ਵੈੱਬ ਡੈਸਕ - ਅੱਜ ਦੇ ਸਮੇਂ 'ਚ ਹਰ ਕੋਈ ਚਮਕਦਾਰ ਅਤੇ ਸਾਫ਼ ਚਿਹਰਾ ਚਾਹੁੰਦਾ ਹੈ। ਇਸ ਲਈ ਲੋਕ ਮਹਿੰਗੇ ਬਿਊਟੀ ਪ੍ਰੋਡਕਟਸ, ਫੇਸ਼ੀਅਲ ਅਤੇ ਕੈਮੀਕਲ ਯੁਕਤ ਕਰੀਮਾਂ 'ਤੇ ਹਜ਼ਾਰਾਂ ਰੁਪਏ ਖਰਚ ਕਰਦੇ ਹਨ ਪਰ ਮਾਹਿਰਾਂ ਦਾ ਮੰਨਣਾ ਹੈ ਕਿ ਅਸਲੀ ਨਿਖਾਰ ਬਾਹਰੀ ਚੀਜ਼ਾਂ ਨਾਲ ਨਹੀਂ, ਸਗੋਂ ਸਾਡੀ ਖੁਰਾਕ ਨਾਲ ਆਉਂਦਾ ਹੈ। ਜੇਕਰ ਤੁਹਾਡਾ ਸਰੀਰ ਅੰਦਰੋਂ ਤੰਦਰੁਸਤ ਹੈ, ਤਾਂ ਉਸਦਾ ਅਸਰ ਤੁਹਾਡੇ ਚਿਹਰੇ 'ਤੇ ਕੁਦਰਤੀ ਤੌਰ 'ਤੇ ਦਿਖਾਈ ਦੇਵੇਗਾ।

ਕਿਉਂ ਜ਼ਰੂਰੀ ਹੈ ਡਾਈਟ 'ਚ ਸੁਧਾਰ?
ਸਾਡੀ ਚਮੜੀ ਨੂੰ ਸਿਹਤਮੰਦ ਰਹਿਣ ਲਈ ਵਿਟਾਮਿਨ, ਮਿਨਰਲਸ ਅਤੇ ਐਂਟੀ-ਆਕਸੀਡੈਂਟਸ ਦੀ ਲੋੜ ਹੁੰਦੀ ਹੈ। ਗਲਤ ਖਾਣ-ਪੀਣ ਜਿਵੇਂ ਕਿ ਜ਼ਿਆਦਾ ਤੇਲ-ਮਸਾਲੇ ਅਤੇ ਖੰਡ ਵਾਲੀਆਂ ਚੀਜ਼ਾਂ ਚਿਹਰੇ 'ਤੇ ਕਿੱਲ-ਮੁਹਾਂਸੇ ਅਤੇ ਫਿੱਕਾਪਨ ਪੈਦਾ ਕਰਦੀਆਂ ਹਨ।

ਚਿਹਰੇ 'ਤੇ ਲਾਲੀ ਅਤੇ ਚਮਕ ਲਿਆਉਣ ਵਾਲੇ 'ਸੁਪਰਫੂਡਜ਼' :-

ਪਾਣੀ ਦੀ ਭਰਪੂਰ ਮਾਤਰਾ 
- ਚਮੜੀ ਨੂੰ ਚਮਕਦਾਰ ਬਣਾਉਣ ਦਾ ਸਭ ਤੋਂ ਸਸਤਾ ਅਤੇ ਵਧੀਆ ਤਰੀਕਾ ਹੈ ਦਿਨ 'ਚ ਘੱਟੋ-ਘੱਟ 8-10 ਗਲਾਸ ਪਾਣੀ ਪੀਣਾ। ਇਹ ਸਰੀਰ ਦੇ ਜ਼ਹਿਰੀਲੇ ਤੱਤਾਂ ਨੂੰ ਬਾਹਰ ਕੱਢਦਾ ਹੈ।

ਵਿਟਾਮਿਨ-C ਵਾਲੇ ਫਲ
- ਸੰਤਰਾ, ਨਿੰਬੂ, ਆਂਵਲਾ ਅਤੇ ਕੀਵੀ ਵਰਗੇ ਫਲ ਕੋਲੇਜਨ ਬਣਾਉਣ 'ਚ ਮਦਦ ਕਰਦੇ ਹਨ, ਜੋ ਚਮੜੀ ਨੂੰ ਜਵਾਨ ਅਤੇ ਚਮਕਦਾਰ ਰੱਖਦਾ ਹੈ।

ਹਰੀਆਂ ਪੱਤੇਦਾਰ ਸਬਜ਼ੀਆਂ
- ਪਾਲਕ ਅਤੇ ਹੋਰ ਹਰੀਆਂ ਸਬਜ਼ੀਆਂ 'ਚ ਆਇਰਨ ਅਤੇ ਵਿਟਾਮਿਨ-E ਹੁੰਦਾ ਹੈ, ਜੋ ਚਿਹਰੇ 'ਤੇ ਕੁਦਰਤੀ ਲਾਲੀ ਲਿਆਉਂਦਾ ਹੈ ਅਤੇ ਖ਼ੂਨ ਨੂੰ ਸਾਫ਼ ਕਰਦਾ ਹੈ।

ਸੁੱਕੇ ਮੇਵੇ 
- ਬਾਦਾਮ ਅਤੇ ਅਖਰੋਟ 'ਚ ਓਮੇਗਾ-3 ਫੈਟੀ ਐਸਿਡ ਹੁੰਦਾ ਹੈ, ਜੋ ਚਮੜੀ ਨੂੰ ਨਮੀ ਦਿੰਦਾ ਹੈ ਅਤੇ ਝੁਰੜੀਆਂ ਨੂੰ ਰੋਕਦਾ ਹੈ।

ਚੁਕੰਦਰ ਅਤੇ ਗਾਜਰ ਦਾ ਜੂਸ
- ਇਹ ਦੋਵੇਂ ਚੀਜ਼ਾਂ ਖ਼ੂਨ ਵਧਾਉਣ ਅਤੇ ਚਮੜੀ ਨੂੰ ਡੀਟੌਕਸ ਕਰਨ ਲਈ ਰਾਮਬਾਣ ਹਨ। ਰੋਜ਼ਾਨਾ ਇਕ ਗਲਾਸ ਜੂਸ ਪੀਣ ਨਾਲ 7 ਦਿਨਾਂ 'ਚ ਫਰਕ ਦਿਖਣ ਲੱਗਦਾ ਹੈ।