Beauty Tips: ਇਨ੍ਹਾਂ ਗਲਤੀਆਂ ਦੇ ਕਾਰਨ ਝੜਨੇ ਸ਼ੁਰੂ ਹੋ ਜਾਂਦੇ ਹਨ ਤੁਹਾਡੇ ‘ਵਾਲ’

ਜਲੰਧਰ (ਬਿਊਰੋ) - ਬਹੁਤ ਸਾਰੇ ਲੋਕ ਅਜਿਹੇ ਹਨ, ਜੋ ਵਾਲਾਂ ਦੀ ਸਮੱਸਿਆ ਤੋਂ ਪਰੇਸ਼ਾਨ ਰਹਿੰਦੇ ਹਨ। ਕੋਈ ਵਾਲਾਂ ਦੇ ਝੜਨ ਕਾਰਨ ਪਰੇਸ਼ਾਨ ਹੈ, ਕੋਈ ਚਿੱਟੇ ਵਾਲ ਹੋ ਜਾਣ ਤੋਂ ਅਤੇ ਕੋਈ ਪਤਲੇ ਵਾਲ ਹੋਣ ਤੋਂ। ਅੱਜ ਕੱਲ ਵਾਲਾਂ ਦਾ ਪਤਲਾ ਹੋ ਜਾਣਾ ਵੀ ਇਕ ਨਵੀਂ ਸਮੱਸਿਆ ਬਣ ਰਹੀ ਹੈ। ਹਰ ਕੋਈ ਚਾਹੁੰਦਾ ਹੈ ਕਿ ਉਸ ਦੇ ਵਾਲ ਲੰਬੇ, ਸੰਘਣੇ, ਚਮਕਦਾਰ ਅਤੇ ਸਿਹਤਮੰਦ ਹੋਣ ਪਰ ਅਜਿਹਾ ਸਭ ਕੁਝ ਸਾਡੀਆਂ ਆਪਣੀਆਂ ਗਲਤੀਆਂ ਕਾਰਨ ਸੰਭਵ ਨਹੀਂ ਹੁੰਦਾ। ਚੰਗੀ ਖੁਰਾਕ ਦੇ ਨਾਲ-ਨਾਲ ਵਾਲਾਂ ਦੀ ਚੰਗੀ ਦੇਖਭਾਲ ਕਰਨਾ ਵੀ ਬਹੁਤ ਜ਼ਰੂਰੀ ਹੈ। ਇਸੇ ਲਈ ਅੱਜ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਸਾਨੂੰ ਮਜਬੂਤ ਅਤੇ ਕਾਲੇ ਵਾਲਾਂ ਲਈ ਕਿਸ ਕਿਸਮ ਦੀਆਂ ਗਲਤੀਆਂ ਕਦੇ ਨਹੀਂ ਕਰਨੀਆਂ ਚਾਹੀਦੀਆਂ...

1. ਵਾਲ ਗੰਦੇ ਨਾ ਹੋਣ ਦਿਓ
ਚਮੜੀ ਮਾਹਰ ਅਨੁਸਾਰ, ਜਿਵੇਂ ਵਾਲਾਂ ਵਿਚ ਤੇਲ ਦਿਖਾਈ ਦੇਣ ਲੱਗਦਾ ਹੈ, ਉਨ੍ਹਾਂ ਨੂੰ ਧੋਣਾ ਜ਼ਰੂਰੀ ਹੋ ਜਾਂਦਾ ਹੈ। ਸਿਰ ਨੂੰ ਸਾਫ ਰੱਖਣ ਨਾਲ ਸਿਕਰੀ ਨਹੀਂ ਹੁੰਦੀ ਅਤੇ ਵਾਲ ਵੱਧਦੇ ਹਨ। ਵਾਲਾਂ ਨੂੰ ਹਫਤੇ ਵਿਚ ਦੋ ਵਾਰ ਹਲਕੇ ਸ਼ੈਂਪੂ ਨਾਲ ਧੋਣਾ ਚਾਹੀਦਾ ਹੈ। 

2. ਨੁਕਸਾਨਦੇਹ ਰਸਾਇਣਾਂ ਵਾਲੇ ਸ਼ੈਂਪੂ ਦੀ ਵਰਤੋਂ ਨਾ ਕਰੋ
ਵਾਲਾਂ ਨੂੰ ਬਹੁਤ ਜ਼ਿਆਦਾ ਸ਼ੈਂਪੂ ਕਰਨ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ। ਇਸ ਨਾਲ ਵਾਲਾਂ ਦਾ ਨੁਕਸਾਨ ਹੁੰਦਾ ਹੈ। ਸ਼ੈਂਪੂ ਦੀ ਚੋਣ ਕਰਨ ਲੱਗੇ ਵੀ ਖਾਸ ਧਿਆਨ ਰੱਖਣਾ ਚਾਹੀਦਾ ਹੈ। ਸਲਫੇਟ ਵਾਲੇ ਜਾਂ ਨੁਕਸਾਨਦੇਹ ਰਸਾਇਣਾਂ ਵਾਲੇ ਸ਼ੈਂਪੂ ਦੀ ਵਰਤੋਂ ਨਹੀਂ ਕਰਨੀ ਚਾਹੀਦੀ।

3. ਤੇਲ ਲਗਾਉਣ ਵੇਲੇ ਧਿਆਨ ਰੱਖੋ
ਵਾਲਾਂ ਦੇ ਪਾਲਣ ਪੋਸ਼ਣ ਲਈ ਵਾਲਾਂ 'ਤੇ ਤੇਲ ਲਗਾਉਣਾ ਬਹੁਤ ਮਹੱਤਵਪੂਰਨ ਹੈ। ਪਰ ਇਸ ਦਾ ਮਤਲਬ ਇਹ ਨਹੀਂ ਕਿ ਤੁਸੀਂ ਹਮੇਸ਼ਾ ਵਾਲਾਂ ਨੂੰ ਤੇਲ ਵਿਚ ਰੱਖੋ। ਵਧੇਰੇ ਤੇਲ ਲਗਾਉਣ ਨਾਲ ਸਿਰ ਦੀ ਚਮੜੀ ਦੇ ਛੇਕ ਬੰਦ ਹੋ ਜਾਂਦੇ ਹਨ, ਕਿਉਂਕਿ ਸਿਰ ਦੀ ਚਮੜੀ ਵਿਚੋਂ ਤੇਲ ਬਾਹਰ ਆਉਂਦਾ ਹੈ। ਖੋਪੜੀ ਦੀ ਚਮੜੀ 'ਤੇ ਤੇਲ ਲਾਉਣ ਦੀ ਥਾਂ ਵਾਲਾਂ 'ਤੇ ਤੇਲ ਲਗਾਉਣਾ ਵਧੇਰੇ ਸਹੀ ਹੈ।

ਪੜ੍ਹੋ ਇਹ ਵੀ ਖਬਰ - ਚਿਹਰੇ ਦੀਆਂ ਛਾਈਆਂ ਦੇ ਨਾਲ-ਨਾਲ ਇਨ੍ਹਾਂ ਬੀਮਾਰੀਆਂ ਨੂੰ ਦੂਰ ਕਰਦੈ ‘ਪੁਦੀਨਾ’, ਜਾਣੋ ਹੋਰ ਵੀ ਫਾਇਦੇ

4. ਰਸਾਇਣਕ ਉਤਪਾਦਾਂ ਦੀ ਵਰਤੋਂ ਤੋਂ ਪਰਹੇਜ਼ ਕਰੋ
ਵਾਲਾਂ ਦੀ ਸਟਾਈਲਿੰਗ ਲਈ ਵਰਤੀਆਂ ਜਾਂਦੀਆਂ ਸਪਰੇਅ ਅਤੇ ਹੋਰ ਰਸਾਇਣ ਵਾਲਾਂ ਨੂੰ ਵਿਗਾੜਦੇ ਹਨ। ਇਹ ਵਾਲਾਂ ਦੀਆਂ ਜੜ੍ਹਾਂ ਨੂੰ ਕਮਜ਼ੋਰ ਬਣਾ ਦਿੰਦੇ ਹਨ, ਜਿਸ ਨਾਲ ਵਾਲ ਟੁੱਟਣ ਵਰਗੀਆਂ ਸਮੱਸਿਆਵਾਂ ਹੋ ਜਾਂਦੀਆਂ ਹਨ। ਇਕ ਹੇਅਰ ਸਟਾਈਲ ਬਣਾਉਣ ਲਈ ਘਰ ਵਿਚ ਇਕ ਪੈਕ ਜਾਂ ਮਾਸਕ ਬਣਾਓ।

ਪੜ੍ਹੋ ਇਹ ਵੀ ਖਬਰ - ਗੁੱਸੇ ਅਤੇ ਸ਼ੱਕੀ ਸੁਭਾਅ ਦੇ ਹੁੰਦੇ ਹਨ ਇਸ ਅੱਖਰ ਵਾਲੇ ਲੋਕ, ਜਾਣੋ ਇਨ੍ਹਾਂ ਦੀਆਂ ਹੋਰ ਵੀ ਖਾਸ ਗੱਲਾਂ

5. ਬਹੁਤ ਜ਼ਿਆਦਾ ਰੰਗ ਕਰਨਾ
ਵਾਲਾਂ ਨੂੰ ਰੰਗਣ ਅਤੇ ਬਲੀਚ ਕਰਨ ਤੋਂ ਪਰਹੇਜ਼ ਕਰੋ। ਇਨ੍ਹਾਂ ਦੀ ਨਿਯਮਤ ਵਰਤੋਂ ਕਰਨ ਨਾਲ ਵਾਲ ਸੁੱਕੇ ਅਤੇ ਕਮਜ਼ੋਰ ਹੋ ਜਾਂਦੇ ਹਨ। ਜਿਸ ਨਾਲ ਵਾਲ ਪਤਲੇ ਹੋ ਜਾਂਦੇ ਹਨ। ਵਾਲਾਂ ਨੂੰ ਰੰਗ ਕਰਨ ਲਈ ਕੁਦਰਤੀ ਮਹਿੰਦੀ ਦੀ ਵਰਤੋਂ ਕਰੋ।

ਪੜ੍ਹੋ ਇਹ ਵੀ ਖਬਰ - Navratri 2020: ਨਰਾਤਿਆਂ ’ਚ ਭੁੱਲ ਕੇ ਵੀ ਨਾ ਕਰੋ ਇਹ ਕੰਮ, ਹੋ ਸਕਦਾ ਹੈ ਨੁਕਸਾਨ

6. ਗਿੱਲੇ ਵਾਲਾਂ ਨੂੰ ਕੰਘੀ ਨਾ ਕਰੋ
ਜਲਦਬਾਜ਼ੀ ਵਿਚ ਜ਼ਿਆਦਾਤਰ ਔਰਤਾਂ ਅਤੇ ਕੁੜੀਆਂ ਗਿੱਲੇ ਵਾਲਾਂ ਵਿਚ ਕੰਘੀ ਕਰਨ ਦੀ ਗਲਤੀ ਕਰਦੀਆਂ ਹਨ। ਅਜਿਹਾ ਕਰਨ ਤੋਂ ਪਰਹੇਜ਼ ਕਰੋ। ਜੇ ਵਾਲ ਗਿੱਲੇ ਹਨ, ਤਾਂ ਉਨ੍ਹਾਂ ਨੂੰ ਉਂਗਲੀਆਂ ਦੀ ਮਦਦ ਨਾਲ ਸੁਲਝਾਓ ਅਤੇ ਵਾਲਾਂ ਦੇ ਸੁੱਕਣ ‘ਤੇ ਹੀ ਕੰਘੀ ਕਰੋ।

ਪੜ੍ਹੋ ਇਹ ਵੀ ਖਬਰ - Beauty Tips : ਸਮੇਂ ਤੋਂ ਪਹਿਲਾਂ ‘ਚਿੱਟੇ’ ਹੋ ਰਹੇ ‘ਵਾਲਾਂ’ ਨੂੰ ਇਨ੍ਹਾਂ ਤਰੀਕਿਆਂ ਨਾਲ ਕਰੋ ਮੁੜ ਤੋਂ ‘ਕਾਲਾ’

7. ਹੇਅਰ ਡ੍ਰਾਇਅਰ ਦੀ ਵਰਤੋਂ ਕਰਨਾ
ਕਈ ਵਾਰ ਹੇਅਰ ਡ੍ਰਾਇਅਰ ਦੀ ਵਰਤੋਂ ਕਰਨਾ ਠੀਕ ਹੁੰਦਾ ਹੈ ਪਰ ਇਸ ਦੀ ਰੋਜ਼ਾਨਾ ਵਰਤੋਂ ਕਰਨ ਨਾਲ ਵਾਲਾਂ ਵਿਚ ਖੁਸ਼ਕੀ ਆਉਂਦੀ ਹੈ। ਇਸ ਲਈ ਇਸ ਦੀ ਵਰਤੋਂ ਘੱਟ ਤੋਂ ਘੱਟ ਕਰੋ।