ਭਾਰਤ ਨੇ ਇਜ਼ਰਾਈਲ ਭੇਜੇ ਅਡਾਨੀ ਗਰੁੱਪ ਦੀ ਕੰਪਨੀ ''ਚ ਬਣੇ 20 ਹਰਮੇਸ 900 ਡਰੋਨ

ਬਿਜ਼ਨੈੱਸ ਡੈਸਕ : ਭਾਰਤੀ ਕੰਪਨੀ ਗਾਜ਼ਾ ਵਿੱਚ ਹਮਲਿਆਂ ਲਈ ਵਰਤੋਂ ਕਰਨ ਲਈ ਇਜ਼ਰਾਈਲ ਲਈ ਡਰੋਨਾਂ ਦਾ ਨਿਰਮਾਣ ਅਤੇ ਨਿਰਯਾਤ ਕਰ ਰਹੀ ਹੈ। ਇਹ ਦਾਅਵਾ ਮਿਡਲ ਈਸਟ ਆਈ ਦੀ ਰਿਪੋਰਟ ਵਿੱਚ ਕੀਤਾ ਗਿਆ ਹੈ। ਰਿਪੋਰਟ ਮੁਤਾਬਕ ਅਡਾਨੀ-ਏਲਬਿਟ ਐਡਵਾਂਸਡ ਸਿਸਟਮਜ਼ ਇੰਡੀਆ ਲਿਮਟਿਡ ਦੁਆਰਾ ਸਾਂਝੇ ਉਤਪਾਦਨ ਰਾਹੀਂ ਭਾਰਤ ਵਿੱਚ ਬਣੇ 20 ਹਰਮੇਸ 900 ਡਰੋਨ ਇਜ਼ਰਾਈਲ ਨੂੰ ਦਿੱਤੇ ਗਏ ਹਨ। ਭਾਰਤ ਦੇ ਅਡਾਨੀ ਡਿਫੈਂਸ ਐਂਡ ਏਰੋਸਪੇਸ ਅਤੇ ਇਜ਼ਰਾਈਲ ਦੇ ਐਲਬਿਟ ਸਿਸਟਮ ਨੇ ਐਲਬਿਟ 900 ਡਰੋਨ ਦੇ ਨਿਰਮਾਣ ਲਈ ਇਕ ਸਾਂਝਾ ਉੱਦਮ ਬਣਾਇਆ ਹੈ। 

ਇਹ ਵੀ ਪੜ੍ਹੋ - Paytm Fastag ਨੂੰ ਲੈ ਕੇ NHAI ਦਾ ਵੱਡਾ ਫ਼ੈਸਲਾ, ਪ੍ਰਭਾਵਿਤ ਹੋ ਸਕਦੇ ਹਨ 2 ਕਰੋੜ ਲੋਕ

ਵਿਸ਼ਲੇਸ਼ਕਾਂ ਨੇ ਇਸ ਸੌਦੇ 'ਤੇ ਪ੍ਰਗਟਾਈ ਚਿੰਤਾ 
ਹਾਲਾਂਕਿ ਕਿਸੇ ਵੀ ਦੇਸ਼ ਨੇ ਭਾਰਤ ਦੇ ਬਣੇ ਹਰਮੇਸ 900 ਡਰੋਨ ਨੂੰ ਇਜ਼ਰਾਈਲ ਨੂੰ ਸੌਂਪਣ ਨੂੰ ਸਵੀਕਾਰ ਨਹੀਂ ਕੀਤਾ ਹੈ। ਮਿਡਲ ਈਸਟ ਆਈ ਦੀ ਰਿਪੋਰਟ 'ਚ ਮਨੁੱਖੀ ਅਧਿਕਾਰ ਕਾਰਕੁਨਾਂ ਅਤੇ ਰੱਖਿਆ ਵਿਸ਼ਲੇਸ਼ਕਾਂ ਨੇ ਇਸ ਸੌਦੇ 'ਤੇ ਚਿੰਤਾ ਪ੍ਰਗਟਾਈ ਹੈ। ਉਨ੍ਹਾਂ ਅਨੁਸਾਰ ਇਹ ਡਰੋਨ ਸੌਦਾ ਇਜ਼ਰਾਈਲ ਨਾਲ ਭਾਰਤ ਦੀ ਵਧਦੀ ਭਾਈਵਾਲੀ ਨੂੰ ਰੇਖਾਂਕਿਤ ਕਰਦਾ ਹੈ ਅਤੇ ਦੋਵਾਂ ਦੇਸ਼ਾਂ ਦਰਮਿਆਨ ਵਧ ਰਹੇ ਆਰਥਿਕ ਅਤੇ ਫੌਜੀ ਸਬੰਧਾਂ ਨੂੰ ਉਜਾਗਰ ਕਰਦਾ ਹੈ।

ਇਹ ਵੀ ਪੜ੍ਹੋ - Gold Price Today: ਮੁੜ ਸਸਤਾ ਹੋਇਆ ਸੋਨਾ, ਜਾਣੋ 22 ਕੈਰੇਟ ਸੋਨੇ ਦਾ ਅੱਜ ਦਾ ਰੇਟ

ਹਰਮੇਸ-900 ਡਰੋਨ ਦੀ ਖ਼ਾਸੀਅਤ
ਹਰਮੇਸ-900 ਡਰੋਨ ਦਾ ਇਸਤੇਮਾਲ ਹੈਦਰਾਬਾਦ ਵਿੱਚ ਇੱਕ ਨਿੱਜੀ ਨਿਰਮਾਣ ਕੇਂਦਰ ਵਿੱਚ ਕੀਤਾ ਜਾਂਦਾ ਹੈ। ਦੱਸ ਦੇਈਏ ਕਿ ਇਜ਼ਰਾਈਲ ਪਹਿਲਾਂ ਤੋਂ ਹੀ ਇਸ ਖ਼ਤਰਨਾਕ ਡਰੋਨ ਦੀ ਵਰਤੋਂ ਕਰ ਰਿਹਾ ਹੈ। ਹਰਮੇਸ 900 ਡਰੋਨ 30 ਘੰਟਿਆਂ ਤੋਂ ਵੱਧ ਸਮੇਂ ਤੱਕ ਹਵਾ ਵਿੱਚ ਰਹਿਣ ਦੇ ਸਮਰੱਥ ਹੈ। ਆਮ ਤੌਰ 'ਤੇ ਇਹ ਡਰੋਨ ਦਾ ਇਸਤੇਮਾਲ ਖੋਜ ਮਿਸ਼ਨਾਂ ਦੇ ਨਾਲ-ਨਾਲ ਹਵਾਈ ਬੰਬਬਾਰੀ ਸਮੇਤ ਵੱਖ-ਵੱਖ ਫੌਜੀ ਕਾਰਵਾਈਆਂ ਲਈ ਵਰਤਿਆ ਜਾਂਦਾ ਹੈ। ਹਰਮੇਸ 900 ਡਰੋਨ ਪਹਿਲੀ ਵਾਰ 2014 ਵਿੱਚ ਗਾਜ਼ਾ ਵਿੱਚ ਇਜ਼ਰਾਈਲ ਦੀ ਲੜਾਈ ਦੌਰਾਨ ਪੇਸ਼ ਕੀਤਾ ਗਿਆ ਸੀ। ਹਰਮੇਸ 900 ਨੂੰ ਕੋਸ਼ੇਵ ਜਾਂ ਸਟਾਰ ਵੀ ਕਿਹਾ ਜਾਂਦਾ ਹੈ। ਇਹ ਉਨ੍ਹਾਂ ਚਾਰ ਘਾਤਕ ਕਾਤਲ ਡਰੋਨਾਂ ਵਿੱਚੋਂ ਇੱਕ ਹੈ, ਜਿਸ ਦਾ ਇਸਤੇਮਾਲ ਇਜ਼ਰਾਈਲ ਕਰਦਾ ਹੈ।

ਇਹ ਵੀ ਪੜ੍ਹੋ - 15 ਜਨਵਰੀ ਤੋਂ 15 ਜੁਲਾਈ ਦੇ ਸ਼ੁੱਭ ਮਹੂਰਤ 'ਚ ਹੋਣਗੇ 42 ਲੱਖ ਵਿਆਹ, 5.5 ਲੱਖ ਕਰੋੜ ਰੁਪਏ ਦੇ ਕਾਰੋਬਾਰ ਦਾ ਅਨੁਮਾਨ

ਭਾਰਤ 'ਚ ਬਣੇ ਹਰਮੇਸ 900 ਡਰੋਨ ਦੀ ਡਿਲੀਵਰੀ
ਰਿਪੋਰਟ ਮੁਤਾਬਕ ਭਾਰਤ 'ਚ ਬਣੇ ਹਰਮੇਸ 900 ਡਰੋਨ ਦੀ ਡਿਲੀਵਰੀ ਉਦੋਂ ਹੋਈ, ਜਦੋਂ ਇਜ਼ਰਾਇਲੀ ਹਵਾਈ ਹਮਲੇ ਨੇ ਰਫਾਹ 'ਤੇ ਭਾਰੀ ਬੰਬਬਾਰੀ ਕੀਤੀ। ਰਫਾਹ ਫਲਸਤੀਨ ਦਾ ਇੱਕ ਸੰਘਣੀ ਆਬਾਦੀ ਵਾਲਾ ਸ਼ਹਿਰੀ ਇਲਾਕਾ ਹੈ। ਰੱਖਿਆ ਵਿਸ਼ਲੇਸ਼ਕਾਂ ਦਾ ਕਹਿਣਾ ਹੈ ਕਿ ਗਾਜ਼ਾ 'ਤੇ ਚੱਲ ਰਹੇ ਹਮਲੇ ਦੌਰਾਨ ਡਰੋਨ ਇਜ਼ਰਾਈਲੀ ਫੌਜ ਦੇ ਮੁੱਖ ਹਥਿਆਰਾਂ ਵਿੱਚੋਂ ਇੱਕ ਰਹੇ ਹਨ, ਜਿੱਥੇ ਉਨ੍ਹਾਂ ਦੀ ਵਰਤੋਂ ਖੁਫੀਆ ਜਾਣਕਾਰੀ ਇਕੱਠੀ ਕਰਨ ਦੇ ਨਾਲ-ਨਾਲ ਅੱਤਵਾਦੀਆਂ ਅਤੇ ਉਨ੍ਹਾਂ ਦੇ ਘਰਾਂ 'ਤੇ ਹਮਲੇ ਕਰਨ ਲਈ ਕੀਤੀ ਜਾਂਦੀ ਹੈ। ਇਜ਼ਰਾਈਲ ਅਤੇ ਅਮਰੀਕਾ ਦੋਵਾਂ ਨੇ ਜੰਗ ਪ੍ਰਭਾਵਿਤ ਖੇਤਰ ਵਿੱਚ ਡਰੋਨ ਤਾਇਨਾਤ ਕੀਤੇ ਹਨ ਜਾਂ ਤਾਂ ਨਿਗਰਾਨੀ ਦੇ ਉਦੇਸ਼ਾਂ ਲਈ ਜਾਂ ਹਮਾਸ ਦੇ ਵਿਰੁੱਧ ਕਾਰਵਾਈਆਂ ਕਰਨ ਲਈ।

ਇਹ ਵੀ ਪੜ੍ਹੋ - Paytm ਦਾ FASTag ਇਸਤੇਮਾਲ ਕਰਨ ਵਾਲੇ ਸਾਵਧਾਨ! ਦੇਣਾ ਪੈ ਸਕਦੈ ਦੁੱਗਣਾ ਟੋਲ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8