ਫਰਜ਼ੀ ਮੀਡੀਆ ਅਮਰੀਕੀਆਂ ਨੂੰ ਅਸਲ ''ਚ ਕਹਾਣੀ ਤੋਂ ਵਾਂਝਾ ਕਰ ਰਿਹਾ : ਟਰੰਪ

ਵਾਸ਼ਿੰਗਟਨ — ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਦੋਸ਼ ਲਾਇਆ ਹੈ ਕਿ 'ਫਰਜ਼ੀ ਮੀਡੀਆ' ਨਹੀਂ ਚਾਹੁੰਦਾ ਕਿ ਉਹ ਸੋਸ਼ਲ ਮੀਡੀਆ ਦਾ ਇਸਤੇਮਾਲ ਕਰੇ ਅਤੇ ਇਸ ਤਰ੍ਹਾਂ ਅਮਰੀਕੀ ਲੋਕ 'ਅਸਲੀ ਕਹਾਣੀ' ਤੋਂ ਵਾਂਝੇ ਰਹਿਣ। ਟਵੀਟ ਕਰ ਰਾਸ਼ਟਰਪਤੀ ਨੇ ਕਿਹਾ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਉਨ੍ਹਾਂ ਦੇ ਪ੍ਰਸ਼ਾਸਨ ਤੋਂ ਲੀਕ ਹੋ ਰਹੀ ਜਾਣਕਾਰੀ ਅਸਲ 'ਚ 'ਬੋਲੇ ਗਏ ਝੂਠ' ਹਨ। ਆਪਣੀ ਪਹਿਲੀ ਵਿਦੇਸ਼ੀ ਯਾਤਰਾ ਤੋਂ ਵਾਪਸ ਆਉਣ ਤੋਂ 1ਦਿਨ ਬਾਅਦ ਟਰੰਪ ਨੇ ਐਤਵਾਰ ਨੂੰ ਟਵੀਟ ਕਰ ਕਿਹਾ, ''ਝੂਠੀ ਖਬਰ ਪ੍ਰਸਾਰਿਤ ਕਰਨ ਵਾਲਾ ਮੀਡੀਆ ਸਾਨੂੰ ਸੋਸ਼ਲ ਮੀਡੀਆ ਦੇ ਇਸਤੇਮਾਲ ਨੂੰ ਘੱਟ ਕਰਕੇ ਦਿਖਾਉਣ ਲਈ ਬਹੁਤ ਮਿਹਨਤ ਕਰ ਰਿਹਾ ਹੈ, ਕਿਉਂਕਿ ਉਹ ਨਹੀਂ ਚਾਹੁੰਦਾ ਕਿ ਅਮਰੀਕਾ ਨੂੰ ਅਸਲ ਕਹਾਣੀ ਪੱਤਾ ਲੱਗੇ।'' ਲੀਕ ਕੀਤੀ ਗਈ ਜਾਣਕਾਰੀ ਦਾ ਇਸਤੇਮਾਲ ਆਪਣੇ ਖਿਲਾਫ ਕਰਨ ਲਈ ਅਮਰੀਕੀ ਮੀਡੀਆ ਦੀ ਨਿੰਦਾ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ, ''ਹਾਲ ਹੀ 'ਚ ਯੂਰੋਪ ਤੋਂ ਵਾਪਸ ਆਇਆ ਹਾਂ, ਅਮਰੀਕਾ ਲਈ ਯਾਤਰਾ ਬਹੁਤ ਸਫਲ ਰਹੀ। ਸਖਤ ਮਿਹਨਤ ਪਰ ਚੰਗਾ ਨਤੀਜਾ।'' ਉਨ੍ਹਾਂ ਨੇ ਇਕ ਹੋਰ ਟਵੀਟ 'ਚ ਕਿਹਾ, ''ਮੇਰੀ ਸਲਾਹ ਹੈ ਕਿ ਵ੍ਹਾਈਟ ਹਾਊਸ ਤੋਂ ਲੀਕ ਹੋ ਰਹੀ ਕਿ ਕਈ ਜਾਣਕਾਰੀਆਂ ਅਸਲ 'ਚ ਫਰਜ਼ੀ ਨਿਊਜ਼ ਮੀਡੀਆ ਵੱਲੋਂ ਬੋਲੇ ਗਏ ਝੂਠ ਹਨ। ਟਰੰਪ ਨੇ ਕਿਹਾ, ''ਫਰਜ਼ੀ ਖਬਰ ਪ੍ਰਸਾਰਿਤ ਕਰਨ ਵਾਲੇ ਮੀਡੀਆ 'ਚ ਜਦੋਂ ਤੁਸੀਂ 'ਸੂਤਰਾਂ ਮੁਤਾਬਕ' ਦੇਖਦੇ ਹੋ ਅਤੇ ਨਾਂ ਦਾ ਜ਼ਿਕਰ ਨਹੀਂ ਹੁੰਦਾ ਹੈ ਤਾਂ ਬਹੁਤ ਸੰਭਵ ਹੈ ਕਿ ਅਜਿਹੇ ਸੂਤਰ ਅਸਲ 'ਚ ਹੈ ਹੀ ਨਹੀਂ ਅਤੇ ਉਨ੍ਹਾਂ ਫਰਜ਼ੀ ਖਬਰ ਲਿੱਖਣ ਵਾਲਿਆਂ ਦੇ ਬਣਾਇਆ ਹੋਵੇ। ਫਰਜ਼ੀ ਖਬਰ ਦੁਸ਼ਮਣ ਹੈ।'' ਉਨ੍ਹਾਂ ਨੇ ਆਪਣੇ ਟਵੀਟ 'ਚ ਕਿਹਾ, ''ਬ੍ਰਿਟਿਸ਼ ਪ੍ਰਧਾਨ ਮੰਤਰੀ 'ਚ ਬਹੁਤ ਨਾਰਾਜ਼ ਹੈ ਕਿ ਮੈਨਚੇਸਟਰ ਨਾਲ ਜੁੜੀ ਜਾਣਕਾਰੀ ਬ੍ਰਿਟੇਨ ਨੇ ਅਮਰੀਕਾ ਨਾਲ ਸਾਂਝੀ ਕੀਤੀ ਸੀ ਉਹ ਲੀਕ ਹੋ ਗਈ। ਮੈਨੂੰ ਪੂਰਾ ਵੇਰਵਾ ਦਿਓ।''