ਜਰਮਨੀ ਨੇ ਆਪਣੇ ਨਾਗਰਿਕ ਨੂੰ ਮੌਤ ਦੀ ਸਜ਼ਾ ਸੁਣਾਏ ਜਾਣ ਨੂੰ ਲੈ ਕੇ 2 ਈਰਾਨੀ ਡਿਪਲੋਮੈਟਾਂ ਨੂੰ ਦੇਸ਼ ''ਚੋਂ ਕੱਢਿਆ
02/23/2023 2:32:57 PM
ਬਰਲਿਨ (ਭਾਸ਼ਾ) : ਜਰਮਨੀ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਹ ਈਰਾਨ ਵੱਲੋਂ ਆਪਣੇ ਇੱਕ ਨਾਗਰਿਕ ਨੂੰ ਫਾਂਸੀ ਦਿੱਤੇ ਜਾਣ ਕਾਰਨ 2 ਈਰਾਨੀ ਡਿਪਲੋਮੈਟਾਂ ਨੂੰ ਦੇਸ਼ 'ਚੋਂ ਕੱਢ ਰਿਹਾ ਹੈ। ਈਰਾਨ ਵਿਚ ਅਧਿਕਾਰੀਆਂ ਨੇ ਮੰਗਲਵਾਰ ਨੂੰ ਇਹ ਘੋਸ਼ਣਾ ਕੀਤੀ ਸੀ ਕਿ ਈਰਾਨੀ-ਜਰਮਨ ਨਾਗਰਿਕ ਅਤੇ ਅਮਰੀਕੀ ਨਿਵਾਸੀ ਜਮਸ਼ੀਦ ਸ਼ਰਮਦ (67) ਨੂੰ ਅੱਤਵਾਦੀ ਗਤੀਵਿਧੀਆਂ ਲਈ ਦੋਸ਼ੀ ਮੰਨਣ ਤੋਂ ਬਾਅਦ ਮੌਤ ਦੀ ਸਜ਼ਾ ਸੁਣਾਈ ਗਈ ਹੈ।
ਜਰਮਨੀ ਦੀ ਵਿਦੇਸ਼ ਮੰਤਰੀ ਐਨਾਲੀਨਾ ਬੀਅਰਬੌਕ ਨੇ ਕਿਹਾ ਕਿ ਉਨ੍ਹਾਂ ਨੇ ਬਰਲਿਨ ਵਿੱਚ ਈਰਾਨ ਦੇ ਦੂਤਘਰ ਦੇ ਇੰਚਾਰਜ ਨੂੰ ਤਲਬ ਕੀਤਾ ਅਤੇ ਉਨ੍ਹਾਂ ਨੂੰ ਸੂਚਿਤ ਕੀਤਾ ਕਿ "ਅਸੀਂ ਜਰਮਨ ਨਾਗਰਿਕ ਅਧਿਕਾਰਾਂ ਦੀ ਇਸ ਕਿਸਮ ਦੀ ਉਲੰਘਣਾ ਨੂੰ ਸਵੀਕਾਰ ਨਹੀਂ ਕਰਾਂਗੇ।" ਉਨ੍ਹਾਂ ਕਿਹਾ, ਇਸ ਦੇ ਨਤੀਜੇ ਵਜੋਂ ਜਰਮਨ ਸਰਕਾਰ ਨੇ ਈਰਾਨੀ ਦੂਤਘਰ ਦੇ 2 ਮੈਂਬਰਾਂ ਨੂੰ ਗੈਰ-ਲੋੜੀਂਦਾ ਵਿਅਕਤੀ ਘੋਸ਼ਿਤ ਕੀਤਾ ਅਤੇ ਉਨ੍ਹਾਂ ਨੂੰ ਥੋੜ੍ਹੇ ਸਮੇਂ ਦੇ ਨੋਟਿਸ 'ਤੇ ਜਰਮਨੀ ਛੱਡਣ ਲਈ ਕਿਹਾ।
