ਉੱਤਰੀ ਮੋਜ਼ਾਂਬਿਕ ''ਚ ਸ਼ੱਕੀ ਜਿਹਾਦੀਆਂ ਨੇ ਕੀਤਾ 13 ਲੋਕਾਂ ਦਾ ਕਤਲ
03/16/2019 6:46:49 PM
ਮਾਪੁਤੋ— ਮੋਜ਼ਾਂਬਿਕ ਦੇ ਅਸ਼ਾਂਤ ਉੱਤਰੀ ਕਾਬੋ ਡੇਲਗਾਡੋ ਸੂਬੇ 'ਚ ਤਾਜ਼ਾ ਹਮਲਿਆਂ 'ਚ ਘੱਟ ਤੋਂ ਘੱਟ 13 ਨਾਗਰਿਕਾਂ ਦੀ ਮੌਤ ਹੋ ਗਈ। ਸਥਾਨਕ ਸੂਤਰਾਂ ਨੇ ਸ਼ਨੀਵਾਰ ਨੂੰ ਇਹ ਜਾਣਕਾਰੀ ਦਿੱਤੀ ਤੇ ਕਿਹਾ ਕਿ ਇਥੇ ਇਸਲਾਮਿਕ ਕੱਟੜਪੰਥੀਆਂ ਨੇ ਇਕ ਭਾਈਚਾਰੇ ਦੇ ਪੇਂਡੂਆਂ ਨੂੰ ਇਕ ਸਾਲ ਤੱਕ ਦਹਿਸ਼ਤ 'ਚ ਰੱਖਿਆ ਸੀ।
ਸੂਤਰਾਂ ਨੇ ਕਿਹਾ ਕਿ ਵੀਰਵਾਰ ਨੂੰ ਮੋਸਿੰਬੋਆ ਡਾ ਪ੍ਰਾਇਆ ਜ਼ਿਲੇ ਦੇ ਓਲੋ ਪਿੰਡ 'ਚ ਸ਼ਾਮ ਨੂੰ ਹੋਏ ਹਮਲੇ 'ਚ 120 ਤੋਂ ਜ਼ਿਆਦਾ ਘਰਾਂ ਨੂੰ ਨਸ਼ਟ ਕਰ ਦਿੱਤੀ ਗਿਆ। ਇਕ ਸਥਾਨਕ ਨਿਵਾਸੀ ਨੇ ਕਿਹਾ ਕਿ ਤੜਕੇ (ਸ਼ੁੱਕਰਵਾਰ ਨੂੰ) ਦੋ ਹੋਰ ਹਮਲੇ ਕੀਤੇ ਗਏ। ਇਨ੍ਹਾਂ 'ਚੋਂ ਇਕ ਹਮਲਾ ਨਾਬਾਜੋ ਤੇ ਦੂਜਾ ਮਾਕੁਲੋ ਪਿੰਡ 'ਚ ਕੀਤਾ ਗਿਆ, ਜਿਸ 'ਚ ਕੁੱਲ 13 ਪੇਂਡੂਆਂ ਦੀ ਮੌਤ ਹੋਈ। ਕੱਟੜਪੰਥੀ ਇਸਲਾਮੀ ਸੰਗਠਨਾਂ ਨੇ ਪਿਛਲੇ ਸਾਲ ਮੁਸਲਿਮ ਵਧੇਰੇ ਗਿਣਤੀ ਕਾਬੋ ਡੇਲਗਾਡੋ ਸੂਬੇ 'ਚ ਕਈ ਜਾਨਲੇਵਾ ਹਮਲਿਆਂ ਨੂੰ ਅੰਜਾਮ ਦਿੱਤਾ, ਜਿਸ ਕਾਰਨ ਇਲਾਕੇ 'ਚ ਅਸ਼ਾਂਤੀ ਬਣੀ ਹੋਈ ਹੈ।
