ਟਰੰਪ ਦਾ ਸਹੀ ਸਵਾਗਤ ਨਾ ਕਰਨ ''ਤੇ ਮਹਾਰਾਣੀ ਨੇ ਝਿੜਕ ਦਿੱਤੀ ਲਾਡਲੀ ਰਾਜਕੁਮਾਰੀ! (Video)

ਲੰਡਨ- ਇੰਟਰਨੈੱਟ 'ਤੇ ਮਹਾਰਾਣੀ ਐਲੀਜ਼ਾਬੇਥ ਦਾ ਇਕ ਵੀਡੀਓ ਜੰਮ ਕੇ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿਚ ਉਹਨਾਂ ਦੇ ਨਾਲ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਤੇ ਉਹਨਾਂ ਦੀ ਪਤਨੀ ਮੇਲਾਨੀਆ ਟਰੰਪ ਵੀ ਨਜ਼ਰ ਆ ਰਹੀ ਹੈ। ਵੀਡੀਓ ਵਿਚ ਨਜ਼ਰ ਆ ਰਿਹਾ ਹੈ ਕਿ ਬ੍ਰਿਟੇਨ ਦੀ ਰਾਜਕੁਮਾਰੀ ਐਨੀ, ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਠੀਕ ਤਰੀਕੇ ਨਾਲ ਸਵਾਗਤ ਨਹੀਂ ਕਰ ਸਕੀ। ਜੋ ਵੀਡੀਓ ਸਾਹਮਣੇ ਆਈ ਹੈ ਉਹ ਬਕਿੰਘਮ ਪੈਲੇਸ ਦੀ ਹੈ।

ਮਹਾਰਾਣੀ ਐਲੀਜ਼ਾਬੇਥ-ਦੂਜੀ ਨੇ ਮੰਗਲਵਾਰ ਨੂੰ ਨਾਟੋ ਲੀਡਰਾਂ ਦੇ ਲਈ ਇਕ ਰਿਸੈਪਸ਼ਨ ਦਾ ਆਯੋਜਨ ਕੀਤਾ ਸੀ। ਫੁਟੇਜ ਵਿਚ ਸਾਫ ਦਿਖ ਰਿਹਾ ਹੈ ਕਿ ਇਸ ਗੱਲ ਨੂੰ ਲੈ ਕੇ ਮਹਾਰਾਣੀ ਤੇ ਉਸ ਦੀ ਇਕਲੌਤੀ ਬੇਟੀ ਰਾਜਕੁਮਾਰੀ ਐਨੀ ਦੇ ਵਿਚਾਲੇ ਹਲਕੀ-ਫੁਲਕੀ ਨੋਂਕ-ਝੋਂਕ ਹੋ ਰਹੀ ਹੈ। ਡੇਲੀ ਮੇਲ ਦੇ ਮੁਤਾਬਕ ਵੀਡੀਓ ਵਿਚ ਮਹਾਰਾਣੀ ਆਪਣੇ ਬੇਟੇ ਪ੍ਰਿੰਸ ਚਾਰਲਸ ਤੇ ਉਸ ਦੀ ਪਤਨੀ ਕੈਮਿਲਾ, ਜਿਹਨਾਂ ਨੂੰ ਡੱਚਸ ਆਫ ਕਾਰਨਵਾਲ ਕਹਿੰਦੇ ਹਨ, ਦੇ ਨਾਲ ਡੋਨਾਲਡ ਟਰੰਪ ਤੇ ਮੇਲਾਨੀਆ ਟਰੰਪ ਦਾ ਸਵਾਗਤ ਕਰ ਰਹੀ ਹੈ। ਸ਼ਾਹੀ ਪਰਿਵਾਰ ਜਿਥੇ ਟਰੰਪ ਤੇ ਉਹਨਾਂ ਦੀ ਪਤਨੀ ਦੇ ਨਾਲ ਹੱਥ ਮਿਲਾਉਂਦੇ ਹਨ, ਉਥੇ ਹੀ ਰਾਜਕੁਮਾਰੀ ਐਨੀ ਪੈਲੇਸ ਦੇ ਸਟੇਟ ਰੂਮਸ ਵਿਚ ਜਾਣ ਲਈ ਦਰਵਾਜ਼ੇ ਦੇ ਕੋਲ ਇੰਤਜ਼ਾਰ ਕਰ ਰਹੀ ਹੈ।

In a now-viral video, Queen Elizabeth can be seen greeting President Trump and first lady Melania Trump while Princess Anne is standing to the side of the group. Queen Elizabeth then appears to gesture toward her daughter, who appears to shrug in response pic.twitter.com/LPGLvXTep0

— Reuters (@Reuters) December 4, 2019

ਟਰੰਪ ਜੋੜੇ ਦਾ ਸਵਾਗਤ ਕਰਨ ਤੋਂ ਬਾਅਦ ਮਹਾਰਾਣੀ ਆਪਣੀ ਬੇਟੀ ਵੱਲ ਦੇਖਦੀ ਹੈ ਤੇ ਜੋੜੇ ਦਾ ਸਵਾਗਤ ਕਰਨ ਲਈ ਕਹਿੰਦੀ ਹੈ ਤੇ 69 ਸਾਲਾ ਰਾਜਕੁਮਾਰੀ ਆਪਣੀ ਮਾਂ ਨੂੰ ਕੁਝ ਜਵਾਬ ਦਿੰਦੀ ਹੈ। ਹਾਲਾਂਕਿ ਇਹ ਸਾਫ ਨਹੀਂ ਹੋ ਸਕਿਆ ਕਿ ਰਾਜਕੁਮਾਰੀ ਨੇ ਕੀ ਕਿਹਾ ਪਰ ਗੱਲਬਾਤ ਨੋਂਕ-ਝੋਂਕ ਵਾਲੀ ਲੱਗ ਰਹੀ ਹੈ। ਇਸ ਵੀਡੀਓ ਵਿਚ ਬ੍ਰਿਟੇਨ, ਕੈਨੇਡਾ, ਫਰਾਂਸ ਤੇ ਨੀਦਰਲੈਂਡ ਦੇ ਨੇਤਾ ਟਰੰਪ ਦਾ ਮਜ਼ਾਕ ਉਡਾਉਂਦੇ ਹੋਏ ਵੀ ਨਜ਼ਰ ਆ ਰਹੇ ਹਨ।