Job ਇੰਟਰਵਿਊ 'ਚ ਨਹੀਂ ਆ ਰਹੀ ਕਾਲ? ਅਪਣਾਓ ਇਹ 30 ਸੈਕਿੰਡ ਵਾਲੀ ਖਾਸ ਰਣਨੀਤੀ

ਨਵੀਂ ਦਿੱਲੀ: ਅੱਜ ਦੇ ਮੁਕਾਬਲੇਬਾਜ਼ੀ ਵਾਲੇ ਦੌਰ 'ਚ ਬਹੁਤ ਸਾਰੇ ਨੌਜਵਾਨ ਕਈ ਕੰਪਨੀਆਂ 'ਚ ਨੌਕਰੀ ਲਈ ਅਪਲਾਈ ਕਰਦੇ ਹਨ, ਪਰ ਇੰਟਰਵਿਊ ਦੇਣ ਦੇ ਬਾਵਜੂਦ ਉਨ੍ਹਾਂ ਨੂੰ ਅਕਸਰ ਦੁਬਾਰਾ ਕਾਲ ਨਹੀਂ ਆਉਂਦੀ। ਨੌਕਰੀ ਦੀ ਭਾਲ ਕਰ ਰਹੇ ਇੱਕ ਨੌਜਵਾਨ ਨੇ ਰੈਡਿਟ (Reddit) 'ਤੇ ਆਪਣਾ ਅਨੁਭਵ ਸਾਂਝਾ ਕਰਦੇ ਹੋਏ ਦੱਸਿਆ ਹੈ ਕਿ ਕਿਵੇਂ ਇੱਕ ਛੋਟੀ ਜਿਹੀ ਤਬਦੀਲੀ ਨਾਲ ਉਸ ਨੂੰ ਦੂਜੇ ਰਾਊਂਡ ਲਈ ਆਉਣ ਵਾਲੀਆਂ ਕਾਲਾਂ 'ਚ ਤਿੰਨ ਗੁਣਾ ਵਾਧਾ ਮਿਲਿਆ ਹੈ।

ਰਟੇ-ਰਟਾਏ ਜਵਾਬਾਂ ਤੋਂ ਬਚੋ
ਅਕਸਰ ਉਮੀਦਵਾਰ 'ਆਪਣੇ ਬਾਰੇ ਕੁਝ ਦੱਸੋ' (Tell me about yourself) ਵਰਗੇ ਸਵਾਲਾਂ ਲਈ ਲੰਬੀਆਂ ਸਕ੍ਰਿਪਟਾਂ ਰਟਦੇ ਹਨ ਤਾਂ ਜੋ ਇੰਟਰਵਿਊਰ ਨੂੰ ਪ੍ਰਭਾਵਿਤ ਕੀਤਾ ਜਾ ਸਕੇ। ਪਰ ਇਹ ਰਟੇ-ਰਟਾਏ ਜਵਾਬ ਅਕਸਰ ਰੁਕਾਵਟ ਬਣ ਜਾਂਦੇ ਹਨ ਕਿਉਂਕਿ ਇੰਟਰਵਿਊ ਲੈਣ ਵਾਲੇ ਦਿਨ ਭਰ ਵਿੱਚ ਸੈਂਕੜੇ ਉਮੀਦਵਾਰਾਂ ਨੂੰ ਮਿਲਦੇ ਹਨ ਅਤੇ ਇੱਕੋ ਜਿਹੀਆਂ ਗੱਲਾਂ ਸੁਣ ਕੇ ਬੋਰ ਹੋ ਜਾਂਦੇ ਹਨ। ਜਦੋਂ ਕੋਈ ਉਮੀਦਵਾਰ ਲੰਬੀ ਅਤੇ ਬੋਰਿੰਗ ਜਾਣ-ਪਛਾਣ ਦਿੰਦਾ ਹੈ ਤਾਂ ਇੰਟਰਵਿਊਰ ਦਾ ਧਿਆਨ ਭਟਕਣ ਲੱਗਦਾ ਹੈ।

30 ਸੈਕਿੰਡ ਦਾ ਫਾਰਮੂਲਾ
ਇਸ ਉਮੀਦਵਾਰ ਨੇ ਆਪਣੀ ਯੋਜਨਾ ਵਿੱਚ ਬਦਲਾਅ ਕਰਦਿਆਂ ਆਪਣੀ 1.5 ਮਿੰਟ ਦੀ ਲੰਬੀ ਜਾਣ-ਪਛਾਣ ਨੂੰ ਘਟਾ ਕੇ ਮਹਿਜ਼ 30 ਸੈਕਿੰਡ ਦਾ ਕਰ ਦਿੱਤਾ। ਉਸ ਨੇ ਆਪਣੇ ਜਵਾਬ ਨੂੰ ਛੋਟਾ, ਸਹੀ ਅਤੇ ਥੋੜ੍ਹਾ ਜਿਹਾ ਉਤਸੁਕਤਾ ਵਾਲਾ ਰੱਖਿਆ ਤਾਂ ਜੋ ਇੰਟਰਵਿਊਰ ਦੇ ਮਨ 'ਚ ਅਗਲਾ ਸਵਾਲ ਪੁੱਛਣ ਦੀ ਜਿਗਿਆਸਾ ਪੈਦਾ ਹੋਵੇ।

ਅਸਲੀ 'ਮਾਸਟਰਸਟ੍ਰੋਕ' - ਗੱਲਬਾਤ ਨੂੰ ਦੋ-ਤਰਫਾ ਬਣਾਉਣਾ
ਇਸ ਰਣਨੀਤੀ ਦਾ ਸਭ ਤੋਂ ਅਹਿਮ ਹਿੱਸਾ ਇਹ ਸੀ ਕਿ ਜਾਣ-ਪਛਾਣ ਖਤਮ ਕਰਨ ਤੋਂ ਤੁਰੰਤ ਬਾਅਦ ਉਮੀਦਵਾਰ ਨੇ ਚੁੱਪ ਹੋਣ ਦੀ ਬਜਾਏ ਕੰਪਨੀ ਜਾਂ ਟੀਮ ਨਾਲ ਜੁੜਿਆ ਇੱਕ ਸੂਝਵਾਨ ਸਵਾਲ ਪੁੱਛ ਲਿਆ। ਇਸ ਨਾਲ ਇੰਟਰਵਿਊ ਦਾ ਮਾਹੌਲ ਪੂਰੀ ਤਰ੍ਹਾਂ ਬਦਲ ਗਿਆ ਅਤੇ ਇਹ ਇੱਕ ਤਰਫਾ ਸਵਾਲ-ਜਵਾਬ ਦੀ ਬਜਾਏ ਇੱਕ ਆਮ ਗੱਲਬਾਤ ਵਾਂਗ ਮਹਿਸੂਸ ਹੋਣ ਲੱਗਾ।

ਇਸ ਛੋਟੇ ਜਿਹੇ ਬਦਲਾਅ ਦਾ ਜਾਦੂ ਅਜਿਹਾ ਚੱਲਿਆ ਕਿ ਸਿਰਫ ਦੋ ਮਹੀਨਿਆਂ ਦੇ ਅੰਦਰ ਉਸ ਨੂੰ ਪਹਿਲਾਂ ਦੇ ਮੁਕਾਬਲੇ ਤਿੰਨ ਗੁਣਾ ਜ਼ਿਆਦਾ ਕਾਲ-ਬੈਕਸ ਮਿਲੇ। ਮਾਹਿਰਾਂ ਅਨੁਸਾਰ, ਇੰਟਰਵਿਊ 'ਚ ਰੋਬੋਟ ਬਣਨ ਦੀ ਬਜਾਏ ਇੱਕ ਇਨਸਾਨ ਦੀ ਤਰ੍ਹਾਂ ਗੱਲ ਕਰਨ ਦੀ ਕਲਾ ਹੀ ਤੁਹਾਨੂੰ ਭੀੜ ਤੋਂ ਵੱਖ ਕਰਦੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e