ਲਾਓਸ-ਚੀਨ ਵਿਚਕਾਰ ਰੇਲਮਾਰਗ ਖੁੱਲ੍ਹਣ ਦੀ ਤਿਆਰੀ
12/02/2021 6:18:05 PM
ਬੀਜਿੰਗ (ਭਾਸ਼ਾ)- ਚੀਨ, ਵੀਅਤਨਾਮ ਅਤੇ ਥਾਈਲੈਂਡ ਨਾਲ ਘਿਰਿਆ 70 ਲੱਖ ਦੀ ਆਬਾਦੀ ਵਾਲਾ ਦੇਸ਼ ਲਾਓਸ ਚੀਨ ਦੁਆਰਾ ਬਣਾਇਆ ਗਿਆ ਰੇਲਮਾਰਗ ਖੋਲ੍ਹਣ ਜਾ ਰਿਹਾ ਹੈ। 5.9 ਬਿਲੀਅਨ ਡਾਲਰ ਵਿਚ ਬਣਿਆ ਇਹ ਰੇਲਮਾਰਗ ਚੀਨ ਦੇ ਗਰੀਬ ਮੰਨੇ ਜਾਣ ਵਾਲੇ ਦੱਖਣੀ-ਪੱਛਮੀ ਹਿੱਸੇ ਨੂੰ ਵਿਦੇਸ਼ੀ ਬਾਜ਼ਾਰਾਂ ਲਈ ਖੋਲ੍ਹ ਦੇਵੇਗਾ।
ਪੜ੍ਹੋ ਇਹ ਅਹਿਮ ਖ਼ਬਰ- ਅਮਰੀਕਾ : ਵੀਜ਼ਾ ਲੈਣ ਗਈ ਔਰਤ 'ਤੇ ਭੜਕਿਆ ਭਾਰਤੀ ਅਫਸਰ, ਵੀਡੀਓ ਵਾਇਰਲ
ਰੇਲਮਾਰਗ ਦਾ ਨਿਰਮਾਣ ਚੀਨ ਦੇ ਬੈਲਟ ਐਂਡ ਰੋਡ ਇਨੀਸ਼ੀਏਟਿਵ ਦੇ ਤਹਿਤ ਕੀਤਾ ਗਿਆ ਹੈ, ਜਿਸਦਾ ਉਦੇਸ਼ ਪੂਰੇ ਏਸ਼ੀਆ, ਅਫਰੀਕਾ ਅਤੇ ਪ੍ਰਸ਼ਾਂਤ ਵਿੱਚ ਬੰਦਰਗਾਹਾਂ, ਰੇਲਮਾਰਗਾਂ ਅਤੇ ਹੋਰ ਸਹੂਲਤਾਂ ਦਾ ਨਿਰਮਾਣ ਕਰਕੇ ਵਪਾਰ ਨੂੰ ਹੁਲਾਰਾ ਦੇਣਾ ਹੈ। ਲੱਗਭਗ 1,035 ਕਿਲੋਮੀਟਰ ਲੰਬਾ ਰੇਲ ਮਾਰਗ ਇਸ ਹਫ਼ਤੇ ਖੋਲ੍ਹਿਆ ਜਾਵੇਗਾ ਪਰ ਮਹਾਮਾਰੀ ਵਿਰੋਧੀ ਯਾਤਰਾ ਪਾਬੰਦੀਆਂ ਕਾਰਨ, ਯਾਤਰੀ ਨਿਯਮਿਤ ਤੌਰ 'ਤੇ ਇਸ 'ਤੇ ਯਾਤਰਾ ਕਰਨ ਦੇ ਯੋਗ ਨਹੀਂ ਹੋਣਗੇ। Kunimang-Vientiane ਨਾਮ ਦਾ ਇਹ ਰੇਲਮਾਰਗ ਭਵਿੱਖ ਵਿੱਚ ਚੀਨ ਨੂੰ ਥਾਈਲੈਂਡ, ਵੀਅਤਨਾਮ, ਮਿਆਂਮਾਰ, ਮਲੇਸ਼ੀਆ ਅਤੇ ਸਿੰਗਾਪੁਰ ਨਾਲ ਜੋੜ ਸਕਦਾ ਹੈ।
