ਗੁੜ ਦੀ ਖੀਰ

ਜਲੰਧਰ—ਖੀਰ ''ਚ ਸਵਾਦ ਦਾ ਨਵਾਂ ਟਵਿਸਟ ਚਾਹੁੰਦੇ ਹੋ ਤਾਂ ਟਰਾਈ ਕਰੋ ਗੁੜ ਦੀ ਇਹ ਰੇਸਿਪੀ
ਸਮੱਗਰੀ 
2 ਵੱਡੇ ਚਮਚ ਚੌਲ 
2 ਲੀਟਰ ਦੁੱਧ
100 ਗ੍ਰਾਮ ਗੁੜ
4 ਸਾਬਤ ਛੋਟੀ (ਹਰੀ) ਇਲਾਇਚੀ
8 ਤੋਂ 10 ਬਦਾਮ, ਬਰੀਕ ਕੱਟੇ 
2 ਚਮਚ ਪਿਸਤਾ, ਬਰੀਕ ਕੱਟੇ ਇਕ ਵੱਡਾ ਚਮਚ ਚਿਰੌਜ਼ੀ ਦੇ ਦਾਣੇ 
5 ਤੋਂ 6 ਪੱਤੀ ਕੇਸਰ ਦੀ
ਅੱਧਾ ਛੋਟਾ ਚਮਚ ਘਿਓ
ਅੱਧਾ ਕੱਪ ਪਾਣੀ
- ਸਭ ਤੋਂ ਪਹਿਲਾਂ ਚੌਲਾਂ ਨੂੰ ਚੰਗੀ ਤਰ੍ਹਾਂ ਧੋ ਲਓ ''ਤੇ ਉਨ੍ਹਾਂ ਨੂੰ 10 ਮਿੰਟ ਤੱਕ ਭਿਉਂ ਕੇ ਰੱਖੋ।
- ਹੁਣ ਕੜਾਹੀ ''ਚ ਘਿਓ ਪਾ ਕੇ ਗੈਸ ਘੱਟ ਕਰਕੇ ਗਰਮ ਕਰੋ, ਫਿਰ ਇਸ ''ਚ ਇਲਾਇਚੀ, ਅੱਧਾ ਕੱਪ ਪਾਣੀ ''ਤੇ ਦੁੱਧ ਪਾਓ।
- ਦੁੱਧ ਨੂੰ ਉਭਾਲ ਆਉਂਣ ਤੋਂ ਬਾਅਦ ਇਸ ''ਚ ਚੌਲ ਪਾ ਕੇ 20 ਮਿੰਟ ਤੱਕ ਘੱਟ ਗੈਸ ''ਤੇ ਵੱਡੇ ਚਮਚ ਨਾਲ ਹਲਾਉਂਦੇ ਹੋਏ ਪਕਾਓ, ਧਿਆਨ ਰੱਖੋ ਚੌਲ ਬਰਤਨ ਨਾਲ ਨਾ ਚਿਪਕਣ।
- ਹੁਣ ਇਸ ''ਚ ਚੈਜ਼ੀ, ਬਦਾਮ ''ਤੇ ਕਾਜੂ ਪਾਓ ''ਤੇ 8 ਤੋਂ 10 ਮਿੰਟ ਘੱਟ ਗੈਸ ''ਤੇ ਪਕਾਓ ਫਿਰ ਇਸ ''ਚ ਗੁੜ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ ''ਤੇ 1-2 ਮਿੰਟ ਤਕ ਪਕਾ ਕੇ ਗੈਸ ਬੰਦ ਕਰ ਦਿਓ।
- ਗੁੜਵਾਲੀ ਚੌਲਾਂ ਦੀ ਖੀਰ ਤਿਆਰ ਹੈ।
ਮੇਵਿਆ ਨਾਲ ਇਸ ਨੂੰ ਸਜਾ ਕੇ ਗਰਮਾ-ਗਰਮ ਖਾਓ ਜਾਂ ਫਿਰ ਫਰਿਜ਼ ''ਚ ਠੰਡਾ ਕਰੋ
ਧਿਆਨ ਦਿਓ
- ਖੀਰ ਬਣਾਉਂਣ ਸਮੇਂ ਗੁੜ ਹਮੇਸ਼ਾ ਬਾਅਦ ''ਚ ਪਾਓ ਅਤੇ 1 ਤੋਂ 2 ਮਿੰਟ  ਪਕਾ ਕੇ ਗੈਸ ਬੰਦ ਕਰ ਦਿਓ।
-ਗੁੜ ਜਲਦੀ ਮਿਕਸ ਹੋ ਜਾਵੇ ਇਸ ਲਈ ਇਸ ਦੇ ਛੋਟੇ-ਛੋਟੇ ਟੁਕੜੇ ਕਰ ਲਓ।
ਜੇਕਰ ਖੀਰ ''ਚ ਕੇਸਰ ਦਾ ਰੰਗ ਚਾਹੁੰਦੇ ਹੋ ਤਾਂ ਅੱਧੀ ਕੌਲੀ ਹਲਕੇ ਗਰਮ ਦੁੱਧ ''ਚ ਕੇਸਰ ਨੂੰ ਭਿਓ ਕੇ ਰੱਖ ਦਿਓ,ਫਿਰ ਖੀਰ ''ਚ ਪਾ ਦਿਓ।
-ਜੇਕਰ ਪੁਰਾਣੇ ਚਾਵਲ ਇਸਤੇਮਾਲ ਕਰੋਗੇ ਤਾਂ ਖੀਰ ਹੋਰ ਵਧੀਆ ਬਣੇਗੀ।