ਅਮਰੀਕਾ ਨੇ ਕਰ'ਤੀ Airstrike ! ISIS ਦੇ ਟਿਕਾਣਿਆਂ ਨੂੰ ਬਣਾਇਆ ਨਿਸ਼ਾਨਾ
Sunday, Jan 11, 2026 - 06:30 AM (IST)
ਇੰਟਰਨੈਸ਼ਨਲ ਡੈਸਕ : ਅਮਰੀਕੀ ਫੌਜ ਨੇ ਸ਼ਨੀਵਾਰ ਨੂੰ ਸੀਰੀਆ ਵਿੱਚ ਇਸਲਾਮਿਕ ਸਟੇਟ (ISIS) ਅੱਤਵਾਦੀ ਸੰਗਠਨ ਖਿਲਾਫ ਇੱਕ ਹੋਰ ਸ਼ਕਤੀਸ਼ਾਲੀ ਜਵਾਬੀ ਹਮਲਾ ਕੀਤਾ। ਇਹ ਹਮਲਾ ਪਿਛਲੇ ਮਹੀਨੇ ਪਾਲਮੀਰਾ ਵਿੱਚ ਹੋਏ ਇੱਕ ਘਾਤਕ ਹਮਲੇ ਦਾ ਬਦਲਾ ਲੈਣ ਲਈ ਕੀਤਾ ਗਿਆ ਸੀ ਜਿਸ ਵਿੱਚ 2 ਅਮਰੀਕੀ ਸੇਵਾ ਮੈਂਬਰ ਅਤੇ ਇੱਕ ਅਮਰੀਕੀ ਨਾਗਰਿਕ ਦੁਭਾਸ਼ੀਏ ਦੀ ਵੀ ਮੌਤ ਹੋ ਗਈ ਸੀ। ਯੂਐੱਸ ਸੈਂਟਰਲ ਕਮਾਂਡ (CENTCOM) ਅਨੁਸਾਰ, ਇਹ ਹਮਲੇ ਅਮਰੀਕੀ ਸਮੇਂ ਅਨੁਸਾਰ ਦੁਪਹਿਰ 12:30 ਵਜੇ ਹੋਏ। ਅਮਰੀਕੀ ਫੌਜ ਨੇ ਆਪਣੇ ਸਹਿਯੋਗੀ ਬਲਾਂ ਦੇ ਨਾਲ ਸੀਰੀਆ ਦੇ ਕਈ ਖੇਤਰਾਂ ਵਿੱਚ ISIS ਦੇ ਟਿਕਾਣਿਆਂ ਨੂੰ ਨਿਸ਼ਾਨਾ ਬਣਾਇਆ। ਇਨ੍ਹਾਂ ਹਮਲਿਆਂ ਵਿੱਚ ISIS ਦੀਆਂ ਛੁਪਣਗਾਹਾਂ, ਹਥਿਆਰਾਂ ਦੇ ਡਿਪੂਆਂ ਅਤੇ ਉਨ੍ਹਾਂ ਦੇ ਨੈੱਟਵਰਕਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ।
ਇਹ ਹਮਲਾ ਕਿਉਂ ਕੀਤਾ ਗਿਆ?
ਇਹ ਹਮਲਾ ਪਿਛਲੇ ਮਹੀਨੇ ਪਾਲਮੀਰਾ ਵਿੱਚ ਵਾਪਰੀ ਅੱਤਵਾਦੀ ਘਟਨਾ ਦਾ ਬਦਲਾ ਹੈ, ਜਿਸ ਵਿੱਚ ISIS ਨੇ ਇੱਕ ਘਾਤ ਲਗਾ ਕੇ ਹਮਲਾ ਕੀਤਾ ਸੀ।
ਇਸ ਹਮਲੇ 'ਚ ਮਾਰੇ ਗਏ ਸਨ:
ਸਾਰਜੈਂਟ ਐਡਗਰ ਬ੍ਰਾਇਨ ਟੋਰੇਸ-ਟੋਵਰ
ਸਾਰਜੈਂਟ ਵਿਲੀਅਮ ਨਥਾਨਿਏਲ ਹਾਵਰਡ
ਅਯਾਦ ਮਨਸੂਰ ਸਾਕਤ, ਇੱਕ ਅਮਰੀਕੀ ਨਾਗਰਿਕ ਦੁਭਾਸ਼ੀਏ
ਦੋਵੇਂ ਸੈਨਿਕ ਆਇਓਵਾ ਨੈਸ਼ਨਲ ਗਾਰਡ ਦੇ ਮੈਂਬਰ ਸਨ।
ਇਹ ਵੀ ਪੜ੍ਹੋ : ਟਰੰਪ ਦਾ ਵੱਡਾ ਬਿਆਨ: 'ਆਜ਼ਾਦੀ ਵੱਲ ਦੇਖ ਰਹੇ ਇਰਾਨੀ ਲੋਕ, ਅਮਰੀਕਾ ਦੇਵੇਗਾ ਸਾਥ'
"ਜੇਕਰ ਤੁਸੀਂ ਸਾਡੇ ਫੌਜੀਆਂ ਨੂੰ ਨੁਕਸਾਨ ਪਹੁੰਚਾਇਆ ਤਾਂ ਅਸੀਂ ਤੁਹਾਨੂੰ ਦੁਨੀਆ ਦੇ ਕਿਸੇ ਵੀ ਕੋਨੇ ਤੋਂ ਲੱਭ ਕੇ ਮਾਰਾਂਗੇ'' : ਯੂਐੱਸ
ਸੈਂਟਕਾਮ ਨੇ ਸਖ਼ਤੀ ਨਾਲ ਕਿਹਾ: "ਸਾਡਾ ਸੁਨੇਹਾ ਸਪੱਸ਼ਟ ਹੈ- ਜੇਕਰ ਤੁਸੀਂ ਸਾਡੇ ਫੌਜੀਆਂ ਨੂੰ ਨੁਕਸਾਨ ਪਹੁੰਚਾਉਂਦੇ ਹੋ, ਤਾਂ ਅਸੀਂ ਤੁਹਾਨੂੰ ਦੁਨੀਆ ਦੇ ਕਿਸੇ ਵੀ ਕੋਨੇ ਤੋਂ ਲੱਭਾਂਗੇ ਅਤੇ ਮਾਰ ਦੇਵਾਂਗੇ, ਭਾਵੇਂ ਤੁਸੀਂ ਬਚਣ ਦੀ ਕਿੰਨੀ ਵੀ ਕੋਸ਼ਿਸ਼ ਕਰੋ।"
ਆਪ੍ਰੇਸ਼ਨ ਦਾ ਨਾਮ: 'Operation Hawkeye Strike'
ਅਮਰੀਕੀ ਸਰਕਾਰ ਨੇ ਪਾਲਮੀਰਾ ਹਮਲੇ ਦੇ ਜਵਾਬ ਵਿੱਚ ਸ਼ੁਰੂ ਕੀਤੇ ਗਏ ਇਸ ਆਪ੍ਰੇਸ਼ਨ ਦਾ ਨਾਮ "ਆਪ੍ਰੇਸ਼ਨ ਹਾਕਆਈ ਸਟ੍ਰਾਈਕ" ਰੱਖਿਆ ਹੈ। ਇਹ ਆਪ੍ਰੇਸ਼ਨ 19 ਦਸੰਬਰ ਨੂੰ ਸ਼ੁਰੂ ਹੋਇਆ ਸੀ ਜਦੋਂ ਅਮਰੀਕਾ ਨੇ ਮੱਧ ਸੀਰੀਆ ਵਿੱਚ 70 ਆਈਐਸਆਈਐਸ ਟਿਕਾਣਿਆਂ 'ਤੇ ਵੱਡੇ ਹਮਲੇ ਕੀਤੇ, ਜਿਨ੍ਹਾਂ ਵਿੱਚ ਅੱਤਵਾਦੀ ਬੁਨਿਆਦੀ ਢਾਂਚਾ, ਹਥਿਆਰ ਅਤੇ ਸੰਚਾਲਨ ਟਿਕਾਣੇ ਸਨ।
