''ਸਿੰਗਾਪੁਰ ''ਚ ਕੋਰੋਨਾ ਦੇ ਵਧਦੇ ਮਾਮਲਿਆਂ ਦਰਮਿਆਨ ਪਾਬੰਦੀਆਂ ''ਚ ਕੋਈ ਹੋਰ ਢਿੱਲ ਨਹੀਂ ਦਿੱਤੀ ਜਾਵੇਗੀ''
09/03/2021 11:19:59 PM
ਸਿੰਗਾਪੁਰ-ਸਿੰਗਾਪੁਰ 'ਚ ਕੋਵਿਡ-19 ਦੇ ਮਾਮਲਿਆਂ 'ਚ ਹਾਲ ਹੀ 'ਚ ਵਾਧੇ ਦਰਮਿਆਨ ਵਿੱਤ ਮੰਤਰੀ ਲਾਰੈਂਸ ਵੋਂਗ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਉਨ੍ਹਾਂ ਦਾ ਦੇਸ਼ ਵੱਖ-ਵੱਖ ਤਰ੍ਹਾਂ ਦੀਆਂ ਗਤੀਵਿਧੀਆਂ ਨੂੰ ਸ਼ੁਰੂ ਕਰਨ ਦੀ ਇਜਾਜ਼ਤ ਦੇਣ ਨੂੰ ਲੈ ਕੇ ਮੌਜੂਦਾ ਤਿਆਰੀਆਂ ਦੀ ਸਥਿਤੀ 'ਚ ਰਹੇਗਾ ਅਤੇ ਉਹ ਇਸ ਮਹਾਮਾਰੀ ਨੂੰ ਕੰਟਰੋਲ 'ਚ ਰੱਖਣ ਲਈ ਟੀਕਾਕਰਨ ਅਤੇ ਸਿਖਲਾਈ 'ਤੇ ਭਰੋਸਾ ਬਣਾਏ ਰੱਖੇਗਾ।
ਇਹ ਵੀ ਪੜ੍ਹੋ : ਅਮਰੀਕਾ 'ਚ ਹੜ੍ਹਾਂ ਨੇ ਮਚਾਈ ਤਬਾਹੀ, ਹੋਈਆਂ ਦਰਜਨਾਂ ਮੌਤਾਂ
ਸਿੰਗਾਪੁਰ 'ਚ ਕੋਵਿਡ-19 ਦੀ ਸਥਿਤੀ 'ਤੇ ਵੋਂਗ ਨੇ ਕਿਹਾ ਕਿ ਫਿਲਹਾਲ ਪਾਬੰਦੀਆਂ 'ਚ ਨਾ ਢਿੱਲ ਦੇਣ ਦੀ ਅਤੇ ਨਾ ਹੀ ਉਨ੍ਹਾਂ ਨੂੰ ਸਖਤ ਕਰਨ ਦੀ ਯੋਜਨਾ ਹੈ ਕਿਉਂਕਿ ਉਨ੍ਹਾਂ ਦਾ ਦੇਸ਼ ਇਸ ਬੀਮਾਰੀ ਨਾਲ ਜਿਉਣ ਦੀ ਸਥਿਤੀ ਵੱਲ ਕਦਮ ਵਧਾ ਚੁੱਕਿਆ ਹੈ। ਇਕ ਖਬਰ ਮੁਤਾਬਕ ਵੋਂਗ ਦੀ ਸਹਿ-ਪ੍ਰਧਾਨਗੀ ਵਾਲਾ ਬਹੁ-ਮੰਤਰਾਲਾ ਟਾਸਕ ਫੋਰਸ ਸਿਹਤ ਪ੍ਰਣਾਲੀ ਨੂੰ ਬਹੁਤ ਜ਼ਿਆਦਾ ਭਾਰ ਤੋਂ ਬਚਾਉਣ ਦੇ 'ਆਖਿਰੀ ਉਪਾਅ' ਦੇ ਤੌਰ 'ਤੇ ਹੀ ਪਾਬੰਦੀਆਂ ਨੂੰ ਸਖਤ ਕਰੇਗਾ।
ਇਹ ਵੀ ਪੜ੍ਹੋ : ਯੂਰਪੀਅਨ ਯੂਨੀਅਨ ਦੇ ਮੰਤਰੀਆਂ ਨੇ ਤਾਲਿਬਾਨ ਨਾਲ ਸੰਬੰਧਾਂ ਲਈ ਤੈਅ ਕੀਤੀਆਂ ਸ਼ਰਤਾਂ
ਟਾਸਕ ਫੋਰਸ 'ਚ ਆਪਣੇ ਸਹਿ-ਪ੍ਰਧਾਨਾਂ-ਵਪਾਰ ਅਤੇ ਉਦਯੋਗ ਮੰਤਰੀ ਗਾਨ ਕਿਮ ਯੋਂਗ ਅਤੇ ਸਿਹਤ ਮੰਤਰੀ ਓਂਗ ਯੇ ਕੁੰਗ ਨਾਲ ਡਿਜੀਟਲ ਪ੍ਰੈੱਸ ਕਾਨਫਰੰਸ 'ਚ ਵੋਂਗ ਨੇ ਕਿਹਾ ਕਿ ਟਾਸਕ ਫੋਰਸ ਪਾਬੰਦੀਆਂ 'ਚ ਢਿੱਲ ਨਹੀਂ ਦੇਵੇਗਾ ਅਤੇ ਉਹ ਇਨਫੈਕਸ਼ਨ ਦੇ ਸ਼ੁਰੂ ਹੋਣ ਨਾਲ ਗੰਭੀਰ ਤੌਰ 'ਤੇ ਧਾਰਨ ਕਰਨ ਦੀ ਸਮਾਂ-ਮਿਆਦ 'ਤੇ ਧਿਆਨ ਦੇਵੇਗਾ। ਸ਼ੁੱਕਰਵਾਰ ਨੂੰ ਸਿੰਗਾਪੁਰ 'ਚ ਕੋਵਿਡ-19 ਦੇ 219 ਨਵੇਂ ਮਾਮਲੇ ਅਤੇ ਇਨਫੈਕਟਿਡਾਂ ਦੀ ਗਿਣਤੀ 68,210 ਤੱਕ ਪਹੁੰਚ ਗਈ। ਦੇਸ਼ 'ਚ 55 ਲੋਕ ਇਸ ਇਨਫੈਕਸ਼ਨ ਤੋਂ ਜਾਨ ਗੁਆ ਚੁੱਕੇ ਹਨ। ਵੋਂਗ ਨੇ ਕਿਹਾ ਕਿ ਹਾਲ 'ਚ ਮਾਮਲਿਆਂ ਦਾ ਵਧਣਾ ਅਚਾਨਕ ਨਹੀਂ ਹੈ ਕਿਉਂਕਿ ਪਹਿਲਾਂ ਪਾਬੰਦੀਆਂ 'ਚ ਦਿੱਤੀ ਗਈ ਢਿੱਲ ਤੋਂ ਬਾਅਦ ਜ਼ਿਆਦਾ ਲੋਕ ਬਾਹਰ ਨਿਕਲਣ ਲੱਗੇ ਹਨ ਪਰ ਸਿੰਗਾਪੁਰ ਨਵੇਂ ਪੜਾਅ 'ਚ ਹੈ ਅਤੇ ਵੱਡੀ ਗਿਣਤੀ 'ਚ ਲੋਕਾਂ ਨੂੰ ਟੀਕਾ ਲਾਇਆ ਜਾ ਚੁੱਕਿਆ ਹੈ।
ਇਹ ਵੀ ਪੜ੍ਹੋ : ਨੇਪਾਲ 'ਚ ਮੀਂਹ ਨਾਲ ਸਬੰਧਿਤ ਘਟਨਾਵਾਂ 'ਚ 9 ਲੋਕਾਂ ਦੀ ਮੌਤ
ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।
