Cooking Tips: ਘਰ ਦੀ ਰਸੋਈ ’ਚ ਇੰਝ ਬਣਾਓ ਵੇਸਣ ਦੇ ਲੱਡੂ
03/10/2021 10:01:29 AM
ਨਵੀਂ ਦਿੱਲੀ: ਮਠਿਆਈ ਖਾਣੀ ਸਭ ਨੂੰ ਪਸੰਦ ਹੁੰਦੀ ਹੈ। ਇਨ੍ਹਾਂ ’ਚੋਂ ਇਕ ਖ਼ਾਸ ਚੀਜ਼ ਹੈ ਵੇਸਣ ਦੇ ਲੱਡੂ। ਇਹ ਬੱਚਿਆਂ ਤੋਂ ਲੈ ਕੇ ਬਜ਼ੁਰਗ ਤੱਕ ਸਭ ਨੂੰ ਖਾਣ ’ਚ ਚੰਗੇ ਲੱਗਦੇ ਹਨ। ਅੱਜ ਅਸੀਂ ਤੁਹਾਨੂੰ ਬਾਜ਼ਾਰ ਤੋਂ ਨਹੀਂ ਸਗੋਂ ਘਰ ’ਚ ਵੀ ਵੇਸਣ ਦੇ ਲੱਡੂ ਬਣਾਉਣ ਦੀ ਵਿਧੀ ਦੱਸਣ ਜਾ ਰਹੇ ਹਨ। ਵੇਸਣ ਦੇ ਲੱਡੂ ਤੁਸੀਂ ਘਰ ’ਚ ਆਏ ਮਹਿਮਾਨਾਂ ਨੂੰ ਵੀ ਬਣਾ ਕੇ ਖੁਆ ਸਕਦੇ ਹੋ।
ਇਹ ਵੀ ਪੜ੍ਹੋ:Beauty Tips: ਚਿਹਰੇ ਨੂੰ ਚਮਕਦਾਰ ਬਣਾਉਣ ਲਈ ਚੌਲ਼ਾਂ ਦੇ ਆਟੇ 'ਚ ਮਿਲਾ ਕੇ ਲਗਾਓ ਇਹ ਵਸਤੂਆਂ
ਸਮੱਗਰੀ
ਵੇਸਣ- 2 ਕੱਪ
ਖੰਡ- 1 ਕੱਪ
ਘਿਓ- 1/2 ਕੱਪ
ਬਦਾਮ- 4 ਚਮਚੇ (ਕੱਟੇ ਹੋਏ)
ਸੌਗੀਆਂ- 12
ਇਲਾਇਚੀ ਪਾਊਡਰ- 1 ਚਮਚਾ
ਬਣਾਉਣ ਦੀ ਵਿਧੀ
ਇਹ ਵੀ ਪੜ੍ਹੋ:Beauty Tips: ਚਿਹਰੇ ਦੀ ਖ਼ੂਬਸੂਰਤੀ ਵਧਾਉਣ ਦੇ ਨਾਲ-ਨਾਲ ਵਾਲ਼ਾਂ ਲਈ ਵੀ ਲਾਹੇਵੰਦ ਹੈ ਗੁਲਾਬ ਜਲ
1. ਵੇਸਣ ਸੂਜੀ ਦੀ ਤਰ੍ਹਾਂ ਹੋਣਾ ਚਾਹੀਦਾ ਹੈ। ਜੇਕਰ ਵੇਸਣ ਅਜਿਹਾ ਨਹੀਂ ਹੈ ਤਾਂ ਇਸ 'ਚ ਥੋੜੀ ਜਿਹੀ ਸੂਜੀ ਮਿਲਾ ਲਓ ਅਤੇ ਇਨ੍ਹਾਂ ਨੂੰ ਮਿਲਾ ਕੇ ਭੁੰਨ ਲਓ।
2. ਹੁਣ ਕੜਾਹੀ 'ਚ ਇਕ ਚਮਚ ਘਿਓ ਪਾ ਕੇ ਬਾਦਾਮ ਅਤੇ ਸੌਗੀ ਭੁੰਨ੍ਹ ਕੇ ਬਾਹਰ ਕੱਢ ਲਓ।
3. ਹੁਣ ਵੇਸਣ 'ਚ ਘਿਓ ਮਿਲਾ ਕੇ ਗੈਸ 'ਤੇ ਰੱਖ ਦਿਓ ਅਤੇ ਵੇਸਣ ਨੂੰ ਚੰਗੀ ਤਰ੍ਹਾਂ ਨਾਲ ਭੁੰਨੋ ।
4. ਫਿਰ ਇਸ 'ਚ ਇਲਾਇਚੀ ਪਾਊਡਰ, ਬਦਾਮ, ਸੌਗੀ ਅਤੇ ਪੀਸੀ ਹੋਈ ਖੰਡ ਮਿਲਾ ਕੇ ਚੰਗੀ ਤਰ੍ਹਾਂ ਹਿਲਓ।
5. ਹੁਣ ਇਸ ਮਿਸ਼ਰਣ ਦੇ ਗੋਲ-ਗੋਲ ਲੱਡੂ ਬਣਾ ਲਓ ਅਤੇ ਘਰ 'ਚ ਆਏ ਮਹਿਮਾਨਾਂ ਨੂੰ ਅਤੇ ਬੱਚਿਆਂ ਨੂੰ ਖਵਾਓ।
ਨੋਟ: ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਬਾਕਸ ’ਚ ਦਿਓ।
