ਫਰਾਂਸ ’ਚ ਮਸਜਿਦਾਂ ਦੇ ਬਾਹਰ ਸੁੱਟੇ ਸੂਰਾਂ ਦੇ ਸਿਰ
Thursday, Sep 11, 2025 - 01:28 AM (IST)
ਪੈਰਿਸ - ਫਰਾਂਸ ’ਚ ਮੁਸਲਮਾਨਾਂ ਵਿਰੁੱਧ ਨਫ਼ਰਤ ਦਾ ਇਕ ਅਨੋਖਾ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਰਾਜਧਾਨੀ ਪੈਰਿਸ ਅਤੇ ਇਸ ਦੇ ਆਸ ਪਾਸ ਦੇ ਇਲਾਕਿਆਂ ਵਿਚ ਘੱਟੋ-ਘੱਟ 9 ਮਸਜਿਦਾਂ ਦੇ ਬਾਹਰ ਸੂਰਾਂ ਦੇ ਸਿਰ ਸੁੱਟੇ ਗਏ। ਇਨ੍ਹਾਂ ਵਿਚੋਂ 5 ’ਤੇ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕ੍ਰੋਂ ਦਾ ਨਾਂ ਲਿਖਿਆ ਹੋਇਆ ਸੀ।
ਇਹ ਪਤਾ ਨਹੀਂ ਲੱਗਾ ਕਿ ਇਸ ਘਟਨਾ ਪਿੱਛੇ ਕੌਣ ਹੈ ਪਰ ਅਧਿਕਾਰੀਆਂ ਨੇ ਵਧਦੀ ਇਸਲਾਮ ਵਿਰੋਧੀ ਭਾਵਨਾ ਵਿਚਕਾਰ ਫਰਾਂਸ ਦੀ ਮੁਸਲਿਮ ਆਬਾਦੀ ਪ੍ਰਤੀ ਸਮਰਥਨ ਦਾ ਵਾਅਦਾ ਕੀਤਾ ਹੈ। ਫਰਾਂਸ ’ਚ 60 ਲੱਖ ਤੋਂ ਵੱਧ ਮੁਸਲਿਮ ਆਬਾਦੀ ਰਹਿੰਦੀ ਹੈ।
