ਕੈਨੇਡਾ ਗਿਆ ਲੁਧਿਆਣਾ ਦਾ ਨੌਜਵਾਨ ਹੋਇਆ ਸੀ ਲਾਪਤਾ, ਹੁਣ ਆਈ ਦਿਲ ਨੂੰ ਝੰਜੋੜ ਦੇਣ ਵਾਲੀ ਖ਼ਬਰ

ਇੰਟਰਨੈਸ਼ਨਲ ਡੈਸਕ- ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਵਿਚ 20 ਮਈ ਤੋਂ ਲਾਪਤਾ ਪਰਮਿੰਦਰ ਸਿੰਘ ਗਰੇਵਾਲ ਦੀ ਲਾਸ਼ ਡੰਕਨ ਨੇੜੇ ਜੰਗਲੀ ਇਲਾਕੇ ਵਿਚੋਂ ਬਰਾਮਦ ਕੀਤੇ ਜਾਣ ਦੀ ਰਿਪੋਰਟ ਸਾਹਮਣੇ ਆਈ ਹੈ। ਲੁਧਿਆਣਾ ਜ਼ਿਲ੍ਹੇ ਦੇ ਪਿੰਡ ਧਰੌੜ ਨਾਲ ਸਬੰਧਤ ਪਰਮਿੰਦਰ ਸਿੰਘ 2023 ਵਿਚ ਵਰਕ ਵੀਜ਼ਾ ’ਤੇ ਕੈਨੇਡਾ ਪੁੱਜਾ ਸੀ ਅਤੇ ਉਸ ਨੇ ਆਪਣੇ ਬਿਹਤਰ ਭਵਿੱਖ ਲਈ ਕੰਮ ਕਰਦਿਆਂ ਦਿਨ-ਰਾਤ ਇਕ ਕਰ ਦਿੱਤਾ। ਪਰਮਿੰਦਰ ਸਿੰਘ (33) ਨੂੰ ਆਖਰੀ ਵਾਰ 23 ਮਈ ਨੂੰ ਡੰਕਨ ਵਿੱਚ ਐਲਨਬੀ ਰੋਡ ਅਤੇ ਸਰਕਾਰੀ ਸਟਰੀਟ ਦੇ ਨੇੜੇ ਦੱਖਣ-ਪੱਛਮ ਵਿੱਚ ਤੁਰਦੇ ਦੇਖਿਆ ਗਿਆ ਸੀ।

ਪੜ੍ਹੋ ਇਹ ਅਹਿਮ ਖ਼ਬਰ-  ਇਸ ਦੇਸ਼ ਨੇ smartphones ਵਰਤਣ 'ਤੇ ਲਾ'ਤੀ ਪਾਬੰਦੀ! 

ਅਚਨਚੇਤ ਲਾਪਤਾ ਹੋਣ ਦੀ ਘਟਨਾ ਨੂੰ ਪੁਲਿਸ ਖ਼ਤਰਨਾਕ ਮੰਨ ਰਹੀ ਸੀ। ਇਸ ਮਗਰੋਂ ਪਰਮਿੰਦਰ ਸਿੰਘ ਦੀ ਭਾਲ ਲਈ ਵੱਖ ਵੱਖ ਪੁਲਿਸ ਮਹਿਕਮਿਆਂ ਤੋਂ ਸਹਿਯੋਗ ਮੰਗਿਆ ਗਿਆ। ਗਰੇਵਾਲ ਦੇ ਭਰਾ, ਗੁਰਵਿੰਦਰ ਸਿੰਘ (ਜਿੰਮੀ) ਧਰੌੜ ਨੇ ਦੱਸਿਆ ਕਿ ਉਸਨੂੰ ਮੰਗਲਵਾਰ (16 ਜੂਨ) ਨੂੰ ਵਿਕਟੋਰੀਆ ਪੁਲਿਸ ਦੁਆਰਾ ਸੂਚਿਤ ਕੀਤਾ ਗਿਆ ਕਿ ਲਾਸ਼ ਲੱਭ ਲਈ ਗਈ ਹੈ। ਵਿਕਟੋਰੀਆ ਪੁਲਿਸ ਨੂੰ ਉਸਦੀ ਲਾਸ਼ ਡੰਕਨ ਦੇ ਨੇੜੇ ਇੱਕ ਜੰਗਲੀ ਖੇਤਰ ਵਿੱਚ ਮਿਲੀ। ਇਸ ਅਚਾਨਕ ਅਤੇ ਵੱਡੇ ਨੁਕਸਾਨ ਨੇ ਸਾਡੇ ਪਰਿਵਾਰ ਨੂੰ ਦਿਲ ਤੋੜ ਦਿੱਤਾ ਹੈ ਅਤੇ ਉਹ ਅਣਕਿਆਸੇ ਦਰਦ ਨਾਲ ਜੂਝਣ ਲਈ ਸੰਘਰਸ਼ ਕਰ ਰਿਹਾ ਹੈ ।ਬਰੈਂਪਟਨ ਦੇ ਗੁਰਵਿੰਦਰ ਸਿੰਘ ਜਿੰਮੀ ਧਰੌੜ ਵੱਲੋਂ ਪਰਮਿੰਦਰ ਦੀ ਦੇਹ ਪੰਜਾਬ ਭੇਜਣ ਲਈ ਗੋਫੰਡਮੀ ਪੇਜ ਸਥਾਪਤ ਕੀਤਾ ਗਿਆ ਹੈ। ਬੁੱਧਵਾਰ ਦੁਪਹਿਰ ਤੱਕ 16,000 ਡਾਲਰ ਦੇ ਫੰਡ ਇਕੱਠਾ ਕਰਨ ਦੇ ਟੀਚੇ ਵਿੱਚੋਂ ਲਗਭਗ 7,400 ਡਾਲਰ ਇਕੱਠੇ ਹੋ ਚੁੱਕੇ ਸਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।