ਰੂਸ 'ਚ ਸਰਕਸ ਦੇ ਸ਼ੋਅ ਦੌਰਾਨ ਦਰਸ਼ਕਾਂ 'ਚ ਪੁੱਜਾ 'ਟਾਈਗਰ', ਮਚੀ ਹਫੜਾ-ਦਫੜੀ

ਇੰਟਰਨੈਸ਼ਨਲ ਡੈਸਕ-  ਰੂਸ ਦੇ ਦੱਖਣੀ ਸ਼ਹਿਰ ਰੋਸਟੋਵ-ਆਨ-ਡੌਨ ਵਿੱਚ ਇੱਕ ਸਰਕਸ ਸ਼ੋਅ ਦੌਰਾਨ ਇੱਕ ਟਾਈਗਰ ਨੇ ਅਚਾਨਕ ਦਰਸ਼ਕਾਂ ਵਿੱਚ ਛਾਲ ਮਾਰ ਦਿੱਤੀ। ਖੁਸ਼ਕਿਸਮਤੀ ਨਾਲ, ਇਸਨੇ ਕਿਸੇ ਵੀ ਦਰਸ਼ਕ 'ਤੇ ਹਮਲਾ ਨਹੀਂ ਕੀਤਾ। ਟਾਈਗਰ ਦੇ ਅਚਾਨਕ ਦਾਖਲ ਹੋਣ ਦਰਸ਼ਕ ਘਬਰਾ ਗਏ, ਜਿਸ ਨਾਲ ਹਫੜਾ-ਦਫੜੀ ਮਚ ਗਈ। ਘਟਨਾ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਇਸ ਮਗਰੋਂ ਰੂਸੀ ਜਾਂਚ ਏਜੰਸੀਆਂ ਨੇ ਇਸ ਮਾਮਲੇ ਦੀ ਅਪਰਾਧਿਕ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਚਸ਼ਮਦੀਦਾਂ ਦੁਆਰਾ ਸਾਂਝੇ ਕੀਤੇ ਗਏ ਵੀਡੀਓ ਦੇ ਅਨੁਸਾਰ ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਤਿੰਨ ਟਾਈਗਰ ਅਤੇ ਦੋ ਟ੍ਰੇਨਰ ਸਰਕਸ ਰਿੰਗ ਦੇ ਅੰਦਰ ਸਨ। ਇਸ ਦੌਰਾਨ ਦਰਸ਼ਕਾਂ ਅਤੇ ਜਾਨਵਰਾਂ ਵਿਚਕਾਰ ਲੱਗਿਆ ਸੁਰੱਖਿਆ ਵਾੜ ਅਚਾਨਕ ਟੁੱਟ ਗਿਆ, ਜਿਸ ਮਗਰੋਂ ਇੱਕ ਟਾਈਗਰ ਅਚਾਨਕ ਦਰਸ਼ਕਾਂ ਵੱਲ ਕੁੱਦ ਪਿਆ। ਵੀਡੀਓ ਵਿੱਚ ਟਾਈਗਰ ਨੂੰ ਸੀਟਾਂ ਦੇ ਵਿਚਕਾਰ ਘੁੰਮਦੇ ਹੋਏ ਦਿਖਾਇਆ ਗਿਆ, ਜਦੋਂ ਕਿ ਕਈ ਦਰਸ਼ਕ ਡਰ ਕੇ ਭੱਜ ਗਏ। 

ਇੱਕ ਹੋਰ ਵੀਡੀਓ ਵਿੱਚ ਇੱਕ ਟ੍ਰੇਨਰ ਨੂੰ ਖਾਲੀ ਪਿਛਲੀਆਂ ਕਤਾਰਾਂ ਵਿੱਚੋਂ ਟਾਈਗਰ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ਼ ਕਰਦੇ ਦਿਖਾਇਆ ਗਿਆ, ਜਦੋਂ ਕਿ ਛੋਟੇ ਬੱਚਿਆਂ ਵਾਲੇ ਪਰਿਵਾਰ ਇਹ ਦ੍ਰਿਸ਼ ਦੇਖ ਰਹੇ ਸਨ। ਅੰਤ ਵਿੱਚ, ਟ੍ਰੇਨਰ ਟਾਈਗਰ ਨੂੰ ਸੁਰੱਖਿਅਤ ਢੰਗ ਨਾਲ ਉਸਦੇ ਟ੍ਰਾਂਸਪੋਰਟ ਪਿੰਜਰੇ ਵਿੱਚ ਵਾਪਸ ਲਿਜਾਣ ਵਿੱਚ ਕਾਮਯਾਬ ਹੋ ਗਏ। ਸਥਾਨਕ ਅਧਿਕਾਰੀਆਂ ਦੇ ਅਨੁਸਾਰ ਇਸ ਘਟਨਾ ਵਿੱਚ ਕੋਈ ਦਰਸ਼ਕ ਜ਼ਖਮੀ ਨਹੀਂ ਹੋਇਆ। ਰੂਸ ਦੀ ਚੋਟੀ ਦੀ ਜਾਂਚ ਏਜੰਸੀ ਨੇ ਕਿਹਾ ਕਿ ਇੱਕ ਅਪਰਾਧਿਕ ਮਾਮਲਾ ਦਰਜ ਕੀਤਾ ਗਿਆ ਹੈ ਅਤੇ ਸੁਰੱਖਿਆ ਮਾਪਦੰਡਾਂ ਦੀ ਉਲੰਘਣਾ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ-  ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।