ਅਮਰੀਕਾ ''ਚ ਸ਼ਸ਼ੀ ਥਰੂਰ ਦਾ ਖਾਲਿਸਤਾਨੀ ਸਮਰਥਕਾਂ ਵੱਲੋਂ ਭਾਰੀ ਵਿਰੋਧ, ਤਿਰੰਗੇ ਦਾ ਵੀ ਅਪਮਾਨ

ਵਾਸ਼ਿੰਗਟਨ ਡੀ.ਸੀ. (ਸਰਬਜੀਤ ਸਿੰਘ ਬਨੂੜ)- ਸੰਯੁਕਤ ਰਾਜ ਅਮਰੀਕਾ ਦੀ ਰਾਜਧਾਨੀ ਵਿੱਚ ਭਾਰਤ ਵੱਲੋਂ ਭੇਜੇ ਗਏ ਬਹੁਪੱਖੀ ਸੰਸਦੀ ਦੌਰੇ ਦੌਰਾਨ ਖਾਲਿਸਤਾਨੀ ਸਮਰਥਕਾਂ ਵੱਲੋਂ ਭਾਰਤੀ ਸੰਸਦ ਮੈਂਬਰ ਸ਼ਸ਼ੀ ਥਰੂਰ ਦਾ ਵਿਰੋਧ ਕੀਤਾ ਗਿਆ। ਇਹ ਘਟਨਾ ਨੈਸ਼ਨਲ ਪ੍ਰੈਸ ਬਿਲਡਿੰਗ ਦੇ ਬਾਹਰ ਵਾਪਰੀ, ਜਿੱਥੇ ਸੰਸਦ ਮੈਂਬਰ ਅਮਰੀਕੀ ਰਾਜਨੀਤਿਕਅਧਿਕਾਰੀਆਂ ਨਾਲ ਮੁਲਾਕਾਤਾਂ ਲਈ ਇਕੱਤਰ ਹੋਏ ਸਨ।

ਵਿਰੋਧ ਕਰਨ ਵਾਲੇ ‘ਸਿੱਖਸ ਫਾਰ ਜਸਟਿਸ (SFJ)’ ਨਾਲ ਜੁੜੇ ਹੋਏ ਦੱਸੇ ਜਾ ਰਹੇ ਹਨ, ਜਿਨ੍ਹਾਂ ਨੇ ਥਰੂਰ ਅਤੇ ਭਾਰਤ ਵਿਰੋਧੀ ਨਾਅਰੇ ਲਗਾਏ। ਇੱਕ ਪ੍ਰਦਰਸ਼ਨਕਾਰੀ ਵੱਲੋਂ ਭਾਰਤੀ ਤਿਰੰਗੇ ਨੂੰ ਪਾੜ ਕੇ ਬੇਅਦਬੀ ਕੀਤੀ ਗਈ, ਜਿਸਦੀ ਵੀਡੀਓ ਮੌਕੇ ’ਤੇ ਮੌਜੂਦ ਲੋਕਾਂ ਵੱਲੋਂ ਸੋਸ਼ਲ ਮੀਡੀਆ ’ਤੇ ਸਾਂਝੀ ਕੀਤੀ ਗਈ। ਪ੍ਰਦਰਸ਼ਨਕਾਰੀ ਵੱਲੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਖਿਲਾਫ ਬੋਰਡ ਲਾਏ ਗਏ। ਪ੍ਰਦਰਸ਼ਨਕਾਰੀਆਂ ਨੇ ਪਾਕਿਸਤਾਨੀ, ਅਮਰੀਕਨ ਝੰਡੇ ਚੁੱਕੇ ਹੋਏ ਸਨ। 
ਪ੍ਰਦਰਸ਼ਨਕਾਰੀਆਂ ਦਾ ਕਹਿਣਾ ਸੀ ਕਿ ਉਹ “ਭਾਰਤੀ ਰਾਜ ਦੀ ਜ਼ੁਲਮ ਭਰੀ ਨੀਤੀਆਂ” ਅਤੇ “ਪੰਜਾਬ ਵਿੱਚ ਮਾਨਵ ਅਧਿਕਾਰਾਂ ਦੀ ਉਲੰਘਣਾ” ਦੇ ਵਿਰੋਧ ਵਿਚ ਉਤਰ ਕੇ ਆਏ ਹਨ ਪਰ ਤਿਰੰਗੇ ਦੀ ਬੇਅਦਬੀ ਅਤੇ ਉੱਤਜੇਨਾਤਕਮ ਲਹਜੇ ਨੇ ਇਸ ਪ੍ਰਦਰਸ਼ਨ ਨੂੰ ਨਿਸ਼ਚਿਤ ਤੌਰ ’ਤੇ ਵਿਵਾਦਿਤ ਬਣਾ ਦਿੱਤਾ ਹੈ।

ਥਰੂਰ ਦੀ ਪ੍ਰਤੀਕਿਰਿਆ:

ਸ਼ਸ਼ੀ ਥਰੂਰ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਕਿਹਾ,“ਇਹ ਪ੍ਰਦਰਸ਼ਨ ਭਾਰਤ ਦੇ ਨਾਗਰਿਕ ਅਧਿਕਾਰਾਂ ਨੂੰ ਕਮਜ਼ੋਰ ਕਰਨ ਦੀ ਕੋਸ਼ਿਸ਼ ਹੈ। ਅਸੀਂ ਆਏ ਹਾਂ ਲੋਕਤੰਤਰ ਦੀ ਪੱਖਦਾਰੀ ਅਤੇ ਅਮਨ ਦਾ ਸੁਨੇਹਾ ਲੈ ਕੇ। ਇਹ ਹਮਲੇ ਕਿਸੇ ਨੂੰ ਨਹੀਂ ਡਰਾ ਸਕਦੇ।”

ਭਾਰਤ ਸਰਕਾਰ ਅਤੇ ਵਿਦੇਸ਼ ਮੰਤਰਾਲਾ ਦੀ ਸੰਭਾਵੀ ਪ੍ਰਤੀਕਿਰਿਆ:

ਭਾਰਤ ਸਰਕਾਰ ਵੱਲੋਂ ਅਜੇ ਤੱਕ ਕੋਈ ਆਧਿਕਾਰਿਕ ਬਿਆਨ ਜਾਰੀ ਨਹੀਂ ਕੀਤਾ ਗਿਆ, ਪਰ ਮੰਨਿਆ ਜਾ ਰਿਹਾ ਹੈ ਕਿ ਵਿਦੇਸ਼ ਮੰਤਰਾਲਾ ਅਮਰੀਕੀ ਸਰਕਾਰ ਕੋਲ ਰੋਸ ਪ੍ਰਗਟਾਵੇਗਾ, ਜਿਸ ਤਹਿਤ ਦੂਤਘਰਾਂ ਅਤੇ ਸੰਸਦੀ ਦੌਰੇ ਦੀ ਸੁਰੱਖਿਆ ਨੂੰ ਲੈ ਕੇ ਗੰਭੀਰ ਚਿੰਤਾ ਜਤਾਈ ਜਾਵੇਗੀ। ਦੱਸਣਯੋਗ ਹੈ ਕਿ ਖਾਲਿਸਤਾਨੀ ਸਮਰਥਕ ਵਿਦੇਸ਼ਾਂ ਵਿੱਚ ਲੰਮੇ ਸਮੇਂ ਤੋਂ ਭਾਰਤੀ ਰਾਜਨੀਤਿਕ ਪ੍ਰਤੀਨਿਧੀਆਂ ਅਤੇ ਦੂਤਘਰਾਂ ਦਾ ਵਿਰੋਧ ਕਰ ਰਹੇ ਹਨ। ਕੈਨੇਡਾ, ਯੂ.ਕੇ. ਅਤੇ ਅਮਰੀਕਾ ਵਿੱਚ ਤਿਰੰਗੇ ਦੀ ਬੇਅਦਬੀ ਅਤੇ ਹਿੰਸਕ ਪ੍ਰਦਰਸ਼ਨ ਪਹਿਲਾਂ ਵੀ ਸਾਹਮਣੇ ਆ ਚੁੱਕੇ ਹਨ।

ਪੜ੍ਹੋ ਇਹ ਅਹਿਮ ਖ਼ਬਰ-ਯੂਰਪ ਦੀ ਯਾਤਰਾ ਕਰਨ ਦੇ ਚਾਹਵਾਨਾਂ ਲਈ ਅਹਿਮ ਖ਼ਬਰ

ਸੋਸ਼ਲ ਮੀਡੀਆ ’ਤੇ ਚਰਚਾ

ਜਗਦੀਪ ਸਿੰਘ (@nyjagdeepsingh) ਵੱਲੋਂ ਪੋਸਟ ਕੀਤੀ ਵੀਡੀਓ ਨੂੰ ਹਜ਼ਾਰਾਂ ਲੋਕਾਂ ਨੇ ਵੇਖਿਆ ਹੈ। ਲੋਕਾਂ ਨੇ ਦੋ ਵੱਖ-ਵੱਖ ਧਿਰਾਂ ਵਿੱਚ ਵਿਚਾਰ ਦਿੱਤੇ — ਕੁਝ ਨੇ ਇਹਨੂੰ “ਸੱਚ ਦੀ ਅਵਾਜ਼” ਦੱਸਿਆ, ਤਾਂ ਕਈ ਹੋਰਾਂ ਨੇ ਇਹਨੂੰ “ਭਾਰਤੀ ਵਿਰੋਧੀ” ਕਿਹਾ। ਇਹ ਤਾਜ਼ਾ ਘਟਨਾ ਇਕ ਵੱਡਾ ਕੂਟਨੀਤਿਕ ਮਸਲਾ ਬਣ ਸਕਦੀ ਹੈ, ਜਿਸ ਵਿਚ ਦੋਹਾਂ ਦੇਸ਼ਾਂ ਦੇ ਸੰਬੰਧ ਅਤੇ ਭਾਰਤੀ ਡਾਇਸਪੋਰਾ ਦੀ ਸੁਰੱਖਿਆ ਇੱਕ ਕੇਂਦਰੀ ਮੁੱਦਾ ਬਣ ਸਕਦੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।