Cafe ਜਾਣਾ ਭੁੱਲ ਜਾਓਗੇ! ਹੁਣ ਘਰ ''ਚ ਹੀ ਮਿੰਟਾਂ ''ਚ ਤਿਆਰ ਕਰੋ ਰੈਸਟੋਰੈਂਟ ਵਰਗੀ ''Cold coffee''

ਵੈੱਬ ਡੈਸਕ - ਗਰਮੀ ਦਾ ਮੌਸਮ ਦਸਤਕ ਦੇ ਰਿਹਾ ਹੈ ਅਤੇ ਅਜਿਹੇ 'ਚ ਕੁਝ ਠੰਡਾ ਅਤੇ ਤਾਜ਼ਗੀ ਭਰਪੂਰ ਪੀਣ ਦਾ ਮਨ ਹਰ ਕਿਸੇ ਦਾ ਹੁੰਦਾ ਹੈ। 'ਕੋਲਡ ਕਾਫੀ' ਗਰਮੀਆਂ ਦਾ ਸਭ ਤੋਂ ਪਸੰਦੀਦਾ ਡਰਿੰਕ ਹੈ ਪਰ ਅਕਸਰ ਲੋਕਾਂ ਨੂੰ ਸ਼ਿਕਾਇਤ ਹੁੰਦੀ ਹੈ ਕਿ ਘਰ 'ਚ ਉਹ ਬਾਜ਼ਾਰ ਵਰਗੀ ਗਾੜ੍ਹੀ ਅਤੇ ਝੱਗ ਵਾਲੀ ਕਾਫੀ ਨਹੀਂ ਬਣਦੀ ਪਰ ਹੁਣ ਚਿੰਤਾ ਦੀ ਕੋਈ ਗੱਲ ਨਹੀਂ! ਅੱਜ ਅਸੀਂ ਤੁਹਾਡੇ ਨਾਲ ਸਾਂਝੀ ਕਰ ਰਹੇ ਹਾਂ ਇੱਕ ਅਜਿਹੀ ਸੀਕ੍ਰੇਟ ਰੈਸਿਪੀ, ਜਿਸ ਨਾਲ ਤੁਸੀਂ ਮਿੰਟਾਂ 'ਚ ਰੈਸਟੋਰੈਂਟ ਵਰਗੀ ਕ੍ਰੀਮੀ ਕਾਫੀ ਘਰ 'ਚ ਹੀ ਤਿਆਰ ਕਰ ਸਕਦੇ ਹੋ।

ਸਮੱਗਰੀ ਜੋ ਤੁਹਾਨੂੰ ਚਾਹੀਦੀ ਹੈ :-

ਠੰਡਾ ਦੁੱਧ : 2 ਗਲਾਸ (ਫੁੱਲ ਕ੍ਰੀਮ ਹੋਵੇ ਤਾਂ ਬਿਹਤਰ)
ਕਾਫੀ ਪਾਊਡਰ : 2 ਵੱਡੇ ਚਮਚ
ਚੀਨੀ : 3 ਚਮਚ (ਸਵਾਦ ਅਨੁਸਾਰ)
ਗਰਮ ਪਾਣੀ : 2 ਚਮਚ
ਬਰਫ਼ ਦੇ ਟੁਕੜੇ : 4-5
ਵਨੀਲਾ ਆਈਸਕ੍ਰੀਮ : 1 ਸਕੂਪ (ਵਿਕਲਪਿਕ, ਵਾਧੂ ਕ੍ਰੀਮੀ ਟੈਕਸਚਰ ਲਈ)

ਬਣਾਉਣ ਦੀ ਬੇਹੱਦ ਆਸਾਨ ਵਿਧੀ :-

- ਸਭ ਤੋਂ ਪਹਿਲਾਂ ਇਕ ਕੱਪ 'ਚ ਕਾਫੀ ਅਤੇ ਚੀਨੀ ਪਾਓ। ਇਸ 'ਚ 2 ਚਮਚ ਗਰਮ ਪਾਣੀ ਪਾ ਕੇ ਇਸ ਨੂੰ ਚੰਗੀ ਤਰ੍ਹਾਂ ਘੋਲ ਲਓ।
- ਹੁਣ ਇਕ ਮਿਕਸੀ ਜਾਰ ਵਿੱਚ ਠੰਡਾ ਦੁੱਧ, ਤਿਆਰ ਕੀਤਾ ਕਾਫੀ ਘੋਲ ਅਤੇ ਬਰਫ਼ ਦੇ ਟੁਕੜੇ ਪਾਓ।
- ਮਿਕਸੀ ਨੂੰ 1 ਤੋਂ 2 ਮਿੰਟ ਲਈ ਲਗਾਤਾਰ ਚਲਾਓ। ਤੇਜ਼ ਸਪੀਡ 'ਤੇ ਬਲੈਂਡ ਕਰਨ ਨਾਲ ਕਾਫੀ ਦੇ ਉੱਪਰ ਬਹੁਤ ਹੀ ਵਧੀਆ ਅਤੇ ਗਾੜ੍ਹੀ ਝੱਗ ਬਣ ਜਾਵੇਗੀ।
- ਇਕ ਕੱਚ ਦੇ ਗਲਾਸ ਨੂੰ ਚਾਕਲੇਟ ਸਿਰਪ ਨਾਲ ਸਜਾਓ ਅਤੇ ਤਿਆਰ ਕਾਫੀ ਨੂੰ ਇਸ 'ਚ ਪਾਓ। ਉੱਪਰੋਂ ਬਚੀ ਹੋਈ ਝੱਗ ਪਾ ਕੇ ਥੋੜ੍ਹਾ ਜਿਹਾ ਕਾਫੀ ਪਾਊਡਰ ਛਿੜਕ ਦਿਓ।

ਜੇਕਰ ਤੁਸੀਂ ਕਾਫੀ ਨੂੰ ਹੋਰ ਵੀ ਸ਼ਾਨਦਾਰ ਬਣਾਉਣਾ ਚਾਹੁੰਦੇ ਹੋ, ਤਾਂ ਸਰਵ ਕਰਦੇ ਸਮੇਂ ਉੱਪਰੋਂ ਇਕ ਚਮਚ ਵਨੀਲਾ ਆਈਸਕ੍ਰੀਮ ਜਾਂ ਚਾਕਲੇਟ ਚਿਪਸ  ਜ਼ਰੂਰ ਪਾਓ।