ਵੈੱਬ ਡੈਸਕ - ਅੱਜ-ਕੱਲ੍ਹ ਦੇ ਪ੍ਰਦੂਸ਼ਣ ਅਤੇ ਮਹਿੰਗੇ ਰਸਾਇਣਕ ਬਿਊਟੀ ਪ੍ਰੋਡਕਟਸ ਦੇ ਦੌਰ 'ਚ ਅਸੀਂ ਅਕਸਰ ਕੁਦਰਤੀ ਚੀਜ਼ਾਂ ਨੂੰ ਭੁੱਲ ਜਾਂਦੇ ਹਾਂ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਤੁਹਾਡੇ ਘਰ ਦੇ ਆਲੇ-ਦੁਆਲੇ ਲੱਗਿਆ ਨਿੰਮ ਦਾ ਦਰੱਖਤ ਚਮੜੀ (Skin) ਲਈ ਕਿਸੇ ਖ਼ਜ਼ਾਨੇ ਤੋਂ ਘੱਟ ਨਹੀਂ ਹੈ? ਆਯੁਰਵੇਦ ਮੁਤਾਬਕ ਨਿੰਮ 'ਚ ਐਂਟੀ-ਬੈਕਟੀਰੀਅਲ, ਐਂਟੀ-ਫੰਗਲ ਅਤੇ ਐਂਟੀ-ਇਨਫਲੇਮੇਟਰੀ ਗੁਣ ਹੁੰਦੇ ਹਨ, ਜੋ ਚਮੜੀ ਨੂੰ ਅੰਦਰੋਂ ਸਾਫ਼ ਕਰਕੇ ਕੁਦਰਤੀ ਨਿਖਾਰ ਲਿਆਉਂਦੇ ਹਨ।

ਚਮੜੀ ਲਈ ਨਿੰਮ ਦੇ ਜਾਦੂਈ ਫਾਇਦੇ :

ਕਿੱਲ-ਮੁਹਾਸਿਆਂ ਦਾ ਪੱਕਾ ਇਲਾਜ
- ਨਿੰਮ ਦੇ ਪੱਤਿਆਂ 'ਚ ਮੌਜੂਦ ਐਂਟੀ-ਬੈਕਟੀਰੀਅਲ ਗੁਣ ਮੁਹਾਸੇ ਪੈਦਾ ਕਰਨ ਵਾਲੇ ਬੈਕਟੀਰੀਆ ਨੂੰ ਖ਼ਤਮ ਕਰਦੇ ਹਨ। ਨਿੰਮ ਦਾ ਪੇਸਟ ਲਗਾਉਣ ਨਾਲ ਚਿਹਰੇ ਦੀ ਸੋਜ ਅਤੇ ਲਾਲੀ ਵੀ ਘੱਟ ਹੁੰਦੀ ਹੈ।

ਤੇਲਯੁਕਤ ਸਕਿਨ ਤੋਂ ਛੁਟਕਾਰਾ
- ਜਿਨ੍ਹਾਂ ਦੀ ਚਮੜੀ ਬਹੁਤ ਜ਼ਿਆਦਾ ਤੇਲ ਛੱਡਦੀ ਹੈ, ਉਨ੍ਹਾਂ ਲਈ ਨਿੰਮ ਬਹੁਤ ਫਾਇਦੇਮੰਦ ਹੈ। ਇਹ ਚਮੜੀ ਦੇ ਵਾਧੂ ਤੇਲ (Sebum) ਨੂੰ ਕੰਟਰੋਲ ਕਰਦਾ ਹੈ ਅਤੇ ਰੋਮਾਂ ਨੂੰ ਬੰਦ ਹੋਣ ਤੋਂ ਰੋਕਦਾ ਹੈ।

ਦਾਗ-ਧੱਬੇ ਅਤੇ ਪਿਗਮੈਂਟੇਸ਼ਨ
- ਨਿੰਮ ਦੇ ਨਿਯਮਤ ਸੇਵਨ ਜਾਂ ਲੇਪ ਨਾਲ ਚਿਹਰੇ ਦੇ ਪੁਰਾਣੇ ਦਾਗ-ਧੱਬੇ ਹੌਲੀ-ਹੌਲੀ ਫਿੱਕੇ ਪੈ ਜਾਂਦੇ ਹਨ ਅਤੇ ਸਕਿਨ ਦਾ ਰੰਗ ਸਾਫ਼ ਹੁੰਦਾ ਹੈ।

ਖੁਜਲੀ ਅਤੇ ਇਨਫੈਕਸ਼ਨ ਤੋਂ ਰਾਹਤ
- ਚਮੜੀ ਦੀ ਐਲਰਜੀ, ਖੁਜਲੀ ਜਾਂ ਕਿਸੇ ਵੀ ਤਰ੍ਹਾਂ ਦੀ ਫੰਗਲ ਇਨਫੈਕਸ਼ਨ ਹੋਣ 'ਤੇ ਨਿੰਮ ਦੇ ਪਾਣੀ ਨਾਲ ਨਹਾਉਣਾ ਬੇਹੱਦ ਲਾਹੇਵੰਦ ਸਿੱਧ ਹੁੰਦਾ ਹੈ।

ਕੁਦਰਤੀ ਕਲੀਂਜ਼ਰ 
- ਨਿੰਮ ਸਕਿਨ ਦੀ ਗਹਿਰਾਈ ਤੱਕ ਜਾ ਕੇ ਗੰਦਗੀ ਨੂੰ ਸਾਫ਼ ਕਰਦਾ ਹੈ, ਜਿਸ ਨਾਲ ਚਿਹਰੇ 'ਤੇ ਕੁਦਰਤੀ ਚਮਕ ਆਉਂਦੀ ਹੈ ਅਤੇ ਵਧਦੀ ਉਮਰ ਦੇ ਪ੍ਰਭਾਵ ਘੱਟ ਹੁੰਦੇ ਹਨ।

ਵਰਤਣ ਦਾ ਸਹੀ ਤਰੀਕਾ :-

ਨਿੰਮ ਦੇ ਤਾਜ਼ਾ ਪੱਤਿਆਂ ਨੂੰ ਪੀਸ ਕੇ ਉਸ ਵਿੱਚ ਥੋੜ੍ਹਾ ਜਿਹਾ ਗੁਲਾਬ ਜਲ ਜਾਂ ਹਲਦੀ ਮਿਲਾ ਕੇ ਫੇਸ ਪੈਕ ਵਾਂਗ ਵਰਤੋਂ। 15-20 ਮਿੰਟ ਬਾਅਦ ਚਿਹਰਾ ਸਾਦੇ ਪਾਣੀ ਨਾਲ ਧੋ ਲਓ।