹਾਂ ਨੇ ਧੋਖਾਧੜੀ ਦੀ ਸ਼ਿਕਾਇਤ ਦਰਜ ਕਰਵਾਈ। ਸਾਈਬਰ ਠੱਗਾਂ ਨੇ ਇਕੋ ਦਿਨ ਵਿਚ ਉਸ ਦੇ ਦੋ ਖਾਤੇ ਖਾਲੀ ਕਰ ਦਿੱਤੇ ਤੇ ਵੱਖ-ਵੱਖ ਥਾਵਾਂ ਤੋਂ 10 ਲੱਖ ਰੁਪਏ ਉਡਾ ਲਏ, ਜਦਕਿ ਦੂਸਰੇ ਖਾਤੇ ’ਚੋਂ 68 ਹਜ਼ਾਰ ਰੁਪਏ ਕਢਵਾ ਲਏ।

ਇਹ ਵੀ ਪੜ੍ਹੋ- ਸਿਵਲ ਹਸਪਤਾਲ 'ਚ ਮਾਂ ਦੇ ਇਲਾਜ ਲਈ ਆਈ ਔਰਤ ਨੂੰ ਵਿਅਕਤੀ ਨੇ ਬਣਾਇਆ ਹਵਸ ਦਾ ਸ਼ਿਕਾਰ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e