ਦੱਖਣੀ ਅਫਰੀਕਾ ਦੀ ਅਰਥਵਿਵਸਥਾ ''ਚ ਆਵੇਗੀ 90 ਸਾਲ ਦੀ ਸਭ ਤੋਂ ਵੱਡੀ ਗਿਰਾਵਟ
06/25/2020 3:32:30 PM
ਜੋਹਾਨਸਬਰਗ- ਕੋਰੋਨਾ ਵਾਇਰਸ ਸੰਕਟ ਕਾਰਨ ਦੱਖਣੀ ਅਫਰੀਕਾ ਦੀ ਅਰਥਵਿਵਸਥਾ ਵਿਚ ਇਸ ਸਾਲ 7.2 ਫੀਸਦੀ ਦੀ ਗਿਰਾਵਟ ਆਉਣ ਦਾ ਖਦਸ਼ਾ ਹੈ।
ਦੱਖਣੀ ਅਫਰੀਕਾ ਦੇ ਵਿੱਤ ਮੰਤਰੀ ਟੀਟੋ ਮੋਂਬੋਨੀ ਨੇ ਵਿਸ਼ੇਸ਼ ਬਜਟ ਪੇਸ਼ ਕਰਦਿਆਂ ਸੰਸਦ ਨੂੰ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ,"ਇਹ ਲਗਭਗ 90 ਸਾਲਾਂ ਵਿਚ ਸਭ ਤੋਂ ਵੱਡੀ ਗਿਰਾਵਟ ਹੋਵੇਗੀ, ਵਸਤੂਆਂ ਦੀਆਂ ਕੀਮਤਾਂ ਵਧੀਆਂ ਹਨ, ਪਰ ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਨਾਲ ਕੁਝ ਭਰਪਾਈ ਹੋਈ ਪਰ ਬਰਾਮਦ 'ਤੇ ਨਿਰਭਰ ਛੋਟੀ ਖੁੱਲ੍ਹੀ ਅਰਥ ਵਿਵਸਥਾ ਗਲੋਬਲ ਮੰਗ' ਚ ਗਿਰਾਵਟ ਅਤੇ ਆਰਥਿਕ ਗਤੀਵਿਧੀਆਂ 'ਤੇ ਰੋਕ ਲਗਾਉਣ ਨਾਲ ਬੁਰੀ ਤਰ੍ਹਾਂ ਪ੍ਰਭਾਵਤ ਹੋਈ ਹੈ।"
ਵਿੱਤ ਮੰਤਰੀ ਨੇ ਕਿਹਾ ਕਿ ਸਾਡੇ ਉੱਤੇ ਕਰਜ਼ੇ ਦਾ ਬੋਝ ਕਾਫ਼ੀ ਵਧਿਆ ਹੈ। ਇਸ ਸਾਲ ਅਸੀਂ ਟੈਕਸ ਵਜੋਂ ਜਿੰਨੇ ਰੈਂਕ ਅਦਾ ਕਰਾਂਗੇ, 21 ਫੀਸਦੀ ਸਾਡੇ ਪੁਰਾਣੇ ਕਰਜ਼ੇ ਦਾ ਵਿਆਜ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਕਰਜ਼ ਦੇ ਉੱਚੇ ਬੋਝ ਕਾਰਨ ਵਿਆਜ ਦਰਾਂ ਉੱਚੀਆਂ ਹੋਣਗੀਆਂ। ਜੇਕਰ ਅਸੀਂ ਕਰਜ਼ਾ ਘੱਟ ਕਰਨ ਵਿਚ ਸਫਲ ਰਹਿੰਦੇ ਹਾਂ ਤਾਂ ਵਿਆਜ ਦਰਾਂ ਹੇਠਾਂ ਆਉਣਗੀਆਂ। ਇਸ ਨਾਲ ਨਿਵੇਸ਼ ਅਤੇ ਵਾਧਾ ਨੂੰ ਉਤਸ਼ਾਹ ਮਿਲੇਗਾ।
