ਜਰਮਨੀ ਨੇ ਪਾਕਿਸਤਾਨ ਨੂੰ ਦਿੱਤੇ 20 ਮਿਲੀਅਨ ਯੂਰੋ

ਇਸਲਾਮਾਬਾਦ (ਪੋਸਟ ਬਿਊਰੋ)- ਖੈਬਰ ਪਖਤੂਨਖਵਾ ਸੂਬੇ ਵਿੱਚ ਜੰਗਲਾਂ ਦੀ ਸੁਰੱਖਿਆ ਅਤੇ ਟਿਕਾਊ ਪ੍ਰਬੰਧਨ ਦੇ ਉਦੇਸ਼ ਨਾਲ ਜਰਮਨੀ ਇੱਕ ਪ੍ਰੋਜੈਕਟ ਦੇ ਦੂਜੇ ਪੜਾਅ ਲਈ ਪਾਕਿਸਤਾਨ ਨੂੰ 20 ਮਿਲੀਅਨ ਯੂਰੋ ਪ੍ਰਦਾਨ ਕਰੇਗਾ। ਐਤਵਾਰ ਨੂੰ ਇੱਕ ਮੀਡੀਆ ਰਿਪੋਰਟ ਵਿਚ ਇਸ ਸਬੰਧੀ ਜਾਣਕਾਰੀ ਦਿੱਤੀ ਗਈ।

ਪੜ੍ਹੋ ਇਹ ਅਹਿਮ ਖ਼ਬਰ- ਬਦਲ ਗਏ Canada 'ਚ ਨੌਕਰੀ ਦੇ ਨਿਯਮ, ਜਾਣੋ ਕਿਵੇਂ ਕਰ ਸਕਦੇ ਹੋ ਅਪਲਾਈ

ਪਾਕਿਸਤਾਨ ਦੇ ਆਰਥਿਕ ਮਾਮਲਿਆਂ ਦੇ ਸਕੱਤਰ ਡਾ: ਕਾਜ਼ਿਮ ਨਿਆਜ਼ ਅਤੇ ਜਰਮਨ ਵਿਕਾਸ ਬੈਂਕ ਕੇ.ਐਫ.ਡਬਲਯੂ ਦੀ ਡਾਇਰੈਕਟਰ, ਐਸਥਰ ਗ੍ਰੈਵੇਨਕੋਟਟਰ ਵਿਚਕਾਰ ਸ਼ਨੀਵਾਰ ਨੂੰ ਇਸਲਾਮਾਬਾਦ ਵਿੱਚ 'ਬਿਲੀਅਨ ਟ੍ਰੀ ਫੋਰੈਸਟੇਸ਼ਨ ਸਪੋਰਟ ਪ੍ਰੋਜੈਕਟ' (ਬੀ.ਟੀ.ਏ.ਐਸ.ਪੀ) ਲਈ ਵਿੱਤੀ ਸਹਾਇਤਾ ਲਈ ਇੱਕ ਸਮਝੌਤੇ 'ਤੇ ਹਸਤਾਖਰ ਕੀਤੇ ਗਏ। ਡਾਨ ਅਖ਼ਬਾਰ ਨੇ ਰਿਪੋਰਟ ਮੁਤਾਬਕ BTASP ਦਾ ਪਹਿਲਾ ਪੜਾਅ ਪਹਿਲਾਂ ਹੀ ਖੈਬਰ ਪਖਤੂਨਖਵਾ ਜਲਵਾਯੂ ਪਰਿਵਰਤਨ, ਜੰਗਲਾਤ, ਵਾਤਾਵਰਣ ਅਤੇ ਜੰਗਲੀ ਜੀਵ ਵਿਭਾਗ ਦੇ ਨਾਲ ਸਾਂਝੇਦਾਰੀ ਵਿੱਚ ਲਾਗੂ ਕੀਤਾ ਜਾ ਰਿਹਾ ਹੈ। ਇਹ ਖੈਬਰ ਪਖਤੂਨਖਵਾ ਸੂਬੇ ਵਿੱਚ ਜੰਗਲਾਂ ਦੀ ਸੁਰੱਖਿਆ ਅਤੇ ਟਿਕਾਊ ਪ੍ਰਬੰਧਨ ਦਾ ਸਮਰਥਨ ਕਰੇਗਾ। ਪ੍ਰੋਜੈਕਟ 10,000 ਹੈਕਟੇਅਰ 'ਤੇ ਨਵੇਂ ਪੌਦੇ ਲਗਾਉਣ, ਜੰਗਲਾਤ ਵਿਭਾਗਾਂ ਦੀ ਸਮਰੱਥਾ ਨਿਰਮਾਣ, ਅਤੇ ਪ੍ਰਬੰਧਨ ਸੂਚਨਾ ਪ੍ਰਣਾਲੀ ਵਿਕਸਿਤ ਕਰਨ 'ਤੇ ਧਿਆਨ ਕੇਂਦਰਿਤ ਕਰੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।