ਇੰਡੋਨੇਸ਼ੀਆ ਦਾ ਇਬੂ ਜਵਾਲਾਮੁਖੀ ਫੁਟਿਆ, 3.5 ਕਿਲੋਮੀਟਰ ਤੱਕ ਫੈਲੀ ਸੁਆਹ

ਜਕਾਰਤਾ (ਏਜੰਸੀ): ਇੰਡੋਨੇਸ਼ੀਆ ਦੇ ਪੂਰਬੀ ਸੂਬੇ ਦੇ ਉੱਤਰੀ ਮਲੂਕੂ ਦੇ ਹਾਲਮੇਹਰਾ ਟਾਪੂ 'ਤੇ ਇਬੂ ਜਵਾਲਾਮੁਖੀ ਐਤਵਾਰ ਤੜਕੇ ਫਟ ਗਿਆ। ਇਹ ਜਾਣਕਾਰੀ ਦੇਸ਼ ਦੇ ਜਵਾਲਾਮੁਖੀ ਵਿਗਿਆਨ ਅਤੇ ਭੂ-ਵਿਗਿਆਨਕ ਖਤਰੇ ਨੂੰ ਘੱਟ ਕਰਨ ਦੇ ਕੇਂਦਰ (ਪੀ.ਵੀ.ਐਮ.ਬੀ.ਜੀ) ਨੇ ਦਿੱਤੀ। ਸਮਾਚਾਰ ਏਜੰਸੀ ਸਿਨਹੂਆ ਦੀ ਰਿਪੋਰਟ ਮੁਤਾਬਕ ਪੀ.ਵੀ.ਐਮ.ਬੀ.ਜੀ ਨੇ ਦੱਸਿਆ ਕਿ ਜਵਾਲਾਮੁਖੀ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 00:37 ਵਜੇ ਲਗਭਗ 206 ਸਕਿੰਟਾਂ ਲਈ ਫਟਿਆ, ਜਿਸ ਨੇ ਆਪਣੀ ਸਿਖਰ ਤੋਂ 3,500 ਮੀਟਰ ਤੱਕ ਸੁਆਹ ਸੁੱਟੀ।

ਪੜ੍ਹੋ ਇਹ ਅਹਿਮ ਖ਼ਬਰ-ਚੀਨ 'ਚ ਤੂਫਾਨ ਦਾ ਕਹਿਰ, 5 ਲੋਕਾਂ ਦੀ ਮੌਤ, 33 ਜ਼ਖਮੀ

ਸਮੁੰਦਰ ਤਲ ਤੋਂ 1,325 ਮੀਟਰ ਦੀ ਉਚਾਈ 'ਤੇ ਸਥਿਤ ਇਬੂ ਜੁਆਲਾਮੁਖੀ ਨੂੰ ਦੂਜੇ ਖ਼ਤਰੇ ਦੇ ਪੱਧਰ ਵਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਹੈ, ਜੋ ਕਿ ਉੱਚੇ ਪੱਧਰ IV ਤੋਂ ਹੇਠਾਂ ਹੈ। ਪੀ.ਵੀ.ਐਮ.ਬੀ.ਜੀ ਨੇ ਲੋਕਾਂ ਨੂੰ ਕ੍ਰੇਟਰ ਤੋਂ 3.5 ਕਿਲੋਮੀਟਰ ਦੇ ਘੇਰੇ ਵਿੱਚ ਗਤੀਵਿਧੀਆਂ ਨਾ ਕਰਨ ਲਈ ਕਿਹਾ। ਹੋਰ ਵੇਰਵਿਆਂ ਦੀ ਉਡੀਕ ਕੀਤੀ ਜਾ ਰਹੀ ਹੈ। ਪੈਸੀਫਿਕ ਰਿੰਗ ਆਫ ਫਾਇਰ 'ਤੇ ਸਥਿਤ, ਇੰਡੋਨੇਸ਼ੀਆ ਦੁਨੀਆ ਦੇ ਸਭ ਤੋਂ ਵੱਧ ਜੁਆਲਾਮੁਖੀ ਵਾਲੇ ਦੇਸ਼ਾਂ ਵਿੱਚੋਂ ਇੱਕ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।