ਕਾਂਗੋ ''ਚ ਵੱਡਾ ਹਾਦਸਾ: ਸਕੂਲਾਂ ''ਚ ਅੱਗ ਕਾਰਨ ਮਚਿਆ ਚੀਕ-ਚਿਹਾੜਾ, ਦਮ ਘੁੱਟਣ ਨਾਲ 24 ਵਿਦਿਆਰਥੀਆਂ ਦੀ ਮੌਤ

ਇੰਟਰਨੈਸ਼ਨਲ ਡੈਸਕ : ਪੂਰਬੀ ਕਾਂਗੋ ਦੇ ਬੁਕਾਵੂ ਸ਼ਹਿਰ ਵਿੱਚ ਵੀਰਵਾਰ ਨੂੰ ਅੱਗ ਲੱਗਣ ਦੀ ਘਟਨਾ ਵਿੱਚ 24 ਵਿਦਿਆਰਥੀਆਂ ਦੀ ਮੌਤ ਹੋ ਗਈ। ਸ਼ਹਿਰ 'ਤੇ ਕਾਬਜ਼ ਇੱਕ ਬਾਗੀ ਸਮੂਹ ਨੇ ਇਹ ਜਾਣਕਾਰੀ ਦਿੱਤੀ। 'M23' ਬਾਗੀ ਸਮੂਹ ਦੇ ਬੁਲਾਰੇ ਲਾਰੈਂਸ ਕਾਨਯੁਕਾ ਨੇ ਦੱਸਿਆ ਕਿ ਮਰਨ ਵਾਲਿਆਂ ਵਿੱਚ 19 ਲੜਕੀਆਂ ਅਤੇ 5 ਲੜਕੇ ਸ਼ਾਮਲ ਸਨ।

🚨 BREAKING | Bukavu fire, DR Congo

At least 24 people, most of them schoolchildren, are feared dead after a fast-spreading fire tore through a densely populated hillside neighborhood in Bukavu, South Kivu.

The fire began in a house in the Cimpunda/Kadutu area before spreading… pic.twitter.com/E68WhdqHk7

— Diplomat Times (@diplomattimes) September 10, 2026

ਉਨ੍ਹਾਂ ਦੱਸਿਆ ਕਿ 29 ਹੋਰ ਵਿਅਕਤੀਆਂ ਦਾ ਸਥਾਨਕ ਸਿਹਤ ਕੇਂਦਰਾਂ ਵਿੱਚ ਇਲਾਜ ਚੱਲ ਰਿਹਾ ਹੈ। ਸਥਾਨਕ ਪ੍ਰਸ਼ਾਸਕ ਮੋਇਸ ਲੁਬਾਲਾ ਨੇ 'ਐਸੋਸੀਏਟਿਡ ਪ੍ਰੈਸ' (AP) ਨੂੰ ਦੱਸਿਆ ਕਿ ਅੱਗ ਇੱਕ ਘਰ ਵਿੱਚ ਲੱਗੀ ਸੀ ਅਤੇ ਬਾਅਦ ਵਿੱਚ ਨੇੜਲੇ 2 ਸਕੂਲਾਂ ਤੱਕ ਫੈਲ ਗਈ। ਉਨ੍ਹਾਂ ਕਿਹਾ ਕਿ ਬਹੁਤ ਸਾਰੇ ਵਿਦਿਆਰਥੀ 'ਫੁਰਾਹਾ ਸੈਕੰਡਰੀ ਸਕੂਲ' ਦੇ ਅੰਦਰ ਫਸ ਗਏ ਸਨ ਅਤੇ ਕੁਝ ਦੀ ਮੌਤ ਦਮ ਘੁਟਣ ਕਾਰਨ ਹੋਈ।

ਇਹ ਵੀ ਪੜ੍ਹੋ : ਲੰਡਨ ਦੇ ਗੁਰਦੁਆਰਾ ਸਾਹਿਬ ’ਚ RSS ਮੁਖੀ ਦਾ ਸਵਾਗਤ ਪੰਥ ਨਾਲ ਧ੍ਰੋਹ- ਵਰਲਡ ਸਿੱਖ ਪਾਰਲੀਮੈਂਟ

ਇੱਕ ਸਿਹਤ ਕੇਂਦਰ ਦੀ ਨਰਸ, ਸਿਜਾ ਜੀਨ-ਬੈਪਟਿਸਟ ਨੇ AP ਨੂੰ ਦੱਸਿਆ ਕਿ ਫੁਰਾਹਾ ਅਤੇ ਨੇੜਲੇ 'ਉਜਾਮਾ ਪ੍ਰਾਇਮਰੀ ਸਕੂਲ' ਦੇ ਵੱਖ-ਵੱਖ ਉਮਰਾਂ ਦੇ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀਆਂ ਸਕੂਲੀ ਵਰਦੀਆਂ ਸਮੇਤ ਹੀ 'ਨਿਆਮੁਲਾਗੀਰਾ ਬਿਡੋਮ' ਸਿਹਤ ਕੇਂਦਰ ਲਿਆਂਦਾ ਗਿਆ ਸੀ। ਉਨ੍ਹਾਂ ਦੱਸਿਆ ਕਿ ਜ਼ਖਮੀਆਂ ਦੀ ਗਿਣਤੀ ਇੰਨੀ ਜ਼ਿਆਦਾ ਸੀ ਕਿ ਮੈਡੀਕਲ ਸਟਾਫ ਲਈ ਸਹੀ ਗਿਣਤੀ ਰੱਖਣਾ ਮੁਸ਼ਕਲ ਸੀ। ਲੁਬਾਲਾ ਅਨੁਸਾਰ, ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e