ਮਾਣ ਦੀ ਗੱਲ, ਕਈ ਭਾਰਤੀ-ਅਮਰੀਕੀ ਔਰਤਾਂ ਨੂੰ ਕੀਤਾ ਗਿਆ ਸਨਮਾਨਿਤ

ਵਾਸ਼ਿੰਗਟਨ (ਭਾਸ਼ਾ)- ਅਮਰੀਕਾ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਆਈਆਂ ਛੇ ਤੋਂ ਵੱਧ ਉੱਘੀਆਂ ਭਾਰਤੀ-ਅਮਰੀਕੀ ਔਰਤਾਂ ਨੂੰ ਉਨ੍ਹਾਂ ਦੀ ਸ਼ਾਨਦਾਰ ਉਪਲਬਧੀ ਲਈ ‘ਯੂਐਸ ਕੈਪੀਟਲ’ ਵਿਖੇ ਸਨਮਾਨਿਤ ਕੀਤਾ ਗਿਆ। ਅਮਰੀਕੀ ਪ੍ਰਤੀਨਿਧ ਸਦਨ ਦੇ ਮੈਂਬਰ ਡੈਨੀ ਕੇ ਡੇਵਿਸ ਨੇ ਬੁੱਧਵਾਰ ਨੂੰ ਇੱਥੇ ਯੂਐਸ ਕੈਪੀਟਲ ਵਿਖੇ 'ਅਮਰੀਕੀ ਬਹੁ-ਸਥਾਨਕ ਗੱਠਜੋੜ' ਅਤੇ 'ਮਲਟੀਏਥਨਿਕ ਐਡਵਾਈਜ਼ਰੀ ਟਾਸਕ ਫੋਰਸ' ਦੁਆਰਾ ਸਾਂਝੇ ਤੌਰ 'ਤੇ ਆਯੋਜਿਤ ਕਾਂਗਰਸ ਦੇ 10ਵੇਂ ਸਾਲਾਨਾ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਮੌਕੇ ਇਨ੍ਹਾਂ ਉੱਘੀਆਂ ਔਰਤਾਂ ਨੂੰ ਪੁਰਸਕਾਰ ਪ੍ਰਦਾਨ ਕੀਤੇ। 

ਪੜ੍ਹੋ ਇਹ ਅਹਿਮ ਖ਼ਬਰ- ਸਕਾਟਲੈਂਡ: ਹੋਲੀਰੂਡ ਪੈਲੇਸ ਨੂੰ ਯੂਕ੍ਰੇਨੀ ਸ਼ਰਨਾਰਥੀਆਂ ਲਈ ਅਸਥਾਈ ਰਿਹਾਇਸ਼ ਵਜੋਂ ਵਰਤਣ ਦਾ ਸੁਝਾਅ

ਇਸ ਮੌਕੇ ਜਿਹੜੀਆਂ ਭਾਰਤੀ-ਅਮਰੀਕੀ ਔਰਤਾਂ ਨੂੰ ਸਨਮਾਨਿਤ ਕੀਤਾ ਗਿਆ, ਉਹਨਾਂ ਵਿਚ ਨਿਰਮਾਤਾ ਕਲਾਕਾਰ ਰਾਸ਼ਾਨਾ ਸ਼ਾਹ;  ਇੰਡੀਕਾ ਨਿਊਜ਼ ਦੀ ਸੰਸਥਾਪਕ ਅਤੇ ਪੱਤਰਕਾਰ ਰਿਤੂ ਝਾਅ; ਫਿਜ਼ੀਸ਼ੀਅਨ ਡਾ. ਕਲਾਈ ਸੀ ਪਾਰਥੀਬਨ; ਸਮਾਜਿਕ ਕਾਰਕੁਨ ਮਧੂ ਰੋਹਤਗੀ; ਕਲਾਕਾਰ ਇੰਦਰਾਣੀ ਦਾਵਲੁਰੀ; ਪੇਸ਼ਕਾਰ ਨੀਲਿਮਾ ਮਹਿਰਾ ਅਤੇ ਸਮਾਜ ਸੇਵੀ ਸੁਹਾਗ ਮਹਿਤਾ ਸ਼ਾਮਲ ਹਨ। ਇਸ ਮੌਕੇ ਰਿਤੂ ਝਾਅ ਨੇ ਕਿਹਾ ਕਿ ਇਹ ਬਹੁਤ ਮਾਇਨੇ ਰੱਖਦਾ ਹੈ ਜਦੋਂ ਕਿਸੇ ਔਰਤ ਦੀ ਉਸ ਦੇ ਕੰਮ ਲਈ ਸ਼ਲਾਘਾ ਕੀਤੀ ਜਾਂਦੀ ਹੈ। ਅਜਿਹੀ ਪ੍ਰਸ਼ੰਸਾ ਉਸ ਨੂੰ ਆਤਮਵਿਸ਼ਵਾਸ ਦਿੰਦੀ ਹੈ ਜੋ ਉਸ ਨੂੰ ਬਿਹਤਰ ਕਰਨ ਲਈ ਪ੍ਰੇਰਿਤ ਕਰਦੀ ਹੈ ਅਤੇ ਉਸ ਨੂੰ ਹੋਰ ਚੁਣੌਤੀਆਂ ਦਾ ਸਾਹਮਣਾ ਕਰਨ ਦੀ ਹਿੰਮਤ ਦਿੰਦੀ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।