ਵੈੱਬ ਡੈਸਕ - ਅੱਜ ਦੇ ਦੌਰ 'ਚ ਜਿੱਥੇ ਬਾਜ਼ਾਰ ਮਹਿੰਗੇ ਅਤੇ ਕੈਮੀਕਲ ਯੁਕਤ ਬਿਊਟੀ ਪ੍ਰੋਡਕਟਸ ਨਾਲ ਭਰਿਆ ਹੋਇਆ ਹੈ, ਉੱਥੇ ਹੀ ਸਾਡੇ ਘਰਾਂ ਦੀ ਰਸੋਈ 'ਚ ਕੁਝ ਅਜਿਹੇ ਨੁਸਖ਼ੇ ਛੁਪੇ ਹੋਏ ਹਨ ਜੋ ਕਿਸੇ ਵਰਦਾਨ ਤੋਂ ਘੱਟ ਨਹੀਂ ਹਨ। ਅਜਿਹਾ ਹੀ ਇਕ ਸ਼ਕਤੀਸ਼ਾਲੀ ਸੁਮੇਲ ਹੈ ਨਾਰੀਅਲ ਤੇਲ ਅਤੇ ਕਪੂਰ।

ਸਦੀਆਂ ਤੋਂ ਦਾਦੀਆਂ-ਨਾਨੀਆਂ ਦੇ ਨੁਸਖ਼ਿਆਂ 'ਚ ਸ਼ਾਮਲ ਇਹ ਜੋੜੀ ਨਾ ਸਿਰਫ਼ ਵਾਲਾਂ ਦੀਆਂ ਗੰਭੀਰ ਸਮੱਸਿਆਵਾਂ ਜਿਵੇਂ ਸਿੱਕਰੀ ਅਤੇ ਵਾਲਾਂ ਦਾ ਝੜਨਾ ਰੋਕਣ 'ਚ ਮਦਦਗਾਰ ਹੈ, ਸਗੋਂ ਚਮੜੀ ਦੀ ਐਲਰਜੀ ਅਤੇ ਦਾਗ-ਧੱਬਿਆਂ ਲਈ ਵੀ ਇਕ ਅਚੂਕ ਇਲਾਜ ਮੰਨੀ ਜਾਂਦੀ ਹੈ। ਐਂਟੀ-ਸੈਪਟਿਕ ਅਤੇ ਐਂਟੀ-ਫੰਗਲ ਗੁਣਾਂ ਨਾਲ ਭਰਪੂਰ ਇਹ ਦੇਸੀ ਫਾਰਮੂਲਾ ਕਿਵੇਂ ਤੁਹਾਡੀ ਦਿੱਖ ਨੂੰ ਨਿਖਾਰ ਸਕਦਾ ਹੈ ਅਤੇ ਇਸ ਨੂੰ ਵਰਤਣ ਦਾ ਵਿਗਿਆਨਕ ਤਰੀਕਾ ਕੀ ਹੈ, ਆਓ ਇਸ ਬਾਰੇ ਵਿਸਥਾਰ ਨਾਲ ਜਾਣਦੇ ਹਾਂ।

ਮਿਲਣਗੇ ਇਹ ਫਾਇਦੇ :-

ਡੈਂਡਰਫ ਤੋਂ ਛੁਟਕਾਰਾ
- ਕਪੂਰ 'ਚ ਐਂਟੀ-ਫੰਗਲ ਗੁਣ ਹੁੰਦੇ ਹਨ ਜੋ ਸਿਰ ਦੀ ਚਮੜੀ ਤੋਂ ਸਿੱਕਰੀ ਨੂੰ ਜੜ੍ਹ ਤੋਂ ਖਤਮ ਕਰਨ 'ਚ ਮਦਦ ਕਰਦੇ ਹਨ।

ਖਾਰਸ਼ ਤੋਂ ਰਾਹਤ
- ਜੇਕਰ ਸਿਰ 'ਚ ਇਨਫੈਕਸ਼ਨ ਕਾਰਨ ਖਾਰਸ਼ ਹੁੰਦੀ ਹੈ, ਤਾਂ ਇਹ ਮਿਸ਼ਰਣ ਤੁਰੰਤ ਠੰਢਕ ਦਿੰਦਾ ਹੈ।

ਵਾਲਾਂ ਦਾ ਝੜਨਾ ਘੱਟ ਹੋਣਾ
- ਇਹ ਸਿਰ ਦੇ ਖੂਨ ਦੇ ਦੌਰੇ ਨੂੰ ਵਧਾਉਂਦਾ ਹੈ, ਜਿਸ ਨਾਲ ਵਾਲਾਂ ਦੀਆਂ ਜੜ੍ਹਾਂ ਮਜ਼ਬੂਤ ਹੁੰਦੀਆਂ ਹਨ।

ਜੂੰਆਂ ਦਾ ਸਫਾਇਆ
- ਕਪੂਰ ਦੀ ਤੇਜ਼ ਗੰਧ ਅਤੇ ਗੁਣ ਜੂੰਆਂ ਨੂੰ ਮਾਰਨ 'ਚ ਸਹਾਇਕ ਹੁੰਦੇ ਹਨ।

ਇਸਤੇਮਾਲ ਕਰਨ ਦਾ ਸਹੀ ਤਰੀਕਾ :- 

- ਇਕ ਕੋਲੀ 'ਚ 2-3 ਚਮਚ ਨਾਰੀਅਲ ਤੇਲ ਲਓ।
- ਇਸ 'ਚ 2 ਟਿੱਕੀਆਂ ਕਪੂਰ ਦੀਆਂ ਚੰਗੀ ਤਰ੍ਹਾਂ ਪੀਸ ਕੇ (ਪਾਊਡਰ ਬਣਾ ਕੇ) ਮਿਲਾਓ।
- ਜੇਕਰ ਹੋ ਸਕੇ ਤਾਂ ਤੇਲ ਨੂੰ ਹਲਕਾ ਜਿਹਾ ਕੋਸਾ ਕਰ ਲਓ ਤਾਂ ਜੋ ਕਪੂਰ ਚੰਗੀ ਤਰ੍ਹਾਂ ਘੁਲ ਜਾਵੇ।
- ਰਾਤ ਨੂੰ ਸੌਣ ਵੇਲੇ ਇਸ ਮਿਸ਼ਰਣ ਨਾਲ ਸਿਰ ਦੀ ਹਲਕੀ ਮਾਲਿਸ਼ ਕਰੋ ਅਤੇ ਸਵੇਰੇ ਸ਼ੈਂਪੂ ਨਾਲ ਵਾਲ ਧੋ ਲਓ। ਹਫ਼ਤੇ 'ਚ 2 ਵਾਰ ਇਸ ਦੀ ਵਰਤੋਂ ਕਰੋ।