ਤੀਜੇ ਵਿਆਹ ''ਚ ਪਹਿਲੀ ਪਤਨੀ ਨੇ ਲਿਆਂਦੀ ''ਹਨੇਰੀ'', ਲਾੜੇ ਨੇ ਟਰੱਕ ਹੇਠ ਲੁਕ ਬਚਾਈ ਜਾਨ (ਵੀਡੀਓ)

02/12/2020 2:57:52 PM

ਕਰਾਚੀ- ਪਾਕਿਸਤਾਨ ਦੇ ਇਕ ਸ਼ਖਸ ਨੂੰ ਚੋਰੀ ਤੀਜਾ ਵਿਆਹ ਕਰਨਾ ਭਾਰੀ ਪੈ ਗਿਆ। ਕਰਾਚੀ ਵਿਚ ਦੋ ਔਰਤਾਂ ਦੀ ਜ਼ਿੰਦਗੀ ਖਰਾਬ ਕਰ ਚੁੱਕਾ ਨੌਜਵਾਨ ਜਦੋਂ ਤੀਜਾ ਵਿਆਹ ਕਰਨ ਜਾ ਰਿਹਾ ਸੀ ਤਾਂ ਉਸ ਦੀ ਪਹਿਲੀ ਪਤਨੀ ਆਪਣੇ ਰਿਸ਼ਤੇਦਾਰਾਂ ਦੇ ਨਾਲ ਮੌਕੇ 'ਤੇ ਜਾ ਪਹੁੰਚੀ। ਇਸ ਤੋਂ ਬਾਅਦ ਉਸ ਨੇ ਜੋ ਹਨੇਰੀ ਲਿਆਂਦੀ ਉਸ ਨੂੰ ਲਾੜਾ ਸਾਰੀ ਜ਼ਿੰਦਗੀ ਭੁਲਾ ਨਹੀਂ ਸਕੇਗਾ।

PunjabKesari

ਐਕਸਪ੍ਰੈੱਸ ਟ੍ਰਿਬਿਊਨ ਮੁਤਾਬਕ ਕਰਾਚੀ ਦੇ ਇਕ ਮੈਰਿਜ ਹਾਲ ਵਿਚ ਇਕ ਵਿਆਹ ਨੂੰ ਗੈਰ-ਕਾਨੂੰਨੀ ਠਹਿਰਾਉਂਦੇ ਹੋਏ ਮਦੀਹਾ ਨਾਂ ਦੀ ਇਕ ਮਹਿਲਾ ਨੇ ਵਿਵਾਦ ਖੜ੍ਹਾ ਕਰ ਦਿੱਤਾ। ਆਪਣੇ ਬੱਚੇ ਦੇ ਨਾਲ ਮੈਰਿਜ ਹਾਲ ਪਹੁੰਚੀ ਮਹਿਲਾ ਨੇ ਦੱਸਿਆ ਕਿ ਵਿਆਹ ਵਾਲਾ ਲਾੜਾ ਆਸਿਫ ਰਫੀਕ ਉਸ ਦਾ ਪਤੀ ਹੈ। ਇਹ ਸੁਣਦੇ ਹੀ ਮਦੀਹਾ ਦੇ ਰਿਸ਼ਤੇਦਾਰਾਂ ਨੇ ਆਸਿਫ ਨੂੰ ਭਜਾ-ਭਜਾ ਕੇ ਕੁੱਟਣਾ ਸ਼ੁਰੂ ਕਰ ਦਿੱਤਾ। ਉਸ ਦੇ ਕੱਪੜੇ ਇਸ ਤਰ੍ਹਾਂ ਪਾੜ ਦਿੱਤੇ ਕਿ ਉਸ ਨੂੰ ਟੇਬਲ 'ਤੇ ਵਿਛੇ ਕੱਪੜੇ ਨਾਲ ਆਪਣਾ ਸਰੀਰ ਢੱਕਣਾ ਪਿਆ। ਮਦੀਹਾ ਨੇ ਦੱਸਿਆ ਕਿ ਉਹਨਾਂ ਦਾ ਵਿਆਹ ਸਾਲ 2014 ਵਿਚ ਹੋਇਆ ਸੀ ਤੇ ਉਹਨਾਂ ਦਾ ਇਕ ਬੇਟਾ ਵੀ ਹੈ। ਵਿਆਹ ਵਿਚ ਲਾੜੇ ਦੀਆਂ ਮੁਸ਼ਕਲਾਂ ਉਸ ਵੇਲੇ ਹੋਰ ਵਧ ਗਈਆਂ ਜਦੋਂ ਮਹਿਲਾ ਨੇ ਇਸ ਨੂੰ ਦੂਜਾ ਨਹੀਂ ਬਲਕੀ ਤੀਜਾ ਵਿਆਹ ਦੱਸਿਆ।

ਮਹਿਲਾ ਨੇ ਆਪਣੇ ਪਤੀ ਦੀ ਪੋਲ ਖੋਲ੍ਹਦੇ ਹੋਏ ਦੱਸਿਆ ਕਿ ਉਸ ਦੀ ਇਕ ਹੋਰ ਪਤਨੀ ਹੈ, ਜੋ ਜਿੰਨਾ ਯੂਨੀਵਰਸਿਟੀ ਵਿਚ ਕੰਮ ਕਰਦੀ ਹੈ। ਮਦੀਹਾ ਨੂੰ ਜਦੋਂ ਦੂਜੀ ਪਤਨੀ ਦੇ ਬਾਰੇ ਪਤਾ ਲੱਗਿਆ ਤਾਂ ਆਸਿਫ ਨੇ ਉਸ ਤੋਂ ਮੁਆਫੀ ਮੰਗੀ ਤੇ ਕਿਹਾ ਕਿ ਉਹ ਅਜੇ ਵੀ ਉਸ ਦੇ ਨਾਲ ਰਹੇਗਾ। ਪੀੜਤ ਮਹਿਲਾ ਨੇ ਆਸਿਫ ਦੀ ਦੂਜੀ ਪਤਨੀ ਨੂੰ ਵੀ ਉਸ ਦੀ ਕਰਤੂਤ ਦੇ ਬਾਰੇ ਵਿਚ ਦੱਸ ਦਿੱਤਾ। ਮਹਿਲਾ ਨੇ ਦੱਸਿਆ ਕਿ ਆਸਿਫ ਇਹ ਕਹਿ ਕੇ ਘਰੋਂ ਨਿਕਲਿਆ ਸੀ ਕਿ ਉਹ ਤਿੰਨ ਦਿਨ ਦੇ ਲਈ ਹੈਦਰਾਬਾਦ (ਪਾਕਿਸਤਾਨ) ਜਾ ਰਿਹਾ ਹੈ ਪਰ ਮਹਿਲਾ ਨੂੰ ਇਸ ਗੱਲ ਬਾਰੇ ਪਤਾ ਸੀ ਕਿ ਉਹ ਝੂਠ ਬੋਲ ਕੇ ਕਿਸੇ ਹੋਰ ਔਰਤ ਨਾਲ ਵਿਆਹ ਕਰਨ ਜਾ ਰਿਹਾ ਹੈ।

PunjabKesari

ਮਾਮਲਾ ਜਦੋਂ ਪੁਲਸ ਕੋਲ ਪਹੁੰਚਿਆ ਤਾਂ ਪੀੜਤ ਪੱਖ ਨੇ ਪੁਲਸ ਦੀ ਸੁਸਤ ਕਾਰਵਾਈ 'ਤੇ ਨਾਰਾਜ਼ਗੀ ਜਤਾਈ। ਮਦੀਹਾ ਨੇ ਦੋਸ਼ ਲਇਆ ਕਿ ਪੁਲਸ ਉਸ ਦੇ ਨਾਲ ਮੁਜਰਿਮਾਂ ਜਿਹਾ ਵਤੀਰਾ ਕਰਨ ਦੀ ਬਜਾਏ ਉਸ ਦਾ ਸਾਥ ਦੇ ਰਹੀ ਹੈ। ਪੁਲਸ ਨੇ ਮੀਡੀਆ ਨੂੰ ਵੀ ਥਾਣੇ ਦੇ ਅੰਦਰ ਦਾਖਲ ਨਹੀਂ ਹੋਣ ਦਿੱਤਾ। ਆਸਿਫ ਜਦੋਂ ਨਜ਼ਰ ਬਚਾ ਕੇ ਥਾਣੇ ਤੋਂ ਬਾਹਰ ਨਿਕਲਿਆ ਤਾਂ ਮਦੀਹਾ ਦੇ ਰਿਸ਼ਤੇਦਾਰਾਂ ਨੇ ਉਸ ਨੂੰ ਘੇਰ ਲਿਆ। ਇਸ ਤੋਂ ਬਾਅਦ ਆਸਿਫ ਦੌੜ ਕੇ ਇਕ ਟਰੱਕ ਦੇ ਹੇਠਾਂ ਜਾ ਕੇ ਲੁਕ ਗਿਆ। ਲੋਕਾਂ ਦੇ ਗੁੱਸੇ ਨੂੰ ਦੇਖ ਉਹ ਬਹੁਤ ਦੇਰ ਤੱਕ ਟਰੱਕ ਦੇ ਹੇਠਾਂ ਹੀ ਬੈਠਾ ਰਿਹਾ। ਇਸ ਤੋਂ ਬਾਅਦ ਪੁਲਸ ਭੀੜ ਤੋਂ ਬਚਾ ਕੇ ਉਸ ਨੂੰ ਆਪਣੇ ਨਾਲ ਲੈ ਗਈ। 


Baljit Singh

Content Editor

Related News