ਟ੍ਰਿਬਿਊਨਲ ਨੇ ਜਿਨਪਿੰਗ ਨੂੰ ਉਈਗਰਾਂ ਦੇ ਕਤਲੇਆਮ ਦਾ ਠਹਿਰਾਇਆ ਜ਼ਿੰਮੇਵਾਰ, ਚੀਨ ਨੇ ਨਕਾਰੇ ਦੋਸ਼

ਪੇਈਚਿੰਗ (ਇੰਟ.)-ਵਕੀਲਾਂ ਅਤੇ ਮੁਹਿੰਮਕਰਤਾਵਾਂ ਦੇ ਇਕ ਰਸਮੀ ਟ੍ਰਿਬਿਊਨਲ ਨੇ ਸ਼ਿਨਜਿਆਂਗ ਸੂਬੇ ’ਚ ਕਤਲੇਆਮ, ਉਈਗਰ ਮੁਸਲਮਾਨਾਂ ਦੇ ਸ਼ੋਸ਼ਣ ਅਤੇ ਮਨੁੱਖਤਾ ਪ੍ਰਤੀ ਅਪਰਾਧ ਲਈ ਤਰਜੀਹ ਤੌਰ ’ਤੇ ਚੀਨ ਦੇ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ। ਹਾਲਾਂਕਿ ਚੀਨ ਨੇ ਲੰਡਨ ਸਥਿਤ ਇਸ ਟ੍ਰਿਬਿਊਨਲ ਦੇ ਦੋਸ਼ਾਂ ਨੂੰ ਖਾਰਿਜ ਕਰਦੇ ਹੋਏ ਕਿਹਾ ਕਿ ਇਹ ਗ਼ਲਤ ਹੈ। ਚੀਨੀ ਪ੍ਰਸ਼ਾਸਨ ਨੇ ਕਿਹਾ ਕਿ ਇਹ ਸਾਰੇ ਦੋਸ਼ ਸਿਆਸਤ ਤੋਂ ਪ੍ਰੇਰਿਤ ਹਨ ਅਤੇ ਮੁੱਠੀ ਭਰ ਲੋਕਾਂ ਦੀ ਸਾਜ਼ਿਸ਼ ਦਾ ਨਤੀਜਾ ਹੈ। ਚੀਨੀ ਵਿਦੇਸ਼ ਮੰਤਰਾਲਾ ਦਾ ਕਹਿਣਾ ਹੈ ਕਿ ਚੀਨ ’ਚ ਉਈਗਰ ਮੁਸਲਮਾਨਾਂ ਦੇ ਕਤਲੇਆਮ ਦੀ ਗੱਲ ਇਕਦਮ ਬੇਬੁਨਿਆਦ ਹੈ।

ਬ੍ਰਿਟੇਨ ਦੇ ਉਈਗਰ ਮਾਮਲਿਆਂ ਸਬੰਧੀ ਟ੍ਰਿਬਿਊਨਲ ਨੇ ਆਪਣੀ ਆਖਰੀ ਰਿਪੋਰਟ ’ਚ ਕਿਹਾ ਕਿ ਚੀਨੀ ਗਣਰਾਜ ਨੇ ਕਤਲੇਆਮ ਕੀਤਾ ਹੈ ਕਿ ਘੱਟਗਿਣਤੀ ਉਈਗਰ ਮੁਸਲਮਾਨਾਂ ਦਾ ਗੁੱਸੇ ਨਾਲ ਸ਼ੋਸ਼ਣ ਕੀਤਾ ਹੈ। ਸ਼ਿਨਜਿਆਂਗ ਵਿਚ ਸਰਕਾਰ ਨੇ ਘੱਟਗਿਣਤੀਆਂ ’ਤੇ ਅਣਮਨੁੱਖਤਾ ਦੀਆਂ ਹੱਦਾਂ ਪਾਰ ਕਰਕੇ ਅੱਤਿਆਚਾਰ ਕੀਤਾ ਹੈ।