ਇੰਡੋਨੇਸ਼ੀਆ ਦਾ ਮਾਰਾਪੀ ਜਵਾਲਾਮੁਖੀ ਫੁੱਟਿਆ, ਆਸਮਾਨ ਤੱਕ ਛਾਇਆ ਸੁਆਹ ਦਾ ਗੁਬਾਰ

ਪਡਾਂਗ (ਏ.ਪੀ.)- ਇੰਡੋਨੇਸ਼ੀਆ ਦੇ ਸਭ ਤੋਂ ਸਰਗਰਮ ਜੁਆਲਾਮੁਖੀਆਂ ਵਿੱਚੋਂ ਇੱਕ ਮਾਰਾਪੀ ਜਵਾਲਾਮੁਖੀ ਐਤਵਾਰ ਨੂੰ ਫੁੱਟ ਪਿਆ, ਜਿਸ ਨੇ ਘੱਟੋ-ਘੱਟ ਤਿੰਨ ਵਾਰ ਸੁਆਹ ਦੇ ਮੋਟੇ ਗੁਬਾਰ ਛੱਡੇ ਅਤੇ ਪਿੰਡਾਂ ਨੂੰ ਮਲਬੇ ਨਾਲ ਢੱਕ ਦਿੱਤਾ। ਚੰਗੀ ਗੱਲ ਇਹ ਰਹੀ ਕਿ ਹੁਣ ਤੱਕ ਕਿਸੇ ਜਾਨੀ ਨੁਕਸਾਨ ਦੀ ਖ਼ਬਰ ਨਹੀਂ ਹੈ। ਤੁਹਾਡੀ ਜਾਣਕਾਰੀ ਲਈ ਦੱਸ ਦਈਏ ਕਿ ਪੱਛਮੀ ਸੁਮਾਤਰਾ ਪ੍ਰਾਂਤ ਦੇ ਅਗਮ ਜ਼ਿਲ੍ਹੇ ਵਿੱਚ ਮਾਊਂਟ ਮਾਰਾਪੀ, ਅਚਾਨਕ ਫਟਣ ਲਈ ਜਾਣਿਆ ਜਾਂਦਾ ਹੈ ਜਿਸਦਾ ਅਨੁਮਾਨ ਲਗਾਉਣਾ ਮੁਸ਼ਕਲ ਹੁੰਦਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ- ਅਮਰੀਕਾ ਦੀ ਵੱਡੀ ਕਾਰਵਾਈ, ਗੈਰ-ਕਾਨੂੰਨੀ ਢੰਗ ਨਾਲ ਰਹਿ ਰਹੇ ਭਾਰਤੀਆਂ ਨੂੰ ਭੇਜਿਆ ਵਾਪਸ

ਮਾਰਾਪੀ ਨਿਗਰਾਨੀ ਚੌਕੀ 'ਤੇ ਇੰਡੋਨੇਸ਼ੀਆ ਦੇ ਜਵਾਲਾਮੁਖੀ ਅਤੇ ਭੂ-ਵਿਗਿਆਨਕ ਖਤਰਾ ਮਿਟੀਗੇਸ਼ਨ ਸੈਂਟਰ ਦੇ ਅਧਿਕਾਰੀ ਅਹਿਮਦ ਰਿਫਾਂਡੀ ਨੇ ਕਿਹਾ ਕਿ ਇਸ ਨੇ ਗਰਮ ਸੁਆਹ ਦੇ ਬੱਦਲਾਂ ਛੱਡੇ, ਜੋ ਕਈ ਮੀਲ ਤੱਕ ਫੈਲ ਗਏ, ਜਿਨ੍ਹਾਂ ਨੇ ਨੇੜਲੇ ਪਿੰਡਾਂ ਅਤੇ ਕਸਬਿਆਂ ਨੂੰ ਸੰਘਣੇ ਜਵਾਲਾਮੁਖੀ ਦੀ ਰਹਿੰਦ-ਖੂੰਹਦ ਨਾਲ ਢੱਕ ਲਿਆ। ਇਸਨੇ 2,000 ਮੀਟਰ (6,560 ਫੁੱਟ) ਤੱਕ ਉੱਚੇ ਸੁਆਹ ਦੇ ਗੁਬਾਰ ਵੀ ਛੱਡੇ। ਰਿਫਾਂਡੀ ਨੇ ਕਿਹਾ ਕਿ ਲਗਭਗ 2,900-ਮੀਟਰ (9,480-ਫੁੱਟ) ਉੱਚਾ ਜੁਆਲਾਮੁਖੀ ਜਨਵਰੀ ਤੋਂ ਲੈ ਕੇ ਹੁਣ ਤੱਕ ਚਾਰ ਅਲਰਟ ਪੱਧਰਾਂ ਦੇ ਦੂਜੇ ਸਭ ਤੋਂ ਉੱਚੇ ਪੱਧਰ 'ਤੇ ਬਣਿਆ ਹੋਇਆ ਹੈ, ਜਿਸ ਨੇ ਸੰਭਾਵੀ ਲਾਵੇ ਕਾਰਨ ਕ੍ਰੇਟਰ ਦੇ ਮੂੰਹ ਤੋਂ 3 ਕਿਲੋਮੀਟਰ (1.8 ਮੀਲ) ਦੇ ਅੰਦਰ ਪਰਬਤਾਰੋਹੀਆਂ ਅਤੇ ਪਿੰਡ ਵਾਸੀਆਂ ਨੂੰ ਖਤਰੇ ਵਿਚ ਪਾ ਦਿੱਤਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ- ਹਸੀਨਾ ਖ਼ਿਲਾਫ਼ ਕਤਲ ਕੇਸ ਦੀ ਜਾਂਚ ਰਿਪੋਰਟ 28 ਨਵੰਬਰ ਤੱਕ ਸੌਂਪਣ ਦੇ ਆਦੇਸ਼

ਮਾਰਾਪੀ ਦਸੰਬਰ 2023 ਵਿੱਚ ਫੁੱਟਿਆ ਸੀ, ਜਿਸ ਵਿੱਚ 24 ਪਰਬਤਰੋਹੀਆਂ ਦੀ ਮੌਤ ਹੋ ਗਈ ਅਤੇ ਕਈ ਹੋਰ ਜ਼ਖਮੀ ਹੋ ਗਏ। ਉਦੋਂ ਤੋਂ ਪਹਾੜ 'ਤੇ ਚੜ੍ਹਨ ਦੇ ਦੋ ਰਸਤੇ ਬੰਦ ਕਰ ਦਿੱਤੇ ਗਏ ਹਨ। ਐਤਵਾਰ ਦਾ ਵਿਸਫੋਟ ਮਾਨਸੂਨ ਦੀ ਬਾਰਸ਼ ਦੇ ਪੰਜ ਮਹੀਨੇ ਬਾਅਦ ਹੋਇਆ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।