ਸਭ ਤੋਂ ਜ਼ਿਆਦਾ ਚਾਹ ਪੀਂਦੇ ਨੇ ਇਸ ਮੁਸਲਿਮ ਦੇਸ਼ ਦੇ ਲੋਕ, ਇੱਥੇ ਸਾਲ 'ਚ ਇਕ ਸ਼ਖਸ ਪੀ ਲੈਂਦਾ ਹੈ ਇੰਨੀ ਚਾਹ

ਇੰਟਰਨੈਸ਼ਨਲ ਡੈਸਕ : ਭਾਰਤ ਵਿਚ ਜ਼ਿਆਦਾਤਰ ਲੋਕਾਂ ਦੇ ਦਿਨ ਦੀ ਸ਼ੁਰੂਆਤ ਚਾਹ ਨਾਲ ਹੁੰਦੀ ਹੈ। ਕੁਝ ਲੋਕ ਇਸ ਦੇ ਇੰਨੇ ਸ਼ੌਕੀਨ ਹੁੰਦੇ ਹਨ ਕਿ ਉਹ ਉੱਠਣ ਦੇ ਤੁਰੰਤ ਬਾਅਦ ਇਸ ਨੂੰ ਬਿਸਤਰੇ 'ਤੇ ਚਾਹੁੰਦੇ ਹਨ। ਤੁਸੀਂ ਚਾਹ ਨੂੰ ਭਾਰਤ ਵਿਚ ਸਭ ਤੋਂ ਮਸ਼ਹੂਰ ਪੀਣ ਵਾਲਾ ਪਦਾਰਥ ਕਹਿ ਸਕਦੇ ਹੋ।

ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਦੁਨੀਆ ਵਿਚ ਚਾਹ ਸਭ ਤੋਂ ਵੱਧ ਕਿੱਥੇ ਪੀਤੀ ਜਾਂਦੀ ਹੈ? ਉਪਰਲੇ ਸਿਰਲੇਖ ਵਿਚ ਲਿਖਿਆ ਹੈ ਕਿ ਇਕ ਮੁਸਲਿਮ ਦੇਸ਼ ਵਿਚ ਸਭ ਤੋਂ ਵੱਧ ਚਾਹ ਪੀਤੀ ਜਾਂਦੀ ਹੈ, ਜੇਕਰ ਤੁਸੀਂ ਇਹ ਸੋਚ ਰਹੇ ਹੋ ਕਿ ਉਹ ਮੁਸਲਿਮ ਦੇਸ਼ ਭਾਰਤ ਦਾ ਗੁਆਂਢੀ ਦੇਸ਼ ਪਾਕਿਸਤਾਨ ਹੈ ਤਾਂ ਤੁਸੀਂ ਗਲਤ ਹੋ। ਆਓ ਤੁਹਾਨੂੰ ਇਸ ਬਾਰੇ ਵਿਸਥਾਰ ਨਾਲ ਦੱਸਦੇ ਹਾਂ। ਇਸ ਦੇ ਨਾਲ ਹੀ ਅਸੀਂ ਤੁਹਾਨੂੰ ਇਹ ਵੀ ਦੱਸਾਂਗੇ ਕਿ ਚਾਹ ਦਾ ਇਤਿਹਾਸ ਕਿੰਨਾ ਪੁਰਾਣਾ ਹੈ।

ਇਹ ਵੀ ਪੜ੍ਹੋ : ਹੋਸਟਲ 'ਚ ਰਾਤ ਦੇ ਖਾਣੇ ਤੋਂ ਬਾਅਦ ਵਿਦਿਆਰਥਣਾਂ ਦੀ ਸਿਹਤ ਵਿਗੜੀ, 50 ਨੂੰ ਕਰਾਇਆ ਹਸਪਤਾਲ ਦਾਖ਼ਲ

ਸਭ ਤੋਂ ਜ਼ਿਆਦਾ ਚਾਹ ਕਿੱਥੇ ਪੀਤੀ ਜਾਂਦੀ ਹੈ?
ਜੇਕਰ ਚਾਹ ਦੇ ਉਤਪਾਦਨ ਦੀ ਗੱਲ ਕਰੀਏ ਤਾਂ ਭਾਰਤ ਦੁਨੀਆ 'ਚ ਦੂਜੇ ਨੰਬਰ 'ਤੇ ਹੈ, ਜਦਕਿ ਚੀਨ ਪਹਿਲੇ ਨੰਬਰ 'ਤੇ ਹੈ। ਪਰ ਜਦੋਂ ਚਾਹ ਪੀਣ ਦੀ ਗੱਲ ਆਉਂਦੀ ਹੈ ਤਾਂ ਇਸ ਮਾਮਲੇ ਵਿਚ ਤੁਰਕੀ ਦੀ ਜਿੱਤ ਹੁੰਦੀ ਹੈ। ਦਰਅਸਲ, ਤੁਰਕੀ ਵਿਚ ਚਾਹ ਦੀ ਖਪਤ ਸਭ ਤੋਂ ਵੱਧ ਹੈ। ਵਰਲਡ ਆਫ ਸਟੈਟਿਸਟਿਕਸ ਦੁਆਰਾ ਜਾਰੀ ਕੀਤੇ ਗਏ ਅੰਕੜਿਆਂ ਅਨੁਸਾਰ, ਤੁਰਕੀ ਵਿਚ ਚਾਹ ਦੀ ਸਾਲਾਨਾ ਪ੍ਰਤੀ ਵਿਅਕਤੀ ਖਪਤ 3.16 ਕਿਲੋਗ੍ਰਾਮ ਹੈ। ਚਾਹ ਉਤਪਾਦਨ ਵਿਚ ਤੁਰਕੀ ਦੁਨੀਆ ਵਿਚ 5ਵੇਂ ਸਥਾਨ 'ਤੇ ਹੈ। ਚਾਹ ਦੀ ਖਪਤ ਵਿਚ ਆਇਰਲੈਂਡ ਦੂਜੇ ਸਥਾਨ 'ਤੇ ਹੈ। ਇੱਥੇ ਚਾਹ ਦੀ ਸਾਲਾਨਾ ਪ੍ਰਤੀ ਵਿਅਕਤੀ ਖਪਤ 2.19 ਕਿਲੋਗ੍ਰਾਮ ਹੈ। ਉਥੇ ਹੀ ਬ੍ਰਿਟੇਨ ਤੀਜੇ ਨੰਬਰ 'ਤੇ ਹੈ।

ਬਰਤਾਨੀਆ ਵਿਚ ਪ੍ਰਤੀ ਵਿਅਕਤੀ ਚਾਹ ਦੀ ਖਪਤ 1.94 ਕਿਲੋਗ੍ਰਾਮ ਹੈ। ਜਦਕਿ ਪਾਕਿਸਤਾਨ ਇਸ ਸੂਚੀ ਵਿੱਚ ਚੌਥੇ ਨੰਬਰ 'ਤੇ ਹੈ। ਇੱਥੇ ਚਾਹ ਦੀ ਖਪਤ 1.50 ਕਿਲੋ ਪ੍ਰਤੀ ਵਿਅਕਤੀ ਹੈ। ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਦੁਨੀਆ ਵਿਚ ਸਭ ਤੋਂ ਵੱਧ ਚਾਹ ਪੈਦਾ ਕਰਨ ਵਾਲੇ ਚੀਨ ਅਤੇ ਭਾਰਤ ਟਾਪ 10 ਵਿਚ ਵੀ ਨਹੀਂ ਹਨ। ਭਾਰਤ ਟਾਪ-20 'ਚ ਵੀ ਨਹੀਂ ਹੈ। ਇਸ ਸੂਚੀ 'ਚ ਚੀਨ 19ਵੇਂ ਨੰਬਰ 'ਤੇ ਹੈ, ਜਦਕਿ ਭਾਰਤ 23ਵੇਂ ਨੰਬਰ 'ਤੇ ਹੈ। ਚੀਨ ਵਿਚ ਚਾਹ ਦੀ ਸਾਲਾਨਾ ਪ੍ਰਤੀ ਵਿਅਕਤੀ ਖਪਤ 0.57 ਕਿਲੋਗ੍ਰਾਮ ਹੈ, ਜਦੋਂਕਿ ਭਾਰਤ ਵਿਚ ਚਾਹ ਦੀ ਸਾਲਾਨਾ ਖਪਤ 0.32 ਕਿਲੋ ਪ੍ਰਤੀ ਵਿਅਕਤੀ ਹੈ।

ਇਹ ਵੀ ਪੜ੍ਹੋ : ਜੇਕਰ ਇਹ ਡਾਕੂਮੈਂਟ ਜਮ੍ਹਾਂ ਨਹੀਂ ਕਰਾਇਆ ਤਾਂ ਬੰਦ ਹੋ ਜਾਵੇਗੀ ਪੈਨਸ਼ਨ, ਆਖ਼ਰੀ ਤਰੀਕ ਤੋਂ ਪਹਿਲਾਂ ਕਰੋ ਸਬਮਿਟ

ਕੀ ਹੈ ਚਾਹ ਦਾ ਇਤਿਹਾਸ 
ਕਿਹਾ ਜਾਂਦਾ ਹੈ ਕਿ ਚਾਹ ਦਾ ਇਤਿਹਾਸ ਲਗਭਗ 4800 ਸਾਲ ਪੁਰਾਣਾ ਹੈ। ਚਾਹ ਦੀ ਕਾਢ ਬਾਰੇ ਇਕ ਕਹਾਣੀ ਇਹ ਹੈ ਕਿ 2732 ਈ. ਪੂ. ਚੀਨ ਵਿਚ ਸ਼ੇਨ ਨੁੰਗ ਨਾਂ ਦਾ ਇਕ ਸ਼ਾਸਕ ਹੋਇਆ ਕਰਦਾ ਸੀ। ਸਰਦੀਆਂ ਦਾ ਮੌਸਮ ਸੀ ਅਤੇ ਉਹ ਆਪਣੇ ਬਗੀਚੇ ਵਿਚ ਆਰਾਮ ਨਾਲ ਧੁੱਪ ਸੇਕ ਰਿਹਾ ਸੀ। ਜਦੋਂ ਉਸ ਨੂੰ ਪਿਆਸ ਲੱਗੀ ਤਾਂ ਉਸਨੇ ਆਪਣੇ ਨੌਕਰ ਨੂੰ ਗਰਮ ਪਾਣੀ ਦੇਣ ਲਈ ਕਿਹਾ। ਨੌਕਰ ਉਸ ਲਈ ਪਾਣੀ ਗਰਮ ਕਰ ਰਹੇ ਸਨ ਕਿ ਅਚਾਨਕ ਇਕ ਪੱਤਾ ਉਸ ਵਿਚ ਡਿੱਗ ਗਿਆ। ਲੋਕਾਂ ਨੇ ਇਸ ਵੱਲ ਧਿਆਨ ਨਾ ਦਿੱਤਾ ਅਤੇ ਰਾਜੇ ਨੇ ਪਾਣੀ ਪੀ ਲਿਆ।

ਪਰ ਇਸ ਵਾਰ ਪਾਣੀ ਦਾ ਸੁਆਦ ਵੱਖਰਾ ਸੀ ਅਤੇ ਇਸ ਦਾ ਰੰਗ ਵੀ ਵੱਖਰਾ ਸੀ। ਇਸ ਡਰਿੰਕ ਨੂੰ ਪੀਣ ਤੋਂ ਬਾਅਦ ਰਾਜਾ ਆਪਣੇ ਅੰਦਰ ਊਰਜਾਵਾਨ ਮਹਿਸੂਸ ਕਰ ਰਿਹਾ ਸੀ। ਗਰਮ ਪਾਣੀ ਦਾ ਘੜਾ ਦੇਖਿਆ ਤਾਂ ਉਸ ਵਿਚ ਇਕ ਪੱਤਾ ਸੀ, ਜਿਸ ਦੇ ਪੱਤੇ ਬਾਗ ਵਿਚ ਉੱਗ ਰਹੇ ਸਨ। ਕਿਹਾ ਜਾਂਦਾ ਹੈ ਕਿ ਇਸ ਤੋਂ ਬਾਅਦ ਚੀਨ ਵਿਚ ਹਰ ਕਿਸੇ ਨੇ ਇਸ ਪੱਤੇ ਨੂੰ ਉਬਾਲ ਕੇ ਪੀਣਾ ਸ਼ੁਰੂ ਕਰ ਦਿੱਤਾ ਅਤੇ ਬਾਅਦ ਵਿਚ ਇਹ ਚਾਹ ਦੇ ਨਾਂ ਨਾਲ ਪੂਰੀ ਦੁਨੀਆ ਵਿਚ ਮਸ਼ਹੂਰ ਹੋ ਗਈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8