ਪਹਿਲੀ ਵਾਰ ਪੁਲਾੜ ''ਚ ਪੁੱਜਾ Starship, 26 ਸੈਟੇਲਾਈਟ ਛੱਡਣ ਤੋਂ ਬਾਅਦ ਪ੍ਰਸ਼ਾਂਤ ਮਹਾਸਾਗਰ ''ਚ ਹੋਇਆ ਬਲਾਸਟ

ਵਾਸ਼ਿੰਗਟਨ/ਟੈਕਸਾਸ : ਐਲਨ ਮਸਕ ਦੀ ਪੁਲਾੜ ਕੰਪਨੀ 'ਸਪੇਸਐਕਸ' (SpaceX) ਦੇ ਵਿਸ਼ਾਲ 'ਸਟਾਰਸ਼ਿਪ' ਰਾਕੇਟ ਨੇ ਆਪਣੀ 14ਵੀਂ ਟੈਸਟ ਉਡਾਣ ਦੌਰਾਨ ਪਹਿਲੀ ਵਾਰ ਧਰਤੀ ਦੇ ਪੰਧ (ਆਰਬਿਟ) ਤੱਕ ਪਹੁੰਚ ਕੇ ਨਵਾਂ ਇਤਿਹਾਸ ਰਚ ਦਿੱਤਾ ਹੈ। ਇਸ ਉਡਾਣ ਦੌਰਾਨ ਸਟਾਰਸ਼ਿਪ ਨੇ ਪੁਲਾੜ ਵਿੱਚ 26 ਸਟਾਰਲਿੰਕ ਸੈਟੇਲਾਈਟ ਵੀ ਸਫਲਤਾਪੂਰਵਕ ਤਾਇਨਾਤ ਕੀਤੇ। ਹਾਲਾਂਕਿ, ਉਡਾਣ ਦੌਰਾਨ ਥ੍ਰਸਟਰ ਵਿੱਚ ਆਈ ਤਕਨੀਕੀ ਖਰਾਬੀ ਕਾਰਨ ਮਿਸ਼ਨ ਨੂੰ ਤੈਅ ਸਮੇਂ ਤੋਂ ਪਹਿਲਾਂ ਖਤਮ ਕਰਨਾ ਪਿਆ, ਜਿਸ ਤੋਂ ਬਾਅਦ ਇਹ ਰਾਕੇਟ ਪ੍ਰਸ਼ਾਂਤ ਮਹਾਸਾਗਰ ਵਿੱਚ ਲੈਂਡਿੰਗ ਦੌਰਾਨ ਧਮਾਕੇ ਨਾਲ ਬਲਾਸਟ ਹੋ ਗਿਆ।

ਮਿਸ਼ਨ ਦੇ ਮੁੱਖ ਵੇਰਵੇ

ਟੈਕਸਾਸ ਤੋਂ ਲਾਂਚਿੰਗ : ਅਮਰੀਕਾ ਦੇ ਟੈਕਸਾਸ ਸਥਿਤ 'ਸਟਾਰਬੇਸ' ਤੋਂ ਲਾਂਚ ਕੀਤਾ ਗਿਆ ਇਹ ਰਾਕੇਟ 124 ਮੀਟਰ ਲੰਬਾ ਸੀ।
ਸੁਪਰ ਹੈਵੀ ਬੂਸਟਰ ਅੱਡ : ਉਡਾਣ ਭਰਨ ਤੋਂ ਕੁਝ ਮਿੰਟਾਂ ਬਾਅਦ ਹੀ 'ਸੁਪਰ ਹੈਵੀ' ਬੂਸਟਰ ਸਟਾਰਸ਼ਿਪ ਨਾਲੋਂ ਸਫਲਤਾਪੂਰਵਕ ਵੱਖ ਹੋ ਗਿਆ ਸੀ।
ਇੰਟਰਨੈੱਟ ਨੈੱਟਵਰਕ ਨੂੰ ਮਿਲੇਗਾ ਵਾਧਾ : ਪੁਲਾੜ ਵਿੱਚ ਛੱਡੇ ਗਏ 26 ਸਟਾਰਲਿੰਕ (V3) ਸੈਟੇਲਾਈਟ ਸਪੇਸਐਕਸ ਦੇ ਗਲੋਬਲ ਇੰਟਰਨੈੱਟ ਨੈੱਟਵਰਕ ਦਾ ਹਿੱਸਾ ਹਨ।

A stunningly beautiful SpaceX Starship rocket lifts off this morning from Starbase. Starship completed its first orbital flight today, deploying functional Starlink satellites in the process pic.twitter.com/f0axUIh6KO

— OC Scanner 🇺🇸 🇺🇸 (@OC_Scanner) September 28, 2026

ਥ੍ਰਸਟਰ ਖਰਾਬ ਹੋਣ ਕਾਰਨ ਬਦਲਣੀ ਪਈ ਯੋਜਨਾ

ਤੈਅ ਯੋਜਨਾ ਮੁਤਾਬਕ ਇਹ ਮਿਸ਼ਨ ਲਗਭਗ 10 ਘੰਟੇ ਚੱਲਣਾ ਸੀ, ਪਰ ਉਡਾਣ ਦੇ 3 ਘੰਟੇ ਤੋਂ ਕੁਝ ਵੱਧ ਸਮੇਂ ਬਾਅਦ ਹੀ ਸਟਾਰਸ਼ਿਪ ਦੇ ਇੱਕ ਥ੍ਰਸਟਰ ਨੇ ਕੰਮ ਕਰਨਾ ਬੰਦ ਕਰ ਦਿੱਤਾ। ਇਸ ਤਕਨੀਕੀ ਖਰਾਬੀ ਕਾਰਨ ਸਪੇਸਐਕਸ ਨੇ ਮਿਸ਼ਨ ਨੂੰ ਤੈਅ ਸਮੇਂ ਤੋਂ ਕਰੀਬ 7 ਘੰਟੇ ਪਹਿਲਾਂ ਹੀ ਖਤਮ ਕਰਨ ਦਾ ਫੈਸਲਾ ਲਿਆ। ਰਾਕੇਟ ਨੇ ਧਰਤੀ ਦੇ ਚੱਕਰ ਲਗਾਉਂਦੇ ਹੋਏ ਭਾਰਤ ਦੇ ਉੱਪਰੋਂ ਵੀ ਗੁਜ਼ਰਨਾ ਸੀ, ਪਰ ਮਿਸ਼ਨ ਜਲਦੀ ਖਤਮ ਹੋਣ ਕਾਰਨ ਅਜਿਹਾ ਨਹੀਂ ਹੋ ਸਕਿਆ। ਕੰਪਨੀ ਨੇ ਯਾਨ ਨੂੰ ਹਵਾਈ (Hawaii) ਨੇੜੇ ਪ੍ਰਸ਼ਾਂਤ ਮਹਾਸਾਗਰ ਵੱਲ ਮੋੜ ਦਿੱਤਾ, ਜਿੱਥੇ ਇਹ ਲੈਂਡਿੰਗ ਸਮੇਂ ਧਮਾਕੇ ਨਾਲ ਨਸ਼ਟ ਹੋ ਗਿਆ।

ਇਹ ਵੀ ਪੜ੍ਹੋ : ਪਲਕ ਝਪਕਦਿਆਂ ਨਦੀ 'ਚ ਸਮਾਇਆ ਪੂਰਾ ਪਹਾੜ ! ਨੇਪਾਲ ’ਚ 24 ਲੋਕਾਂ ਦੀ ਗਈ ਜਾਨ

ਚੰਦਰਮਾ ਅਤੇ ਮੰਗਲ ਮਿਸ਼ਨਾਂ ਲਈ ਵੱਡਾ ਕਦਮ

ਭਾਵੇਂ ਸਟਾਰਸ਼ਿਪ ਆਪਣੀ ਪੂਰੀ ਉਡਾਣ ਯੋਜਨਾ ਪੂਰੀ ਨਹੀਂ ਕਰ ਸਕਿਆ, ਪਰ ਆਰਬਿਟ 'ਚ ਪਹੁੰਚਣਾ ਅਤੇ 26 ਸੈਟੇਲਾਈਟ ਛੱਡਣਾ ਇਸ ਮਿਸ਼ਨ ਦੀਆਂ ਦੋ ਵੱਡੀਆਂ ਪ੍ਰਾਪਤੀਆਂ ਹਨ। ਸਪੇਸਐਕਸ ਇਸ ਰਾਕੇਟ ਸਿਸਟਮ ਨੂੰ ਮੁੜ-ਵਰਤੋਂਯੋਗ (reusable) ਬਣਾ ਰਿਹਾ ਹੈ। ਭਵਿੱਖ ਵਿੱਚ ਇਸ ਰਾਹੀਂ ਇਨਸਾਨਾਂ ਨੂੰ ਚੰਦਰਮਾ ਅਤੇ ਮੰਗਲ ਗ੍ਰਹਿ 'ਤੇ ਭੇਜਣ ਦੀ ਯੋਜਨਾ ਹੈ। ਅਮਰੀਕੀ ਪੁਲਾੜ ਏਜੰਸੀ ਨਾਸਾ (NASA) ਨੇ ਵੀ ਆਪਣੇ 'ਆਰਟੇਮਿਸ ਮਿਸ਼ਨ' (Artemis Mission) ਤਹਿਤ ਪੁਲਾੜ ਯਾਤਰੀਆਂ ਨੂੰ ਚੰਦਰਮਾ ਦੀ ਸਤ੍ਹਾ 'ਤੇ ਉਤਾਰਨ ਲਈ ਸਟਾਰਸ਼ਿਪ ਦੇ ਵਿਸ਼ੇਸ਼ ਵਰਜਨ ਦੀ ਚੋਣ ਕੀਤੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e