ਦੱਖਣੀ ਕੈਰੋਲੀਨਾ ''ਚ ਭਾਰਤੀ ਸਟੋਰ ਮਾਲਕ ਦਾ ਗੋਲੀਆਂ ਮਾਰ ਕੇ ਕਤਲ

ਨਿਊਯਾਰਕ (ਰਾਜ ਗੋਗਨਾ)- ਬੀਤੇ ਦਿਨੀਂ ਅਮਰੀਕਾ ਦੇ ਦੱਖਣੀ ਕੈਰੋਲੀਨਾ ਤੋਂ ਇੱਕ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਗੁਜਰਾਤ ਦੇ ਬੋਰਸਾਡ ਦੀ ਕਿਰਨਬੇਨ ਪਟੇਲ, ਨਾਮੀ ਸਟੋਰ ਮਾਲਕ ਜੋ ਪਿਛਲੇ 23 ਸਾਲਾਂ ਤੋਂ ਇੱਥੇ ਰਹੀ ਸੀ, ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਹੈ। 

ਮ੍ਰਿਤਕ ਕਿਰਨਬੇਨ ਪਟੇਲ ਦੱਖਣੀ ਕੈਰੋਲੀਨਾ ਵਿੱਚ ਆਪਣਾ ਇੱਕ ਸਟੋਰ ਚਲਾ ਰਹੀ ਸੀ। ਜਾਣਕਾਰੀ ਅਨੁਸਾਰ, ਇੱਕ ਨਕਾਬਪੋਸ਼ ਨੌਜਵਾਨ ਉਸ ਦੇ ਸਟੋਰ ਵਿੱਚ ਦਾਖਲ ਹੋਇਆ ਅਤੇ ਲੁੱਟ ਦੇ ਇਰਾਦੇ ਨਾਲ ਅੰਨ੍ਹੇਵਾਹ ਗੋਲੀਆਂ ਚਲਾ ਦਿੱਤੀਆਂ। ਜਿਸ ਵਿੱਚ ਕਿਰਨਬੇਨ ਪਟੇਲ ਨੂੰ ਅੱਠ ਤੋਂ ਵੱਧ ਗੋਲੀਆਂ ਲੱਗੀਆਂ ਅਤੇ ਉਸ ਦੀ ਮੌਕੇ 'ਤੇ ਹੀ ਮੋਤ ਹੋ ਗਈ। ਕਿਰਨਬੇਨ ਦੇ ਦੋ ਬੱਚੇ ਹਨ, ਉਸ ਦਾ  ਇੱਕ ਬੇਟਾ ਯੂਕੇ ਵਿੱਚ ਰਹਿੰਦਾ ਹੈ ਤੇ ਇੱਕ ਧੀ ਕੈਨੇਡਾ ਵਿੱਚ ਰਹਿੰਦੀ ਹੈ। 

ਜਾਣਕਾਰੀ ਅਨੁਸਾਰ ਇਹ ਘਟਨਾ ਤਿੰਨ ਕੁ  ਦਿਨ ਪਹਿਲਾਂ ਰਾਤ ਨੂੰ ਵਾਪਰੀ ਜਦੋਂ ਕਿਰਨਬੇਨ ਪਟੇਲ ਸਟੋਰ ਬੰਦ ਕਰਕੇ ਘਰ ਜਾਣ ਦੀ ਤਿਆਰੀ ਕਰ ਰਹੀ ਸੀ। ਉਸ ਸਮੇਂ ਉਹ ਪੈਸੇ ਗਿਣ ਰਹੀ ਸੀ। ਅਚਾਨਕ ਹੀ ਲੁੱਟ ਦੀ ਨੀਯਤ ਨਾਲ ਇੱਕ ਨਕਾਬਪੋਸ਼ ਵਿਅਕਤੀ ਸਟੋਰ ਵਿੱਚ ਦਾਖਲ ਹੋਇਆ ਅਤੇ ਉਸ ਨੇ ਸਟੋਰ ਮਾਲਕ ਕਿਰਨਬੇਨ ਪਟੇਲ ਤੇ ਗੋਲੀਬਾਰੀ ਸ਼ੁਰੂ ਕਰ ਦਿੱਤੀ ਅਤੇ ਕਿਰਨਬੇਨ ਪਟੇਲ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e