ਯੂ. ਐੱਸ. ਨੇਵੀ ਨੇ ਗਾਇਆ ਸ਼ਾਹਰੁਖ਼ ਖ਼ਾਨ ਦੀ ਫ਼ਿਲਮ ਦਾ ਗੀਤ, ਵੀਡੀਓ ਹੋਈ ਵਾਇਰਲ

ਮੁੰਬਈ (ਬਿਊਰੋ)– ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ’ਤੇ ਇਕ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ, ਜਿਸ ’ਚ ਯੂ. ਐੱਸ. ਨੇਵੀ ਸ਼ਾਹਰੁਖ਼ ਖ਼ਾਨ ਦੀ ਫ਼ਿਲਮ ‘ਸਵਦੇਸ’ ਦਾ ਗੀਤ ‘ਯੇ ਜੋ ਦੇਸ ਹੈ ਤੇਰਾ, ਸਵਦੇਸ ਹੈ ਮੇਰਾ’ ਗਾਉਂਦੀ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ ਨੂੰ ਭਾਰਤ ਦੇ ਰਾਜਦੂਤ ਤਰਨਜੀਤ ਸਿੰਘ ਸੰਧੂ ਨੇ ਟਵਿਟਰ ’ਤੇ ਸਾਂਝਾ ਕੀਤਾ ਹੈ। ਹੁਣ ਇਸ ਵੀਡੀਓ ’ਤੇ ਸ਼ਾਹਰੁਖ਼ ਖ਼ਾਨ ਦੇ ਨਾਲ-ਨਾਲ ਏ. ਆਰ. ਰਹਿਮਾਨ ਦੀ ਪ੍ਰਤੀਕਿਰਿਆ ਸਾਹਮਣੇ ਆਈ ਹੈ।

ਅਸਲ ’ਚ 27 ਮਾਰਚ ਨੂੰ ਯੂ. ਐੱਸ. ਨੇਵੀ ਦੇ ਚੀਫ ਆਫ ਨੇਵਲ ਆਪਰੇਸ਼ਨ ਵਲੋਂ ਦਿੱਤੇ ਗਏ ਇਕ ਡਿਨਰ ਦੌਰਾਨ ਯੂ. ਐੱਸ. ਨੇਵੀ ਨੇ ਇਸ ਗੀਤ ਨੂੰ ਗਾਇਆ। ਇਸ ਮੌਕੇ ਨੇਵੀ ਦੇ ਚੀਫ ਮਾਈਕਲ ਮਾਰਟਿਨ ਗਿਲਡੇ ਤੇ ਅਮਰੀਕਾ ’ਚ ਭਾਰਤ ਦੇ ਰਾਜਦੂਤ ਤਰਨਜੀਤ ਸਿੰਘ ਸੰਧੂ ਵੀ ਮੌਜੂਦ ਸਨ। ਇਸ ਤੋਂ ਬਾਅਦ ਤਰਨਜੀਤ ਸਿੰਘ ਸੰਧੂ ਨੇ ਟਵਿਟਰ ’ਤੇ ਇਸ ਵੀਡੀਓ ਨੂੰ ਸਾਂਝਾ ਕਰਦਿਆਂ ਲਿਖਿਆ, ‘ਇਹ ਉਹ ਬੰਧਨ ਹੈ, ਜੋ ਕਦੇ ਟੁੱਟ ਨਹੀਂ ਸਕਦਾ।’

'ये वो बंधन है जो कभी टूट नहीं सकता! This is a friendship bond that cannot be broken ever.' 🇮🇳🇺🇸

US Navy singing a popular Hindi tune @USNavyCNO 's dinner last night! pic.twitter.com/hfzXsg0cAr

— Taranjit Singh Sandhu (@SandhuTaranjitS) March 27, 2021

ਸ਼ਾਹਰੁਖ਼ ਖ਼ਾਨ ਨੂੰ ਇਹ ਵੀਡੀਓ ਕਾਫੀ ਪਸੰਦ ਆਈ। ਉਨ੍ਹਾਂ ਨੇ ਵੀਡੀਓ ਨੂੰ ਰੀ-ਟਵੀਟ ਕਰਦਿਆਂ ਲਿਖਿਆ, ‘ਇਸ ਨੂੰ ਸਾਂਝਾ ਕਰਨ ਲਈ ਧੰਨਵਾਦ। ਇਹ ਬਹੁਤ ਹੀ ਪਿਆਰਾ ਹੈ। ਮੈਂ ਵਾਪਸ ਉਸ ਸਮੇਂ ’ਚ ਚਲਾ ਗਿਆ, ਜਦੋਂ ਇਹ ਫ਼ਿਲਮ ਬਣਾ ਰਿਹਾ ਸੀ। ਅਸੀਂ ਬਹੁਤ ਪਿਆਰ ਨਾਲ ਇਸ ਫ਼ਿਲਮ ਨੂੰ ਬਣਾਇਆ ਤੇ ਇਸ ਗੀਤ ਵਾਂਗ ਸਾਨੂੰ ਫ਼ਿਲਮ ’ਤੇ ਵੀ ਉਨਾ ਹੀ ਯਕੀਨ ਸੀ। ਆਸ਼ੂਤੋਸ਼ ਗੋਵਾਰੀਕਰ, ਏ. ਆਰ. ਰਹਿਮਾਨ, ਰੌਨੀ ਸਕਰੂਵਾਲਾ ਤੇ ਸਾਰੇ ਲੋਕਾਂ ਦਾ ਧੰਨਵਾਦ, ਜਿਨ੍ਹਾਂ ਨੇ ਇਸ ਨੂੰ ਸੰਭਵ ਬਣਾਇਆ।’

Thank u for sharing this sir. How lovely. Git all nostalgic about the time spent making this beautiful film and belief sung in the song. Thanx @AshGowariker @RonnieScrewvala @arrahman & everyone who made it possible. https://t.co/rFRKcHTDCg

— Shah Rukh Khan (@iamsrk) March 29, 2021

ਉਥੇ ਏ. ਆਰ. ਰਹਿਮਾਨ ਨੇ ਟਵੀਟ ਕਰਦਿਆਂ ਲਿਖਿਆ, ‘ਹਮੇਸ਼ਾ ਲਈ ਸਵਦੇਸ ਕਰੇਗਾ ਰਾਜ।’

Swades rules for ever🌹@AshGowariker #sharukhkhan @Javedakhtarjadu https://t.co/DGgN5xRsEp

— A.R.Rahman #99Songs 😷 (@arrahman) March 28, 2021

ਦੱਸਣਯੋਗ ਹੈ ਕਿ ‘ਸਵਦੇਸ’ ਫ਼ਿਲਮ 2004 ’ਚ ਰਿਲੀਜ਼ ਹੋਈ ਸੀ। ਇਹ ਫ਼ਿਲਮ ਬਾਕਸ ਆਫਿਸ ’ਤੇ ਜ਼ਿਆਦਾ ਧਮਾਲ ਨਹੀਂ ਮਚਾ ਸਕੀ ਸੀ।

ਨੋਟ– ਇਸ ਵੀਡੀਓ ’ਤੇ ਤੁਹਾਡੀ ਕੀ ਪ੍ਰਤੀਕਿਰਿਆ ਹੈ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।