ਨਿਊਜ਼ੀਲੈਂਡ ''ਚ ਪਹਿਲੀ ਵਾਰ AI ਪੁਲਸ ਕਰਮੀ ਤਾਇਨਾਤ, ਜਾਣੋ ਖਾਸੀਅਤ

ਵੈਲਿੰਗਟਨ (ਬਿਊਰੋ): ਮੌਜੂਦਾ ਸਮੇਂ ਵਿਚ ਹਰ ਖੇਤਰ ਵਿਚ ਤਕਨਾਲੋਜੀ ਨੂੰ ਤਰਜੀਹ ਦਿੱਤੀ ਜਾ ਰਹੀ ਹੈ।ਇਸੇ ਲੜੀ ਵਿਚ ਨਿਊਜ਼ੀਲੈਂਡ ਨੇ ਦੇਸ਼ ਦੀ ਪਹਿਲੀ AI (artifical Intelligence) ਆਧਾਰਿਤ ਪੁਲਸਕਰਮੀ 'ਐਲਾ' (Ella) ਤਿਆਰ ਕੀਤੀ ਹੈ। ਪਾਇਲਟ ਪ੍ਰਾਜੈਕਟ ਦੇ ਤਹਿਤ ਇਸ ਨੂੰ ਵੈਲਿੰਗਟਨ ਸਥਿਤ ਪੁਲਸ ਹੈੱਡਕੁਆਰਟਰ ਵਿਚ ਤਾਇਨਾਤ ਕੀਤਾ ਗਿਆ ਹੈ। ਅਧਿਕਾਰੀਆਂ ਦੇ ਮੁਤਾਬਕ ਇਨਸਾਨਾਂ ਦੀ ਤਰ੍ਹਾਂ ਦਿਸਣ ਵਾਲੀ ਐਲਾ ਨੂੰ 26 ਵੱਖ-ਵੱਖ ਲੋਕਾਂ ਦੀਆਂ ਖੂਬੀਆਂ ਮਿਲਾ ਕੇ ਤਿਆਰ ਕੀਤਾ ਗਿਆ ਹੈ।

New Zealand Police unveil first artificial intelligence officer, Ella.

Ella stands for Electronic Lifelike Assistant, is part of two new digital kiosks police have designed to help reduce queues in stations and to provide a modern way to connect with the public. pic.twitter.com/d3kXXFWMTs

— Wazo Security (@WazoAI) February 13, 2020

ਫਿਲਹਾਲ ਐਲਾ ਡਿਜੀਟਲ ਪੁਲਸ ਕਿਯੋਸਕ ਦਾ ਹਿੱਸਾ ਹੈ। ਉਸ ਨੂੰ ਲੋਕਾਂ ਦੀਆਂ ਸ਼ਿਕਾਇਤਾਂ ਦਰਜ ਕਰਨ ਅਤੇ ਉਹਨਾਂ ਦੇ ਨਿਪਟਾਰੇ ਲਈ ਤਿਆਰ ਕੀਤਾ ਗਿਆ ਹੈ। ਪੁਲਸ ਵਿਭਾਗ ਦੇ ਮੁਤਾਬਕ ਐਲਾ ਨੂੰ ਡਿਜ਼ਾਈਨ ਕਰਨ ਅਤੇ ਵਿਭਾਗ ਵਿਚ ਤਾਇਨਾਤ ਕਰਨ ਦਾ ਆਈਡੀਆ ਪ੍ਰਾਜੈਕਟ ਮੈਨੇਜਰ ਐਰਿਨ ਗ੍ਰੈਨਲੀ ਦਾ ਸੀ।