ਮਹਾਮਾਰੀ ਦੌਰਾਨ ਮੇਲਾਨੀਆ ਟਰੰਪ ਫਾਇਰ ਫਾਈਟਰਾਂ ਤੇ ਲੋੜਵੰਦਾਂ ਨੂੰ ਪਹੁੰਚਾ ਰਹੀ ਖਾਣਾ
07/21/2020 10:13:24 AM
![](https://static.jagbani.com/multimedia/2020_7image_10_11_141279121melania.jpg)
ਵਾਸ਼ਿੰਗਟਨ (ਬਿਊਰੋ): ਕੋਰੋਨਾਵਾਇਰਸ ਮਹਾਮਾਰੀ ਦੌਰਾਨ ਦੁਪਹਿਰ ਦੇ ਭੋਜਨ ਦੇ ਖਾਣੇ ਦੀ ਜ਼ਿੰਮੇਵਾਰੀ ਅਮਰੀਕਾ ਦੀ ਪ੍ਰਥਮ ਮਹਿਲਾ ਮੇਲਾਨੀਆ ਟਰੰਪ 'ਤੇ ਹੈ। ਅਮਰੀਕਾ ਦੀ ਰਾਜਧਾਨੀ ਵਾਸ਼ਿੰਗਟਨ ਡੀ.ਸੀ. ਵਿਚ ਵ੍ਹਾਈਟ ਹਾਊਸ ਨੇ ਦੁਪਹਿਰ ਦਾ ਖਾਣਾ ਦਿੱਤਾ ਅਤੇ ਲੋੜਵੰਦ ਲੋਕਾਂ ਨੂੰ ਮਦਦ ਕਰਨ ਦਾ ਭਰੋਸਾ ਦਿਵਾਇਆ। ਪਹਿਲੀ ਵਾਰ ਮਾਸਕ ਪਹਿਨੇ ਜਨਤਕ ਸਥਾਨ 'ਤੇ ਮੇਲਾਨੀਆ ਟਰੰਪ ਨੇ ਆਪਣੇ ਹੱਥਾਂ ਨਾਲ ਖਾਣਾ ਪਹੁੰਚਾਇਆ। ਆਪਣੀ ਨੌਜਵਾਨ ਕਲਿਆਣ ਪਹਿਲ ਬੀ ਬੈਸਟ (Be Best) ਦਾ ਪ੍ਰਚਾਰ-ਪ੍ਰਸਾਰ ਕਰਨ ਲਈ ਮੇਲਾਨੀਆ ਟਰੰਪ ਸਧਾਰਨ ਤੌਰ 'ਤੇ ਸਕੂਲ, ਹਸਪਤਾਲ ਅਤੇ ਦੂਜੀਆਂ ਜਗ੍ਹਾ ਦਾ ਦੌਰਾ ਕਰਦੀ ਰਹਿੰਦੀ ਸੀ। ਪਰ ਮਹਾਮਾਰੀ ਦੇ ਸ਼ੁਰੂ ਹੋਣ ਦੇ ਬਾਅਦ ਸਕੂਲ ਬੰਦ ਹੋ ਜਾਣ ਅਤੇ ਹਸਪਤਾਲ ਵਿਚ ਭੀੜ ਘੱਟ ਹੋ ਜਾਣ ਦੇ ਬਾਅਦ ਮੇਲਾਨੀਆ ਟਰੰਪ ਨੇ ਪ੍ਰੇਰਣਾ ਦੇਣ ਦੇ ਲਈ ਵ੍ਹਾਈਟ ਹਾਊਸ ਦੇ ਰਸੋਈ ਘਰ ਵੱਲ ਰੁੱਖ਼ ਕੀਤਾ।
ਪਿਛਲੇ ਹਫਤੇ ਅਮਰੀਕਾ ਦੀ ਪ੍ਰਥਮ ਮਹਿਲਾ ਨੇ ਬਿਨਾਂ ਐਲਾਨ ਕੀਤੇ ਕੋਲੰਬੀਆ ਦੇ ਫਾਇਰ ਫਾਈਟਰਾਂ ਅਤੇ ਐਮਰਜੈਂਸੀ ਮੈਡੀਕਲ ਸੇਵਾ ਕਾਮਿਆਂ ਨਾਲ ਮੁਲਾਕਾਤ ਕੀਤੀ ਅਤੇ ਉੱਥੇਂ ਦਾ ਦੌਰਾ ਕੀਤਾ। ਮੇਲਾਨੀਆ ਟਰੰਪ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਮੇਲਾਨੀਆ ਉੱਥੇ ਆਪਣੇ ਨਾਲ ਵ੍ਹਾਈਟ ਹਾਊਸ ਤੋਂ ਤਿਆਰ ਖਾਣਾ, ਵੱਡੇ ਬੈਗ, ਦੁਬਾਰਾ ਵਰਤੋਂ ਵਿਚ ਆਉਣ ਵਾਲੇ ਫੇਸ ਮਾਸਕ, ਹੈਂਡ ਸੈਨੇਟਾਈਜ਼ਰ ਲੈਕੇ ਗਈ। ਇਸ ਦੇ ਇਲਾਵਾ ਉਹ ਪੁਲਸ ਕਰਮੀਆਂ ਨਾਲ ਵੀ ਮਿਲੀ। ਮੇਲਾਨੀਆ ਟਰੰਪ ਦੀ ਇਹ ਪ੍ਰਤੀਕਿਰਿਆ ਉਦੋਂ ਸਾਹਮਣੇ ਆਈ ਜਦੋਂ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਹ ਸਾਫ ਕਰ ਦਿੱਤਾ ਕਿ ਉਹ ਪੁਲਸ ਅਤੇ ਦੂਜੀਆਂ ਕਾਨੂੰਨ ਲਾਗੂ ਕਰਨ ਵਾਲੀਆਂ ਏਜੰਸੀਆਂ ਦੇ ਨਾਲ ਖੜ੍ਹੇ ਹਨ।
ਇੱਥੇ ਦੱਸ ਦਈਏ ਕਿ ਅਮਰੀਕੀ ਵਿਚ ਨਸਲੀ ਨਿਆਂ ਦੇ ਲਈ ਵਿਰੋਧ ਪ੍ਰਦਰਸ਼ਨ ਚੱਲ ਰਿਹਾ ਹੈ ਅਤੇ ਜੌਰਜ ਫਲਾਈਡ ਦੀ ਮੌਤ ਦੇ ਬਾਅਦ ਨੀਤੀਆਂ ਵਿਚ ਤਬਦੀਲੀ ਦੀ ਮੰਗ ਕੀਤੀ ਜਾ ਰਹੀ ਹੈ। ਮੇਲਾਨੀਆ ਟਰੰਪ ਨੇ ਆਪਣੇ ਪਤੀ ਦੇ ਸੰਦੇਸ਼ ਨੂੰ ਦੁਹਰਾਇਆ ਅਤੇ ਡੈਮੋਕ੍ਰੈਟਿਕ ਨੇਤਾਵਾਂ 'ਤੇ ਅਸ਼ਾਂਤੀ ਦਾ ਦੋਸ਼ ਲਗਾਇਆ। ਇਕ ਲਿਖਤੀ ਬਿਆਨ ਦੇ ਬਾਅਦ ਮੇਲਾਨੀਆ ਟਰੰਪ ਨੇ ਕਿਹਾ ਕਿ ਮੈਂ ਅਤੇ ਅਮਰੀਕੀ ਰਾਸ਼ਟਰਪਤੀ ਫਾਇਰ ਫਾਈਟਰਾਂ, ਪੁਲਸ ਕਰਮੀਆਂ, ਈ.ਐੱਮ.ਐੱਸ. ਕਰਮੀਆਂ ਅਤੇ ਦੂਜੇ ਲੋਕਾਂ ਜਿਹਨਾਂ ਨੇ ਗੁਆਂਢੀ ਦੇਸ਼ਾਂ ਤੋਂ ਰੱਖਿਆ ਕਰਨ ਲਈ ਆਪਣੇ ਜੀਵਨ ਖਤਰੇ ਵਿਚ ਪਾਇਆ ਹੈ ਉਹਨਾਂ ਦੇ ਨਾਲ ਖੜ੍ਹੇ ਰਹਾਂਗੇ। ਮੇਲਾਨੀਆ ਟਰੰਪ ਨੇ ਲੋਕਾਂ ਨੂੰ ਜਨਤਕ ਥਾਵਾਂ 'ਤੇ ਮਾਸਕ ਪਹਿਨ ਕੇ ਜਾਣ ਦੀ ਅਪੀਲ ਕੀਤੀ। ਮਈ ਵਿਚ ਮੇਲਾਨੀਆ ਟਰੰਪ ਨੇ ਵ੍ਹਾਈਟ ਹਾਊਸ ਦੇ ਕਾਰਜਕਾਰੀ ਰਸੋਈਏ ਕ੍ਰਿਸ ਕਮਫੋਰਡ, ਪੇਸਟ੍ਰੀ ਰਸੋਈਏ ਸੁਸੀ ਮੋਰੀਸਨ ਅਤੇ ਦੂਜੇ ਸਟਾਫ ਕਾਮਿਆਂ ਨੂੰ 150 ਖਾਣੇ ਦੇ ਡੱਬੇ ਡਿਲੀਵਰ ਕਰਨ ਲਈ ਕਿਹਾ ਸੀ। ਨੈਸ਼ਨਲ ਇੰਸਟੀਚਿਊਟ ਆਫ ਹੈਲਥ ਦੇ ਚਿਲਡਰਨ ਇਨ ਦੇ ਲਈ ਇਹ ਡੱਬੇ ਭੇਜੇ ਗਏ ਜਿਸ ਵਿਚ ਚਿਕਨ ਮੈਕਰੋਨੀ ਜਿਹਾ ਖਾਣਾ ਸੀ।