ਟਰੰਪ ਨੇ ਫਰਾਂਸ ਦੇ ਰਾਸ਼ਟਰਪਤੀ ਨਾਲ ਕੀਤੀ ਮੁਲਾਕਾਤ

ਵਾਸ਼ਿੰਗਟਨ (ਏਜੰਸੀ)- ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਸੋਮਵਾਰ ਨੂੰ ਵ੍ਹਾਈਟ ਹਾਊਸ ਵਿਖੇ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਂ ਦਾ ਸਵਾਗਤ ਕੀਤਾ। ਮੈਕਰੋਂ ਦਾ ਦੌਰਾ ਐਟਲਾਂਟਿਕ ਸਬੰਧਾਂ ਦੇ ਭਵਿੱਖ ਬਾਰੇ ਡੂੰਘੀ ਅਨਿਸ਼ਚਿਤਤਾ ਸਮੇਂ ਹੋ ਰਿਹਾ ਹੈ। ਟਰੰਪ ਨੇ ਅਮਰੀਕੀ ਵਿਦੇਸ਼ ਨੀਤੀ ’ਚ ਬਦਲਾਅ ਕੀਤਾ ਹੈ ਅਤੇ ਉਹ ਯੂਕ੍ਰੇਨ-ਰੂਸ ਜੰਗ ਨੂੰ ਜਲਦੀ ਖਤਮ ਕਰਨਾ ਚਾਹੁੰਦੇ ਹਨ।

ਦੋਵਾਂ ਨੇਤਾਵਾਂ ਨੇ ਦਿਨ ਦੀ ਸ਼ੁਰੂਆਤ ਜੰਗ ’ਤੇ ਚਰਚਾ ਕਰਨ ਲਈ ਜੀ 7 ਅਰਥਵਿਵਸਥਾਵਾਂ ਦੇ ਸਾਥੀ ਨੇਤਾਵਾਂ ਨਾਲ ਇਕ ਵਰਚੁਅਲ ਮੀਟਿੰਗ ’ਚ ਹਿੱਸਾ ਲੈ ਕੇ ਕੀਤੀ। ਟਰੰਪ ਨੇ ਗ੍ਰੀਨਲੈਂਡ, ਕੈਨੇਡਾ, ਗਾਜ਼ਾ ਅਤੇ ਪਨਾਮਾ ਨਹਿਰ ਜ਼ੋਨ ਦੇ ਨਾਲ-ਨਾਲ ਯੂਕ੍ਰੇਨ ਤੋਂ ਵੀ ਕੀਮਤੀ ਦੁਰਲੱਭ ਧਰਤੀ ਦੇ ਖਣਿਜਾਂ ਦੀ ਮੰਗ ਕੀਤੀ ਹੈ।