ਚੀਨ ਨਾਲ ਲੜਾਈ ਦੀ ਤਿਆਰੀ! ਤਾਈਵਾਨ ਨੇ ਤੱਟ ਰੱਖਿਅਕਾਂ ਨੂੰ ਕੀਤਾ ਹਥਿਆਰਬੰਦ

ਇੰਟਰਨੈਸ਼ਨਲ ਡੈਸਕ: ਚੀਨ ਵੱਲੋਂ ਵਧਦੇ ਖ਼ਤਰੇ ਦੇ ਮੱਦੇਨਜ਼ਰ ਤਾਈਵਾਨ ਨੇ ਆਪਣੀ ਰੱਖਿਆ ਰਣਨੀਤੀ ਵਿੱਚ ਇੱਕ ਵੱਡਾ ਬਦਲਾਅ ਕੀਤਾ ਹੈ। ਹੁਣ ਤਾਈਵਾਨ ਦਾ ਕੋਸਟ ਗਾਰਡ ਸਿਰਫ਼ ਸਮੁੰਦਰੀ ਸਰਹੱਦਾਂ ਦੀ ਨਿਗਰਾਨੀ ਹੀ ਨਹੀਂ ਕਰੇਗਾ, ਸਗੋਂ ਦੇਸ਼ ਦੀ ਰਾਸ਼ਟਰੀ ਸੁਰੱਖਿਆ ਵਿੱਚ ਵੀ ਇੱਕ ਵਿਸਤ੍ਰਿਤ ਅਤੇ ਅਹਿਮ ਭੂਮਿਕਾ ਨਿਭਾਏਗਾ। ਇਸ ਰਣਨੀਤੀ ਦਾ ਮੁੱਖ ਉਦੇਸ਼ ਚੀਨੀ ਫੌਜਾਂ ਨੂੰ ਤਾਈਵਾਨ ਦੇ ਤੱਟਾਂ ਤੱਕ ਪਹੁੰਚਣ ਤੋਂ ਰੋਕਣਾ ਹੈ।

ਤਾਈਵਾਨ ਦੀ ਇਸ ਨਵੀਂ ਰੱਖਿਆ ਯੋਜਨਾ ਦਾ ਮਕਸਦ ਬੀਜਿੰਗ ਨੂੰ ਇਹ ਸਪੱਸ਼ਟ ਸੰਦੇਸ਼ ਦੇਣਾ ਹੈ ਕਿ ਜੇਕਰ ਉਹ ਹਮਲਾ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ, ਤਾਂ ਉਸ ਨੂੰ ਭਾਰੀ ਮੁਸ਼ਕਲਾਂ ਅਤੇ ਵਿਰੋਧ ਦਾ ਸਾਹਮਣਾ ਕਰਨਾ ਪਵੇਗਾ। ਤਾਈਵਾਨ ਆਪਣੀ ਇਸ ਤਬਦੀਲੀ ਰਾਹੀਂ ਆਪਣੀ ਸੁਰੱਖਿਆ ਕੰਧ ਨੂੰ ਹੋਰ ਮਜ਼ਬੂਤ ਕਰ ਰਿਹਾ ਹੈ। ਇਸ ਨਵੀਂ ਤਬਦੀਲੀ ਦੇ ਹਿੱਸੇ ਵਜੋਂ ਸ਼ਨੀਵਾਰ ਨੂੰ ਦੱਖਣੀ ਤਾਇਵਾਨ ਦੇ ਕਾਓਸਿਉਂਗ ਸ਼ਹਿਰ ਦੀ ਬੰਦਰਗਾਹ 'ਤੇ ਇੱਕ ਵੱਡੀ ਫੌਜੀ ਡ੍ਰਿਲ ਕੀਤੀ ਗਈ। ਇਸ ਅਭਿਆਸ ਦੌਰਾਨ ਇੱਕ ਕੋਸਟ ਗਾਰਡ ਕਟਰ ਨੇ ਚਾਰ ਮਿਜ਼ਾਈਲ ਕਿਸ਼ਤੀਆਂ ਦੀ ਅਗਵਾਈ ਕੀਤੀ।

ਸਰੋਤਾਂ ਅਨੁਸਾਰ, ਇਸ ਡ੍ਰਿਲ ਤੋਂ ਲਗਭਗ 30 ਮਿੰਟ ਬਾਅਦ ਜਲ ਸੈਨਾ ਵੱਲੋਂ ਮੋਬਾਈਲ ਰਾਡਾਰ, ਮਿਜ਼ਾਈਲ ਲਾਂਚਰ, ਹਮਲਾਵਰ ਕਿਸ਼ਤੀਆਂ ਅਤੇ ਡਰੋਨਾਂ ਦੀ ਤਾਇਨਾਤੀ ਕੀਤੀ ਗਈ। ਇਹ ਅਭਿਆਸ ਇਸ ਗੱਲ ਦੀ ਮਿਸਾਲ ਸੀ ਕਿ ਜੇਕਰ ਚੀਨ ਸਮੁੰਦਰੀ ਰਸਤੇ ਰਾਹੀਂ ਹਮਲਾ ਕਰਦਾ ਹੈ, ਤਾਂ ਤਾਈਵਾਨ ਉਸ ਦਾ ਮੂੰਹ-ਤੋੜ ਜਵਾਬ ਕਿਵੇਂ ਦੇਵੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।